सशस्त्रद्वारा एकलाख बढिको अबैध कपडा बरामद

मंसिर ११,

Advertisement

कपिलवस्तु । कपिलवस्तुको कृष्णनगर नगरपालिका वडा नं- १ शिवनगरबाट सशस्त्र प्रहरी बल ३९ नं गुल्म कृष्णनगरद्वारा अबैध कपडा बरामद गरिएको छ।

सशस्त्र प्रहरी बल कृष्णनगर गुल्मबाट खटिएको मोबाइल टोलीले चेक जांच गर्ने क्रममा भारतबाट अबैध रुपमा नेपाल तर्फ ल्याउदै गरेको अवस्थामा उक्त कपडा समातिएको हो। जस्मा लेडिज सुट, उनको सुईटर, चप्पल, जुत्ता, गलबन्दी र कष्मेटिक समान रहेको छ। उक्त समान आवश्यक कारवाहीका लागी कृष्णनगर भन्सार कार्यालय पठाइएको जानकारी सशस्त्र प्रहरी बल नं ३९ गुल्म कृष्णनगरले दिएको छ।

उक्त समानको रु. १,३६,९९५ /- मुल्य पर्ने कुरा सशस्त्र प्रहरी बल ३९ नं गुल्म कृष्णनगरका गुल्मपती सशस्त्र प्रहरी नायब उपरिक्षक सुशील कुमार शाहीले जानकारी दिए । -अजय मिश्रको सहयोगमा