अष्ट्रलियामा रहेका नेपाली युवाहरुद्वारा विधाका खेलकुद प्रतियोगिता

बुटवल । अष्ट्रलियामा रहेका नेपाली युवाहरुद्वारा संचालित यु एण्ड अस वोस्र्टन अष्ट्रलिया ( वाइयुडब्लुए) नामक संस्थाले २०२३ अप्रिल १२ गतेबाट पर्थ पश्चिम अष्ट्रलिया, जेम्स मिलर ओभल मैदानमा र एनआरएनअको आयोजनामा विभिन्न विधाका खेलकुद प्रतियोगिता संचालन गर्ने भएको छ ।

Advertisement

सन २०२१ म नाफा रहित उदेश्यका साथ अष्ट्रलियामा बसोबास गर्ने नेपाली समुदाय र प्रवासी समुदाय बिच मैत्रीपुर्ण सम्बन्ध का साथै शैक्षिक गतिबिधी, विदेशमा रहेका नेपाली नेपाली बिच सामाजिक सद्धभाव कायम, खेलकुद जर्गेना र समन्वायत्मक सस्कृति को बिकास गर्ने उदेश्य का साथ उक्त संस्था निर्माण भएको भएको थियो । त्यसको प्रेरणा र उर्जाका कारण उक्त कार्यक्रम आयोजना गर्न लागेको उपाध्यक्ष कुल चन्द्र अधिकारीले बताए । नेपालबाट अष्ट्रलिया जाने नब आगुन्तकलाई मार्गदर्शन साथै सहयोग र सहकार्यका लागि आफूहरुले उल्लेखनीय भुमिका निर्वाह गरेको उनले बताए ।

पश्चिम अष्ट्रलियामा संचालन हुने ठुलो धनरासीको उक्त प्रतियोगितामा, नेपाल, भारत, भुटान लगायतका कैयौ खेलप्रेमी र खेलाडी सहभागी हुने कुरा खेल संयोजक वासु सापकोटाले जनाए । उक्त प्रतियोगितामा क्रिकेट तर्फ ११ नेपाली क्लब सहभागी हुनेछन भने भुटानी क्लब पनि सहभागी हुनेछन । फुटवल र भलिबल तर्फ दर्ता गर्ने म्याद अवधि भएकोले उल्लेखनीय टिम सहभागी हुने कुरा प्रष्टाउँदै पर्थ क्षेत्रमा बसोबास रहेका नेपाली लगायत, अन्य छिमेकी मुल समेतका लाई आहवान समेत सापकोटा ले गरेका छन ।

क्रिकेट तर्फको पुरस्कार एक हजार अमेरिकी डलरको हुनेछ भने भलिबल र फुटबल तर्फको पुरस्कार धनरासी २ हजार डलर हुने कुरा समेत उनले बताए । उक्त प्रतियोगिताको मुख्य प्रायोजक एक्सपर्ट एजुकेसन एण्ड भिसा सर्भिस ले गरेको छ भने सह प्रायोजक डिरसन ड्राईभिङ स्कुल, पार्कल्यान्ड मजदा, गिल्स कलेज, एसके एम फर्निचर लगायत दर्जनौ संस्थाले गरेका छन । सो प्रतियोगिता १ महिना जारी रहनेछ ।