२५ श्रावण २०७९, बुधबार

Aug 10, 2022

बुटवल । बुटवलको आम्दा अस्पतालले औषधि व्यापारमा समेत ठगी गरेको भेटिएको छ । अस्पतामा रहेको फार्मेसीले सेवाग्राहीबाट तोकिएभन्दा बढी मूल्य लिएको भेटिएको हो । पछिल्लो समय अस्पतालको सेवाप्रति आलोचना बढीरहेका बेला एक सेवा ग्राहीले मूल्यमा ठगिएपछि उक्त कुरा बाहिर ल्याएका छन् ।

Advertisement

औषधिको बजार मूल्य ८५ रुपैयाँ भएपनि अस्पतालको फार्मेसीले १२५ रुपैयाँको बिल थमाएपछि तिलोत्तमाका एक सेवाग्राहीले उक्त विषयलाई बाहिर ल्याएका हुन् । ५३ रुपैयाँ भारु मूल्य तोकिएको उक्त औषधिको नेपाली मूल्य ८४ रुपैयाँ ८० पैसा पर्ने भएपनि अस्पतालले १२५ रुपैयाँको बिल थमाएपछि उनी चकित परेको बताए । उक्त विषयमा कुरा गर्दा फार्मेसीका प्रतिनिधिले कम्यूटरमा १२५ रुपैयाँ नै मूल्य तोकेर राखिएको प्रतिक्रिया दिएको पीडित सेवाग्राहीले बताए । बच्चाका लागि प्रयोग गरिने ५ एमएलको ‘डोमस्टल वेवी’ को मूल्य ४० रुपैयाँ बढी भनेपछि उनले गुनासोका लागि अस्पताल प्रशासनले उपलब्ध गराएको फोन नम्बरमा सम्पर्क गरेपनि उक्त नम्बरमा फोन नलागेको गुनासो गरे । अस्पतालको सेवामा समेत सन्तुष्ट नदेखिएका पीडित सेवाग्राहीले आफ्नो नाम नखुलाउने सर्तमा उक्त विवरणहरु उपलब्ध गराएका हुन् । फार्मेसीमा रहेका प्रतिनिधिसँग मूल्यको बारेमा विवादभएपछि भने सच्याएर तोकिएकै मूल्यमा औषधि प्राप्त गरेको उनले बताए ।

उक्त विषयमा कुरा गर्दा अस्पतालका निर्देशक डा. राजेन्द्र बस्यालले भने तोकिएको मूल्यभन्दा एक रुपैयाँ पनि बढी लिने नीति नभएको उल्लेख गरे । ग्लोबल आवाजसँग कुरा गर्दै उनले प्राप्त जानकारी झुटो हुन सक्ने वा प्राविधिक कारणले त्रुटि भएको हुन सक्ने दाबी गरे । मातृशिशु स्वास्थ्यमा टेवा पु¥याउने उद्देश्यले करिब १० हजार जापानी नागरिकले गरेको सहयोगले २०५५ सालमा सिद्धार्थ बाल तथा महिला अस्पतालले सेवा सुरू गरेको थियो । एसोसिएसन अफ मेडिकल डक्टर्स (आम्दा) जापानको सहयोगमा अस्पताल निर्माण गरिएको थियो । आम्दाद्वारा स्थापित अस्पताल आम्दा अस्पताल नामले चिनिन्छ ।

बुटवल उपमहानगरपालिकामा रहेको यो अस्पतालको स्थानीय व्यवस्थापन समितिको अध्यक्ष उपमहानगर नै छ । बुटवल उपमहानगरपालिका–७ स्थित शिवनगर सामुदायिक वनको करिब १० बिघा क्षेत्रफलमा उक्त अस्पताल छ । स्थापनाकालदेखि नै उक्त अस्पताललाई बुटवल उपमहानगर, बुटवल उद्योग वाणिज्य संघ तथा बुटवलका दर्जनौं संघसंस्था र व्यक्तिहरूले पूर्वाधार निर्माण र उपकरणका लागि आर्थिक सहयोग गर्दै आएका छन् । यद्यपी औषधि बिक्रिमा अनियमितता मात्रै होइन सरकारले नै लागू गरेको नीतिलाई समेत अस्पतालले अटेरी गर्दै आएको छ । मातृशिशु मृत्युदर नियन्त्रण गर्न सरकारले आर्थिक वर्ष २०६५÷६६ मा आमा सुरक्षा कार्यक्रम लागू गरी महिलाहरूलाई प्रसूति सेवा लिन अर्थात् सुत्केरी हुन अस्पताल जान प्रेरित गर्दै आएको छ । तर, आम्दा अस्पतालले यो कार्यक्रम लागू नगर्दा त्यहाँ प्रसूति हुने आमाहरू सुरक्षा कार्यक्रमबाट बञ्चित हुनु परेको छ ।

अस्पतालका निर्देशक बस्यालले भने आमा सुरक्षा कार्यक्रम गर्न रकम अभाव भएको उल्लेख गरे । बुटवल उद्योग वाणिज्यसंघ, बुटवल उपमहानगरपालिका लगायतका सबै स्टेकहोल्डरहरुलाई कार्यक्रम लागू गर्नका लागि आवश्यक पर्ने स्रोत व्यवस्थापनका लागि प्रतिवेदन बुझाएको समेत दाबी गरे । अस्पताल सञ्चालनका लागि मुख्य आम्दानीनै सेवाग्राहीबाट लिने शुल्क भएका कारण न्यूनतम शुल्क लिने गरिएको दाबी गरे ।

प्रतिकृया दिनुहोस्

Flash News

चीनमा देखियो जनाबरबाट मानिसमा सर्ने नयाँ भाइरस लुम्बिनीमा दुई स्थानसहित सबै प्रदेशबाट स्मार्ट लाइसेन्स छपाइको तयारी आज र भोलि देशका केही स्थानमा हुन सक्छ भारी वर्षा नितिश कुमारले बिहारमा आज पुनः मुख्यमन्त्रीको सपथ लिँदै नेपालले केन्यासंग टी २० र एकदिवसीय शृंखला खेल्ने मोटरसाइकल चोरी गर्ने गिरोहका ६ जना पक्राउ मतदाता नामावलीमा दाबी बिरोधका लागि भदौ १२ देखि १९ गतेसम्मको अवधि बिदेशको कमाइले गाउँमा जग्गा किनेर बेसार खेती लामो समयदेखि प्रयोगविहिन लुम्बिनीका विद्युतीय गाडी दशैं अघिनै सञ्चालनमा आउने प्रहरी प्रशासनकै आडमा तस्करी : दिनभरि भण्डारण, रातभरि ढुवानी चौराहा–गोलपार्क सडकः निर्माणमा देखिएका अड्चन हटाउने निर्णय लुम्बिनी साँस्कृतिकमा मिलेन विवाद : भद्रगोल कार्यालय, मर्कामा सेवाग्राही बुटवलमा जग्गा नापजाँचको काम शुरु सदभावको प्रतिक मोर्हरम पर्व, धुमधामका साथ मनाईयो थप १०९० जनामा कोरोना संक्रमण पुष्टि रुपन्देहीमा लगातार ३ पटक जितेका विष्णु पौडेललाई यसपटक कति चूनौती ? डिभिजन वन अधिकृतसहित ७ जना विरुद्ध भ्रष्टाचार मुद्दा, २० लाख ४८ हजार बिगो दाबी ठेकेदारले ९ करोड बुझे, सडक निर्माण अलपत्र फोहोर बोक्ने साधनको तोडफोड जघन्य अपराध : बालेन साह जिल्ला विकास समितिका तत्कालिन खरिदारविरुद्ध भ्रष्टाचार मुद्दा