२९ श्रावण २०७९, आईतवार

Aug 14, 2022

मंसिर १४,
ग्लोबल आवाज
बुटवल । नेपालकै ठूलो चेन सुपरमार्केट भाट-भटेनी सुपरमार्केटको १७ औं स्टोर रुपन्देहीको भैरहवामा शुभारम्भ हुँदैछ । काठमाण्डौको भाटभटेनीमा सन १९८४ मा एउटा सटरबाट कोल्ड स्टोरका रुपमा सुरुवात भएकोे यो स्टोर आज नैपालकै एक स्थापित अग्रणी ब्राण्ड भएको छ । यस सुपरमार्केटले देशभर आफ्नो शाखा विस्तार गर्नेक्रममा रुपन्देहीको सिद्धार्थनगर–७, नयाँ सडक, भैरहवामा आफ्नो १७ औं स्टोरको निर्माण कार्य सम्पन्न गरेको छ । यस आघि रुपन्देहीकै बुटवलमा आफ्नो १३ औं स्टोर स्थापना गरि सञ्चालमा ल्याईसकेको भाट-भटेनीको रुपन्देहीमा यो दोश्रो शाखा हो । आफ्नो सेवालाई देशभर विस्तार गर्ने अभियानमा लागेको भाट-भटेनी सुपरमार्केटले यहीँ मंसिर २६ गते बिहीबारदेखि आफनो सेवा भैरहवा बासीमाँझ ल्याउन लागेको हो ।

Advertisement

देशभरका स्टोरहरुमा यो १७ औं भएपनि लगानी र आकारले यो भक्तपुर र बौद्धपछि भाटभटेनीको तेस्रो ठूलो स्टोर रहेको सुपर मार्केटका अध्यक्ष मिन बहादुर गुरुङले बताए । नेपाल र भारतको सिमा नाका नजिकै रहेको शहर भैरहवामा सञ्चालन हुने स्टोरलाई चूनौती र अवसर दुबै छन् । यसै कुरालाई मध्यनजर गरी स्टोरलाई थप व्यस्थित, आकर्षक र अन्यमा भन्दा धेरै सेवा प्रदान गर्ने नीति अपनाएको अध्यक्ष गुरुङले बताएका छन ।

६ तले वृहत स्टोरमा डिपार्टमेण्टल स्टोरहरुसँगै यस क्षेत्रमा पहिलो पटक बिश्व प्रसिद्ध केन्टुकी फ्राईड चिकेन (केएफसी) तथा प्रसिद्ध पेपे पिजा जस्ता ब्राण्ड समेत भाटभटेनीले भित्राएको र चाडैनै फुडकोर्ट तथा मल्टी प्लेक्स सिनेमाहल लगाएतका सेवाहरु समेत सञ्चालमा आउने स्टोरका चिफ अपरेटिङ अफिसर पानु पौडेलले बताए । यस स्टोरमा अन्य स्टोरभन्दा सजावटका हिसाबले समेत नयाँपन होस् भनि आकर्षक गेट तथा पार्किङ स्थलमा वाटर फाउन्टेनको निर्माण गरिएको उनले जनाएका छन् । यस स्टोरले शुभारम्भको अवसरमा केही समयसम्म कुनै पनि सामान खरिदमा १० प्रतिशत छुटको अफर समेत दिईने जनाएको छ । स्टोरमा जग्गा तथा भवन बाहेक करिब ४० करोड लागत रहेको बताइएको छ ।

मंसिर २६ गते भव्य उद्घाटन कार्यक्रमका लागि विशेष तयारीमा रहेको बताउँदै सम्पुर्ण भैरहवा बासीमा सहभागि हुन भाट-भटेनी सुपर मार्केटका अध्यक्ष मिन बहादुर गुरुङ्गले आग्रह गरेका छन् । भैरहवा शाखा सञ्चालन पछि नेपालगञ्जमा भाटभटेनीको उद्घाटन हुने छ । नेपालमै ५० हजारलाई रोजगार प्रदान गर्ने लक्ष्य राखेका अध्यक्ष गुरुङले ब्यावसायसँगै आफनो आम्दानीको केही अंश सामाजिक कार्यमा समेत लगाउँदै आएका छन् । उनले स्टोर विस्तारलाई तिव्रता दिँदै लक्ष्य पूरागर्ने समेत बताए । स्टोरमा हालसम्म करिब ८ हजार रोजगाररत छन् भने भैरहवाको स्टोरमा ४ सयदेखि ५ सयसम्म कार्यरत रहने उनले बताएका छन् ।

भैरहवामा भाटभटेनी सञ्चालन भएपछि नेपाली उपभोक्ता किनमेलका लागि भारतीय बजार सुनौली जाने क्रम घट्ने र नेपाली रुपैयाँ नेपालमै संचित रहने तथा भारतीय ग्राहकहरु पनि किनमेलका लागि नेपाल आउनेहुँदा अर्थतन्त्रमा समेत राम्रो प्रभाव पर्न सक्ने आंकलन गरिएको छ । स्टोरले भारतिय बजारमा भन्दा सस्तो मूल्यमा सामाग्रीहरु उपलब्ध गराउने दाबी समेत गरेको छ ।

प्रतिकृया दिनुहोस्

Flash News

एमालेले अर्थमन्त्री शर्मालाई स्वीकार्‍यो विद्यालयमा बहुउपयोगी शैक्षिक सामग्री र दृश्टिविहिन विद्यार्थीहरुलाई भोजन पहिरोले एक्स्काभेटर पुर्दा चालकको घटनास्थलमै मृत्यु रोट्रयाक्ट क्लब अफ बुटबल रामापिथेकसको अध्यक्षमा घिमिरे कर्णाली प्रदेशका उद्योगमन्त्री शाहीले लिए सपथ विवेकशील साझा पार्टी पुनर्गठन गर्ने मिलन पाण्डेको घोषणा कहिले पुग्छ कर्णालीका विद्यार्थीको हातमा पाठ्यपुस्तक ? बुटवलमा नेपाल रक्तदाता संघको केन्द्रिय कार्यालय उद्घाटन ‘मिस्टर एन्ड मिस थारु’ प्रतियोगितामा ५१ प्रतिस्पर्धी लमजुङमा एक वर्षमा २० वर्ष नपुग्दै एक सय ५५ जना आमा दागबत्ती दिन पाँच लाख माग गठबन्धन कर र डर दुवै हो: रामचन्द्र पौडेल भेन्टिलेटरमा रहेका राजु श्रीवास्तवलाई सुनाइँदैछ अमिताभको अडियो ट्रयाक्टर दुर्घटना हुँदा एक जनाको मृत्यु पौडी खेल्ने क्रममा डुबेर २६ वर्षीय निराजन पोख्रेलको मृत्यु शिक्षकका लागि राखेको पानी पिएको आरोपमा कुटिएका दलित विद्यार्थीको मृत्यु प्रवासमा रहेका नेपाली राप्रपाको एजेन्डाप्रति आकर्षित छन् : राजेन्द्र लिङ्देन महिला कैदीबन्दीलाई सेनेटरी प्याड सहयोग नागरिकता विधेयकमा राष्ट्रपतिले मंगलबारसम्म निर्णय लिइसक्नुपर्ने रुस्दीमाथि हमलाः इरानी पत्रिका लेख्छ- शत्रुको घाँटी च्यात्ने हातलाई चुम्बन गर्नुपर्छ