सडक डिभिजन दाङका प्रमुखलाई विप्लव समूहको कालो मोसो

पुस २७,

ग्लोबल आवाज

दाङ । सडक डिभिजन कार्यालय दाङका प्रमुख जितेन्द्र चौधरीलाई विप्लव समुहले कालोमोसो दलेको छ । सडक निर्माणको काममा ढिलासुस्ती गरेको भन्दै कार्यकक्षमै गएर विप्लव समुहका कार्यकर्ताले कार्यालय प्रमुख चौधरीलाई कालोमोसो दलेका हुन् ।

डिभिजन प्रमुखले आफ्नो कुनै पनि जिम्मेवारी पुरा नगरी निर्माणको काममा ढिलाई गरेको, जनतालाई अनाहकमा दुःख दिएको भन्दै विप्लव समुहले कार्यकक्ष मै पुगेर कालोमोसो दलेको पृष्टी भएको हो । दाङका प्रमुख जिल्ला अधिकारी गोविन्द रिजालले सडक डिभिजन प्रमुख चौधरीलाई विप्लव समुहले कालोमोसो दलेको स्विकार गरेका छन् । प्रजिअ रिजालका अनुसार आइतवार दिउसो चौधरीलाई कालोमोसो दलिएको हो ।

उक्त घटनामा संलग्नलाई पक्राउ गर्न प्रहरी परिचालन गरिएको उनले जानकारी दिए । चौधरीको यहाँबाट सरुवा भएपनि उनी सरुवा भएको ठाउँमा जान समेत अटेर गर्दै आएका छन् । उनको ठाउँमा निरज शाक्यलाई खटाइएको छ । घटनास्थलबाट प्रहरीले विप्लव समुहको ब्यानर र सांङ्लो बरामद गरेको छ । सडक डिभिजन कार्यालयले ठेक्का दिदै आएको पुल र सडक अहिले अलपत्र अवस्थामा छन् ।

सडक डिभिजन कै मातहतमा रहेको घोराहीको तुलसीपुर चोकमा खाल्डाखुल्डी बढेर बजार कुरुप हुदाँ समेत सडक डिभिजनले वेवास्ता गर्दै आएको थियो । यहाँका राजनीतिक दल, उपमहानगरपालिकाका प्रमुखले समेत पटकपटक अनुरोध गर्दा समेत बाटो मर्मतमा डिभिजनले वेवास्था गर्दै आएको थियो ।