ताजा अपडेट »

निर्माण व्यवसायीसँग बृज सिमेन्टको एक्सपर्ट मेसन

मंगलबार, १० मंसिर २०७६, १२ : २१
16 Shares

मंसिर १०,

ग्लोबल आवाज

सन्धिर्खक । अर्घाखाँची जिल्लामा रहेका निमार्ण व्यवसायीहरुसँग बृज सिमेन्ट ईण्डष्ट्रिज प्रा.लि ले सन्धिर्खकमा सोमबार बृज सिमेन्ट एक्सपर्ट मेसन क्लब कार्यक्रम सम्पन्न गरेको छ । कम्पनीले हालै ल्याएको एक्सपर्ट क्लब योजना बारे जानकारी दिनका लागि उक्त कार्यक्रम गरिएको कम्पनीका सेल्स एण्ड मार्के्टिङ् म्यानेजर नुमेन्द्र पौडेलले बताए ।

क्लबमा आबद्ध सदस्यले पि.पि.सि.,ओ.पि.सि.र पि.एस.सि. एक बोरा सिमेन्टको खरीदमा ४ अंक प्राप्त गरी विभिन्न उपहारहरु प्राप्त गर्न सकिने म्यानेजर पौडेलले जानकारी दिए । जसअन्तर्गत १७ सय प्वाइन्ट्समा सेफ्टी टुल्स किट, ४ हजार ४ प्वाइन्ट्समा ग्राइन्डर वा भाइब्रेटर, ८ हजार ४ प्वाइन्ट्समा भ्याकुम क्लिनर, १६ हजार प्वाइन्टस्मा मोबाइल, ३२ हजार ४ प्वाइन्ट्समा ३२ इञ्चको टेलिभिजन, ४८ हजार ४ प्वाइन्ट्समा थाइल्याण्ड भ्रमण र ६० हजार ४ प्वाइन्ट्समा दुवई भ्रमण गर्न सकिने लगायतका आर्कषक उपहार योजना रहेको समेत पौडेलले बताए । १७०० प्वाइन्ट्सको लागि ४ सय २५ बोरा, ४ हजार ४ प्वाइन्ट्सको लागि १ हजार १ बोरा, ८ हजार ४ प्वाइन्ट्सको लागि २ हजार १ बोरा, १६ हजार प्वाइन्टस्को लागि ४ हजार १ बोरा, ३२ हजार ४ प्वाइन्ट्सको लागि ८ हजार १ बोरा, ४८ हजार ४ प्वाइन्ट्सको लागि १२ हजार १ बोरा र ६० हजार ४ प्वाइन्ट्सका लागि १५ हजार १ बोरा खरीद गर्नुपर्ने कम्पनीले जनाएको छ ।

कार्यक्रममा बोल्दै अर्घाखाँची निर्माण व्यवसायी संघका अध्यक्ष ऋषिराम अधिकारीले सिमेन्टमा मुलुक आत्मानिर्भर बन्दै गएकोमा खुसि व्यक्त गर्दैै त्यसको क्वालिटी र क्वान्टीटीमा पनि बिशेष ध्यान दिनुपर्नेमा जोड दिए । कम्पनीका महाप्रबन्धक रवि रञ्जनले सिमेन्टको गुणस्तरमा कुनै कमि आउन नदिने बताउँदै समग्र बिकासमा आफुहरु लागीरहेको बताए । कम्पनीका प्रोजेक्ट म्यानेजर दिपक क्षेत्रीको सञ्चालनमा भएको कार्यक्रममा स्थानिय डिलरको तर्फबाट सुकदेब बेल्बासे, डिलाराम भुसाल, लेखनाथ भुसाल, केशब रिजाल लगायतले भनाई राखेका थिए । कार्यक्रममा जिल्लामा बिल्डीङ निर्माणमा क्रियासिल रहेका करीब ५० निर्माण व्यवसायीहरुको सहभागीता रहेको थियो । यस्तै कार्यक्रममा क्लबमा आबद्ध सदस्यहरुलाई ५ लाखको बिमा योजना सुरु गरीएका छ ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।