ताजा अपडेट »

लुम्बिनी सरकारको समर्थन आजै फिर्ता लिने तयारीमा माओवादी

विहीबार, ०९ चैत्र २०७९, ११ : १५
12 Shares

बुटवल। माओवादी केन्द्रले लुम्बिनी प्रदेशका मुख्यमन्त्री लिला गिरीलाई दिएको समर्थन आजै फिर्ता लिने तयारी गरेको छ । त्यसबारे निर्णय गर्नका लागि आज माओवादीले संसदीय दलको बैठक बोलाइएको छ । माओवादी केन्द्र लुम्बिनी प्रदेशका अध्यक्ष सुर्दशन बरालले आज बस्ने संसदीय दलको बैठकले सरकारलाई दिएको समर्थ फिर्ता लिने निर्णय गर्ने र माओवादी सरकारबाट बाहिरिने बताए ।

‘पार्टीको संसदीय दलको बैठक केहि समयमै बस्दै छ । सो बैठकले मुख्यमन्त्रीलाई दिएको समर्थन आज नै फिर्ता लिने निर्णय गर्ने सम्भावना छ । यस बारेमा हामी केन्द्रसँग नि कुरा गछौँ । त्यसैका आधारमा हामी अघि बढ्छौँ ।’– उनले भने ।गत पुस २७ गते ७ दलका ५६ र २ स्वतन्त्र गरी जम्मा ५८ सांसदको समर्थनमा नेकपा एमालेका लिला गिरी मुख्यमन्त्रीमा नियुक्त भएका थिए । गिरीले माघ ५ गते विश्वासको मत पाएका थिए । मुख्यमन्त्रीलाई विश्वासको मत दिएका माओवादी केन्द्र, जसपा र जनमत पार्टी अहिले सरकारमा छन् ।

८७ सदस्यीय लुम्बिनी प्रदेश सभामा बहुमतका लागि ४४ मत चाहिन्छ । एमाले र राप्रपा बाहेकका आठ दलीय गठबन्धनको सरकार बनेमा बहुमत पुग्छ । किनकि आठ दलीय गठबन्धनसँग प्रदेशसभाको बहुमत ५० मत हुन्छ ।कांग्रेसका २७, माओवादी केन्द्रका १०, जसपाका ३, जनमतका ३, लोसपाका ३, नागरिक उन्मुक्ति पार्टीका ४ जना प्रदेशसभा सदस्य छन् ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।