१६ माघ २०७९, सोमबार

Jan 30, 2023

दाङ । दाङको बेलझुण्डीस्थित नेपाल संस्कृत विश्वविद्यालयका उपकुलपति यादव प्रसाद लामिछानेको आवासगृहमा तोडफोड भएको छ । केन्द्रीय आयुर्वेद विद्यापीठमा आयुर्वेद चिकित्सामा स्नातक तह (विएएमएस) अध्ययनरत विद्यार्थीहरुले आईतबार तोडफोड गरेका हुन् । तोडफोडबाट आवासगृहको सिसाको झ्याल, ढोका फुटेका छन्, भने गाडीमा पनि क्षति भएको छ ।

Advertisement

विएएमएसका लागि ५१ जना प्राध्यापक आबश्यक पर्ने भएपनि अहिले ५/७ जना मात्रै प्राध्यापक मात्रै रहेकाले आफ्नो पढाई प्रभाबित भएको भन्दै विद्यार्थीहरु आन्दोलित भएका हुन् । सीमित प्राध्यापक हुँदा नियमित पढाई पनि नभएको र एउटा प्राध्यापकले आफ्नो विषय भन्दा बाहिरको विषय पढाउँदा गुण्स्तर पनि निकै कमजोर रहेको भन्दै यसलाई सुधार गर्न माग गर्दै विद्यार्थीहरु आन्दोलित भएका हुन्। “अहिले ११ ब्याजसम्मको पढाई भइरहेको छ, तर, अहिलेसम्म पनि सीमिति शिक्षक हुनुहुन्छ, लगानी धेरै हुन्छ, तर, हाम्रो पढाई एकदम कमजोर छ”, विद्यार्थी अभय प्रताप चौहान भने “त्यसैले हामी आन्दोलित भएका हौं ।”

विद्यार्थीहरुले आईतबार विश्वविद्यालयको केन्द्रीय कार्यालय केन्द्रीय आयुर्वेद विद्यापीठ, अध्ययन संस्थान, परीक्षा नियन्त्रण कार्यालयमा पनि तालाबन्दी गरेका छन् । आफू पढ्नलाई भनेर कैलालीबाट आएको भएपनि यहाँको पढाई निकै कमजोर रहेको चौहानको भनाई छ । एउटा प्राध्यापकले १२ वटा पिरिएड पढाउनु पर्नेमा २५/३० वटा पिरिएड पढाउनु पर्ने अबस्था रहेको छ ।

त्यस्तै झापाबाट विएएमएस पढ्न आउनु भएका प्रदिप दाहालले पनि क्याम्पसमा पढ्ने वातावरण सहज नभएको बताए ।“प्राध्यापकले आफ्नो विषय भन्दा बाहिरको विषय पढाउनु हुन्छ, त्यो पनि पढाईले गुण्स्तर सिकाई भएकोे छैन”, उनले भने “एक हप्तादेखि हामीहरु कलेज नै गएका छैनौं ।” उहाँ ९औं ब्याजको विद्यार्थी हुनुहुन्छ ।

त्यस्तै कैलालीकी रिया भण्डारी गएको भदौमा ११ औं ब्याजको रुपमा आएकी थिइन् । तर, उनीले नियमित कक्षा लिएदेखि अहिलेसम्म धेरै विषयहरु पढाई नै भएका छैनन् । “म पहिलो दिन एड्मिशन हुँदा नै आन्दोलनको फेश गर्नु परेको थियो”, उनले भने “ चिफ सरको एउटा कलास छ, त्यो कलास एक दिन भयो, त्यसपछि उहाँ कलासमा नै आउनु भएको छैन ।” पदार्थ विज्ञान एक दिन मात्रै पढाई भएको उनले बताए ।

त्यस्तै तीन वटा विषयको अहिलेसम्म पढाई नै सुरु भएको छैन । अहिले संस्कृतका केही कक्षाहरु मात्रै चलिरहेको भन्दै यस्तो पाराले सिकाई प्रभाबकारी नहुने उनको भनाई छ ।“हामीलाई अहिले संस्कृत मात्रै घोकाई रहनुभएको छ, यस्तो पाराले हामी कसरी डाक्टर बन्ने हो”, उनले भने “घोकेर पछि विरामीलाई हामीले कसरी उपचार गर्ने, निकै गाह्रो भएको छ ।” पहिलो पास भएर गएका डाक्टरहरुले पनि एउटा सिरिञ्ज समेत लगाउन नजान्ने गरेको उनको भनाई थियो ।

त्यस्तै विद्यार्थीहरुले प्रयोगात्मककालागि ओपीडीको पनि माग गरेका छन् । अहिलेसम्म ओपीडी नहुदा विद्यार्थीहरु कहिल्यै राप्ती प्रादेशिक अस्पताल तुलसीपुर पुग्नु पर्ने अबस्था छ, भने कहिल्यै प्रादेशिक आयुर्वेद चिकित्सालय विजौरी जानुपर्ने अबस्था रहेको छ । डाक्टर पढाउने क्याम्पसको एउटा ओपीडी नहुनु दुःखद कुरा भएको भन्दै यो समस्या पनि तत्काल समाधान गर्न विद्यार्थीहरुको माग रहेको छ । प्रयोगात्मक नहुँदा पास भएर गएपनि विरामीहरुलाई सहज उपचार दिन नसकिने भन्दै क्याम्पसमै प्रयोगात्मकको सहज ब्यबस्थापन हुन आबश्यक रहेको उनले बताए । विद्यार्थीहरुले तत्काल यो समस्या समाधान नगरेर आन्दोलनलाई जारी राख्ने समेत बताएका छन् ।

उपकुलपति लामिछानेले भने यो समस्या समाधान गर्न प्रयत्न गरिरहेको बताए । विद्यार्थीहरुले पढ्न पाउनु पर्ने भन्दै गरेको आन्दोलन सकारात्मक भएपनि ढुंगा, मुडा गर्ने अबस्थाको भने उनले निन्दा गरे । “विद्यार्थीहरुले शिक्षक पाउँ भनि गरेको माग जायज छ”, उनले भने “तर, यसरी आक्रमण गर्ने, ढुंगामुडा गर्नु भने दुःखद हो ।”

२०७८ चैत १६ गते शिक्षककालागि विज्ञापन खोलेको भएपनि तत्काल निर्वाचन आचरसंहिता लागेका कारण त्यो प्रक्रिया अघि नबढाउन सरकारले निर्देशन दिएपछि कार्य अगाडी बढ्न नसकेको उनले बताए । “आयुर्वेदका लागि हामीले १४ जना शिक्षकको माग गरेका थियौं”, उनले भने “तर, त्यतिबेला आचारसंहिताले गर्दा काम अगाडी नबढाउन निर्देशन आएपछि हामीले काम अगाडी बढाउन सकेका छैनौं ।” अहिले बिषयसंग सम्बन्धित शिक्षकहरु नपाईने समस्या पनि रहेको उनले बताए ।

प्रतिकृया दिनुहोस्

Flash News

दाङमा कारागारमा रहेकी महिलामाथि करणी आरोपमा एक पक्राउ अश्लील भिडियो बनाई महिलाकाे चरित्रहत्या गर्ने पक्राउ सेयर बजार ४१ अंकले घट्यो माओवादी स्थायी समिति बैठक बुधबार, गृहमन्त्रीबारे छलफल हुने कर्नाटक कन्सर्टमा कैलाश खेरमाथि आक्रमण चन्दा आतंक गर्ने जनतान्त्रिक मुक्ति मोर्चाका संयोजकसहित ४ जना कपिलवस्तुमा पक्राउ नेपाली सिनेमा फेस्ट २०२३ मा अनुमतिविना महापुरुष समावेश गरेपछि षट्कोण आर्ट्सको आपत्ति फागुन २५ मा राष्ट्रपतिको निर्वाचन लाफा बी लेबल भलिबलको उपाधी न्यू होराईजनललाई, आयोजक दोस्रो राष्ट्रिय सहमतिको स्वप्निल राजनीति भोटेकोशीको बगाममा टेलिकमको टावर, पहिलोपटक फोन र इन्टरनेटको सेवा अभियुक्त लक्ष्मी महतो कोइरीको बचाउमा उत्रियो एमाले र कोइरी समाज अमेरिकी उपविदेश मन्त्रीले भेटिन् प्रधानमन्त्री प्रचण्डलाई बुटवलको बुद्धनगरदेखि नहरपूर जोड्ने सडक निर्माणको काम शुरु सुकुम्बासी बस्ती हटाउन मेयर बालेनले मागे प्रधानमन्त्रीसँग सहयोग सहिदहरूको सपना पूरा गर्न सबै एकजुट होऔँ : प्रधानमन्त्री पेट्रोल छर्केर आगो लगाउँदा श्रीमती गम्भीर घाइते, छोराको मृत्यु सूचनाको हकसम्बन्धी विषयमा प्रधानमन्त्रीले छलफल गर्दै बन्दीपुर क्षेत्रका होर्डिङबोर्ड हटाइँदै कार र ट्याक्सी ठोक्किँदा दुई जनाको मृत्यु