के रेसुङ्गाका मेयरले खोलामाथिका घरमा डोजर चलाउलान ?

गुल्मी । वर्षौ अघिदेखि गुल्मी सदरमुकाम तम्घास बजारको सडकमै पसल थापेर बस्नेहरु रेसुङ्गा नगरपालिका मेयर खिलध्वज पन्थीसँग चिडीएका छन् । कारण हो सार्वजनिक जमिन मिचेर बनाइएका ती संरचनामा डोजर चलाउनु । अब घरतिर पनि डोजर चलाउने हुनकी भन्ने त्रासमा छ्न्। मुख्य सडक छेउमा घर बनाउने, सडकलाई आँगन र दलान बनाएर वर्षौदेखि पसलका सामग्री राखेर सवारी साधन आवत जावतमा समस्या सिर्जना गरिँदै आएकोमा मेयर पन्थीले डोजर चलाएका छन् । हिम्मत गरेर सडक फराकिलो पार्ने काम सुरुकोप्रति अधिकांस ले ‘ठिक गरे’ भन्न सुरु गरेपछि बिरोधी स्वरहरु मत्थरिँदै  गएका छ्न् ।

तम्घासमा सडक छेउका मात्र होइन खोला छेउछाउको सार्वजनिक जमिन मिचेर घर टहरा बनेका छ्न् । अहिले सडकबाट अतिक्रमण विरुद्ध निर्मम बनेका पन्थीले अब खोला र अन्य सार्वजनिक जमिनतर्फ पनि डोजर चलाउने कुरामा यहाँका  बासिन्दा आशावादी हुन थालेका छ्न । झन्डै  चार करोड लागतमा तम्घास बजारका मुख्य  सडक पुन कालोपत्रे हुँदैछ ।  त्यसघि पन्थीले सडकका पुराना पोल तार हटाए। टेलिकम र  अन्य फाइबर ब्यबसयीले जथाभावी टागेका तारहरु हटाएर नयाँ पोल र तार टगाए। लगत्तै सडक फराकिलो बनाएर केही दिनयता बाघमारे तर्फबाट कालोपत्रे गर्ने कार्य सुरु भएको छ ।  सुरुमा नेकपा एमालेले जथाभावी जनताको  घरपेटी मनपरी ढङ्ग्ले  भत्काएको  भन्दै   बिरोध जनाएको  थियो। केही मानिस अहिले पनि  बिरोधमा छ्न् । तर पछिल्लो चरण बिरोधी स्वर कम र जे गरे ठिक गरे भन्ने स्वर बढी सुनिन थालिएको छ । एमालेबाटै वडाध्यक्ष जितेका  वडा-१ का रामप्रसाद पन्थी, वडा-८ का  निरन्जन काउछा समेत चौबिसै घन्टा  नगरपालिकाको अभियानमा खटेको देखिन्छ । जुन कुनै दलबाट जितेका जनप्रतिनिधिहरु  एकतन एकमन भएर लाग्नु सवल पक्ष  देखिएको छ ।

स्थानीय तहको गत निर्वाचनमा मेयर पदका  उमेदवार राजेन्द्र प्रसद पाण्डे भने सुरुदेखिनै  नगरपालिकाले मापदण्ड बिपरित घरका  पेटी भत्काइएको भन्दै बिरोध  जनाउँदै  आएका छ्न् ।  त्यसो त बुधबार अपरान्हदेखि साझ अबेरसम्म गुल्मीको सदरमुकाम तम्घासको मुख्य सडकपेटी भत्काउन सुरुगर्दा पनि पसलेहरुले  बिरोध जनाए । शहिदचोक नजिकका दुई पसलेहरु पसल अगाडि छाना र  पेटी  भत्काउन  जबर्जस्ति डोजर चलाएको भन्दै आक्रोसित थिए । उनिहरु आक्रोषित मात्रै भएनन् डोजरको बकेट मै आएर बसे। उनिहरुको आक्रोश थियो, हामीलाई आफै भत्काउने मौका नै नदिइ दादारी शैलिमा पसलको सटरनै भत्काउने गरि डोजर चलाइयो । केही बेर तम्घासको शहिदचोक  तनावग्रस्त बन्यो  ।

कोहि भन्दै थिए तम्घासमा बालेनको डोजर चल्यो, जहाँ खिलध्वज  पन्थीको डोनर चलेको थियो । जसरी बालेनले टुकुचा खोलामा डोजर चलाए त्यसरीनै तम्घासको टुकुचामा डोजर  चलाउने हिम्मत गरे बालेनले जस्तै स्याबासी खिलध्वज पन्थिले पाउने पक्का छ । अहिले  सडक पेटी भत्काउने जुन हिम्मत उनले गरे अब अतिक्रमित जमिनमा बनाइएका घर टहरामा पनि डोजर चलाउनै पर्ने उनमा चुनौती थपिएको छ  ।

वर्षौ अघिदेखखि गुल्मीको सदरमुकाम तम्घासका खोला तथा सार्वजनिक जमिनमा ठूला-ठूला घर ठडाइएको छ । कसैले  खोलामा आगन र दलान बनाएका छ्न्। २०६५ सालमा तत्कालीन माओबादी  नेता गिरिराज पाण्डे नगर  बिकास समिति अध्यक्ष छ्दा नाप-नक्सा गरी  प्रतिवेदन तयार पारेर साबिकको तम्घास गाबिसमा बुझाएका थिए । तर त्यो अहिले  गायव पारिएको पाण्डेको गुनासो छ ।

‘सडक  फराकिलो पार्ने क्रममा थुप्रै चुनौती आए’-मेयर पन्थी भन्छ्न,  ‘हामी  जस्तोसुकै चुनौतीको सामना गर्दै तम्घा बजार शौन्दर्यकरण  गर्ने  अभियानमा खटेका छौ ।’ उनले कसैसँग  पनि आग्रह-पूर्वग्रह नसाधी सार्वजनिक जमिन  सुदृढीकरणमा नियम अनुसार अगाडि बढ्ने प्रतिबद्धता जनाए ।

मिडियामा प्रचारबाजी  गर्ने  मलाई रहर छैन,  उनले थपे  “मैले काम गरेर देखाउन चाहन्छु । रेसुङा विमान स्थानमा जहाज चढ्ने सपना पूरा  गरेका छौ । तम्घास अस्पतालमा विशेषज्ञ डाक्टर ल्यायौं । दीर्घरोगी लगायत डायलसिस  मेशिन ल्याइ  नि:शुल्क डायलसिस सेवा  उपलब्ध गराउने कार्य पनि अब छिट्टै सुरु गर्दैछौ  ।’ उनले भनेका छन् ‘बिशेषत: तम्घास बजार शौन्दर्यकरण गर्नमा सबै पक्षको सहयोगका लागि म  अपिल गर्दछु । पछिल्लो चरण सदरमुकामका सडकहरु सफा देखिन थालेको  छ ।’