२१ असार २०७९, मंगलवार

Jul 5, 2022

धनगढी । नेपालकै ठूलो चेन सुपर मार्केट भाटभटेनी सुपरमार्केट अब सुदुर पश्चिममा पनि सञ्चालनमा आउने भएको छ। भाटभटेनीको २३ औं स्टोरको रुपमा सुदुरपश्चिम प्रदेशको धनगढीमा शुभारम्भ हुँदैछ । स्टोरको आगामी २७ गते औपचारिक समुद्घाटन हुने भाटभटेनीका अध्यक्ष तथा प्रबन्ध निर्देशक मिन बहादुर गुरुङले जानकारी दिए ।

Advertisement

देशभर स्टोर विस्तार अभियानमा रहेको भाटभटेनीले यस अगाडि २२ वटा स्टोर सञ्चालनमा ल्लाइसकेको छ । नेपालमै अन्तराष्ट्रिय स्तरको सपिङ सेवा र अनुभव प्रदान गर्ने उद्देश्यले देशभरका ठूला शहरहरुमा भाटभटेनीको सेवा विस्तार गरिएको सुपर मार्केटका अध्यक्ष तथा प्रबन्ध निर्देशक गुरुङले बताए ।

यसैक्रममा देशको पश्चिम क्षेत्र सुदुर पश्चिमबाट पनि सेवा प्रदान गर्ने लक्ष्यका साथ धनगढीमा २३ औं स्टोर स्थापना गरिएको र शुभारम्भका लागि तयारी भइरहेको उनले बताए । यस स्टोरमा २ अर्ब बढी लागत रहेको रहेको र करिब २ सय जनाले रोजगार प्राप्त गर्ने गुरुङले बताए ।

उनले भने ‘स्वदेशमै सहज र शुलभ मूल्यमा अन्तराष्ट्रिय स्तरको सपिङ सेवा उपलब्ध गराउनुका साथै धेरै युवाहरुलाई स्वरोजगार बनाउने हाम्रो प्रयास हो । यो स्टोर भाटभटेनीको २३औं स्टोर हो । देशको संघीय राजधानीबाट टाढा रहेको प्रदेशमा हाम्रो सेवा सुरु गर्न पाउँदा खुशी लागेको छ । यसको शुभारम्भले यस क्षेत्रका जनतालाई सपिङको सहजता र यहाँको बजार थप चलायमान हुनेमा हामी विश्वस्त छौं । साथै यहाँबाट पनि अन्य स्टोरमा जस्तै सहयोगको अपेक्षा गरेका छौं ।’

भाटभटेनीले सेवा,स्वदेशी उत्पादन र स्वरोजगारलाई विशेष प्राथमिकता दिएको उनले दावी गरे । ‘हामीले अन्तराष्ट्रिय स्तरको स्टोरबाट स्थानीय जनतालाई सेवा दिने मात्रै होइन । स्थानीय उत्पादन खरिद र बिक्री तथा स्वरोजगारलाई विशेष प्राथमिकता दिएका छौं । स्थानीय किसान,उद्यमी,व्यवसायी,उद्योगले उत्पादन गरेका सामग्री खरिद गर्नुका साथै स्थानीय जनशक्तिलाई रोजगार प्रदान गर्दै आएका छौं । कोभिडकै दौरान हामीले १ हजार बढी थप युवालाई रोजगार दिन सफल भएका छौं ।’ उनले भने ।

धनगढी उपमहानगर–३ चटकपुर, बोराडाँडीमा १७ कट्ठा क्षेत्रफलमा स्टोर निर्माण सम्पन्न हुन लागेको भवन डेढ लाख स्क्वायर फिट क्षेत्रफल र अण्डरग्राण्डसहित ६ तल्लाको भवन रहेको छ ।

स्टोरमा ग्रोसरी, भाडाकुँडा, बच्चाका खेलाउनाका सामान , लत्ताकपडा , जुत्ता , टिभि फ्रीज, वासिङमेसिन लगाएत दैनिक उपभोग्य सबै सामान एकैठाउँमा बजारकै मूल्यमा उपलब्ध हुने भाटभटेनी सुपर स्टोरका व्यवस्थापक विनोद भट्टराईले बताए । पूर्ण वातानुकुल तथा आकर्षक स्थानमा सपिङसँगै उपभोक्ताको समयको पनि बचत हुने उनको भनाई छ ।

साथै स्टोरमा अन्तराष्ट्रिय स्तरको क्यू यू फर्निचर, पेपे पिज्जा, मल्टिप्लेक्स सिनेमा हल लगाएतका सुविधाहरु पनि रहने उनले बताए । व्यवस्थापक भट्टराइले स्टोरको शुभारम्भको अवसरमा ग्रोसरीमा १० प्रतिशत र इलेक्ट्रिक सामानमा २० प्रतिशत छुटसँगै फ्रि होमडेलिभरी सुविधा रहेको जानकारी गराए ।

प्रतिकृया दिनुहोस्

Flash News

बस दुर्घटना : नौ जनाको मृत्यु, २४ घाइते भैरहवा डान्सिङ सुपर स्टारको दोस्रो सिजन हुने डालिमार्टबाट म्याद गुज्रिएको र किरा परेको खाद्यान्‍न बरामद दुई पाङ्ग्रेलाई पाँच र चार पाङ्ग्रेलाई २० लिटर इन्धन दिन प्रस्ताव ७० वर्षयताकै खराब खडेरी, आपतकालीन अवस्था घोषणा ठेकेदारको लापरवाही : करोडौँको योजना पहिराका जोखिममा दक्षिण चीन सागरमा १२ शव फेला विनोद शाही मृत्यु प्रकरणः सदरमुकाम निषेधित क्षेत्र घोषणा माओवादी केन्द्रको बैठक स्थगित श्वेत–गंगा हाइड्रोपावर एण्ड कन्स्ट्रक्सनको आईपीओ बाँडफाँट अमिताभले जितेको त्यो चुनावः जहाँ मतपत्रमा स्वस्तिकको सट्टा चुम्बनसहित लिपस्टिकको छाप थियो बाबुरामले बोलाए समानान्तर केन्द्रिय समितिको विस्तारित बैठक सीसीटीभी फुटेज डिलिट गर्नु अपराध हो : उपमहासचिव ज्ञवाली माओवादी बैठक जारी, आज प्रचण्डले जवाफ दिदैँ पहिरोले मध्यपहाडी लोकमार्ग अवरुद्ध इन्धन अभावले श्रीलङ्कामा विद्यालय बन्दको घोषणा राप्ती हाइड्रो एण्ड जनरल कन्स्ट्रक्सन लिमिटेडले आईपीओ निष्काशन गर्ने मौसम : आज यी स्थानहरुमा वर्षाको सम्भावना पर्यटक तान्दै भूत छाँगा लाफा क्लबको प्रथम अधिवेशन, बबिनको अध्यक्षतामा नयाँ नेतृत्व चयन