१७ माघ २०७९, मंगलवार

Jan 31, 2023

बुटवल । बुटवलमा सञ्चालित सजिलो बचत तथा ऋण सहकारी संस्थाको अध्यक्षमा पुनः रामराज पोख्रेल चयन भएका छन् । संस्थाको शनिबार बुटवलमा सम्पन्न १४ औं साधारण सभा तथा छैटौं अधिवेशनले पुनः पोख्रेलको अध्यक्षतामा सर्वसम्मत नयाँ कार्यसमिति चयन गरेको हो ।

Advertisement

समितिको उपाध्यक्षमा भिमलाल गौतम, सचिवमा गुणानिधी खनाल, कोषाधयक्षमा विष्णुप्रसाद पन्तसहित सदस्यहरु सर्वसम्मत चयन गरिएको छ । त्यस्तै लेखा समितिको संयोजकमा विनसलाल श्रेष्ठ र सदस्यहरुमा सितु उदय र गोविन्द गिरीलाई चयन गरिएको छ ।

कार्यक्षेत्र विस्तार गर्ने निर्णय
सम्पन्न साधारण सभाले बुटवल उपमहानगरपालिका कार्यक्षेत्र रहेको सहकारीको कार्यक्षेत्र विस्ता गरी रुपन्देही जिल्ला बनाउने निर्णय गरेको छ । त्यस्तै सेयर पूँजी बृद्धि गर्न चाहेका शेयर सदस्यहरुलाई १ लाख रुपैंयामा नबढ्नेगरी थप गर्न सकिने निर्णय गरेको छ ।

धितो कर्जामा ३० लाख रुपैंयासम्म लगानी गर्दै आएको उक्त सहकारीले त्यसलाई यथावत राख्दै १० लाख रुपैंयासम्म ऋण तथा असुली उपसमिति र त्यसभन्दा माथि दर्तावाला संस्थाबाट धितो मुल्यांकलन गराई लगानी गर्ने निर्णय गरेको छ ।

आवश्यकता अनुसार समान प्रकृतिको सहकारीसँग मर्जरको लागि पहल गर्न सञ्चालक समितिलाई अख्तियारी दिने तथा समयसापेक्ष व्याजदर परिमार्जनको लागि सञ्चालक समितिलाई अख्तियारी प्रदान गर्ने निर्णय गरेको छ ।

कार्यक्रममा शुभकामना व्यक्त गर्दै बुटवल उपमहानगरपालिका-९ का वडा अध्यक्ष प्रदिपकुमार श्रेष्ठले सरकारको तीन खम्बे अर्थनीति अनुसार सहकारीलाई एउटा बलियो खम्बाको रुपमा स्थापित हुन सुझाव दिए । उनले सहकारीले सानो-सानो भएपनि धेरै अर्थपूर्ण काम गरेको बताउँदै सही मार्गमा अगाडि बढाउन सके भविष्य पनि राम्रो रहेको भनाई राखे । साधारण सभामा वार्षिक प्रतिवदेन प्रस्तुत गर्दै अध्यक्ष रामराज पोख्रेलले सहकारी र आर्थिक अनुशासनलाई कायम गरिएको बताए । उनले त्यसैका कारण सहकारीमा राम्रो प्रतिफल प्राप्त भएको पनि भनाई राखे । सहकारीमा खराव कर्जा नरहेको पनि उनले जानकारी गराए ।

चार्टड एकाउन्टेन छवि पोखरेल, बुटवल बहुउद्देश्यीय सहकारी संस्थाका सचिव बुद्धिमान थापा, प्रौढ सहकारीका अध्यक्ष तिलकराम पौडेल, राष्ट्रिय सहकारी बैंक बुटवलका प्रवन्धक नारायण बेलबसे, संस्थाका सल्लाहकार गाेविन्द मरासिनी, कोषाध्यक्ष अनिल शाक्य, उपाध्यक्ष विश्वबन्दु विनयी लगायतले शुभकामना व्यक्त गरेका थिए । कार्यक्रम सचिव गुणानिधी खनालको सञ्चालनमा भएको थियो ।

प्रतिकृया दिनुहोस्

Flash News

प्रधानमन्त्री र रवि लामिछानेबीच भेटवार्ता प्रि-ओपन सेसनमा नेप्से २.९१ अंकले बढ्यो बालापन झल्काउने गणेशको ‘चियावाला’, हजुरबुवादेखिको पेशालाई नयाँ स्वरुपमा ‘ब्राण्डिङ’ मन्नतको बालकोनीमा किन जान्छन् शाहरुख ? सहकारीको ऋण चुक्ता नगर्ने आठ ऋणीको जग्गा रोक्काका लागि मालपोतमा निवेदन वृद्धाभत्ता नदिएको भन्दै छोराले गरे बन्चरोले हानेर आमाको हत्या प्रचण्डलाई नेकपा एसको ज्ञापनपत्र- चरम आर्थिक संकट पर्‍याे (पूर्णपाठ) बैतडीका २० बर्षीय युवक चार दिनदेखि बेपत्ता प्रधानमन्त्री प्रचण्डलाई भेट्न बालुवाटार पुगे रवि लामिछाने मर्स्याङ्दीपारीबाट वैकल्पिक सडक स्तरोन्नति गर्न पहल यस्ताे छ विदेशी मुद्राकाे विनिमय दर डिएसपीसहित ८ सुरक्षाकर्मी मारिएको टिकापुर घटनाको सर्वोच्चमा आज पेसी आजको मौसमः कर्णाली र लुम्बिनीमा पानी पर्न सक्ने, हिमाली भु–भागमा हिउँ पर्ने लुम्बिनीमा राष्ट्रियसभा उपनिर्वाचनको अन्तिम तयारी, तीन उम्मेदवार सार्वजनिक दाङमा कारागारमा रहेकी महिलामाथि करणी आरोपमा एक पक्राउ अश्लील भिडियो बनाई महिलाकाे चरित्रहत्या गर्ने पक्राउ सेयर बजार ४१ अंकले घट्यो माओवादी स्थायी समिति बैठक बुधबार, गृहमन्त्रीबारे छलफल हुने कर्नाटक कन्सर्टमा कैलाश खेरमाथि आक्रमण चन्दा आतंक गर्ने जनतान्त्रिक मुक्ति मोर्चाका संयोजकसहित ४ जना कपिलवस्तुमा पक्राउ