१८ मंसिर २०७९, आईतवार

Dec 4, 2022

पोखरा । मदन भण्डारी स्पोर्टस एकेडेमीको केन्द्रिय कमिटिको दोस्रो पुर्ण बैठक पोखरामा सम्पन्न भएको छ । पूर्व मन्त्री एवं नेकपा एमालेका केन्द्रीय सचिव पद्मा अर्यालको प्रमुख आतिथ्यतामा आइतबार बैठक बसेको हो ।

Advertisement

बैठक उद्घाटन गर्दै सचिव अर्यालले खेल सुधारका लागि खेलाडीहरु राजनीतिमा जोडिनुपर्ने बताए । खेलमार्फत स्वास्थ्य, मनोरन्जन र निरोगीताका लागि खेलकुदलाई सबै नागरिकबीच पुर्याउनुपर्ने बताए । उनले खेल संरचना विकास, तालिम तथा प्रतियोगितालाई स्थानीय तहसम्म पुर्याउन निर्देशन समेत दिए। बैठक उद्घाटनमा बोल्दै संस्थाका निवर्तमान उपाध्यक्ष एवं सल्लाहकार मोहन रेग्मी, दीपक ज्ञवाली, उपाध्यक्ष राजेश गुरुङ, लगायतले एकेडेमीको विस्तार र खेलकुदलाई जनस्तरसम्म लैजानेबारे सुझाब दिनुभएको थियो ।

अध्यक्ष ध्रुब आचार्यको अध्यक्षतामा बसेको बैठकले ६ वटा प्रदेशमा इन्चार्ज तथा सहइन्चार्जको जिम्मेबारी तोकेको छ । प्रदेश १ मा इन्चार्ज एकेडेमीका उपाध्यक्ष तुल्सी मैनाली र सहइन्चार्जमा उपमहासचिव मदन उप्रेती, मधेश प्रदेशमा इन्चार्ज उपाध्यक्ष शशीकुमार शर्मा र सहइन्चार्जमा सचिव अन्जना शिवाकोटी, बाग्मती प्रदेशमा इन्चार्ज उपाध्यक्ष जितेन्द्र श्रेष्ठ र सहइन्चार्जमा सचिव मन्दिरा श्रेष्ठ, गण्डकी प्रदेशमा इन्चार्ज उपाध्यक्ष राजेश गुरुड. र सहइन्चार्जमा सचिवालय सदस्य कृष्ण तिमिल्सीना, लुम्बिनी प्रदेशमा इन्चार्ज सचिव सुजु मल्ल र सहइन्चार्जमा सचिवालय सदस्य महेन्द्र लिंगल एवं कर्णाली प्रदेशमा इन्चार्ज उपाध्यक्ष तेजविक्रम बस्नेत र सहइन्चार्जमा सदस्य गोपाल बहादुर शाही चयन भएका छन् ।

यस्तै बैठकले विभिन्न खेल तथा संचालन विभाग प्रमुख चयन गरेको छ । जसमा तालिम तथा प्रशिक्षण विभाग प्रमुखमा अध्यक्ष ध्रुब आचार्य, खेल प्रतियोगिता प्रमुखमा उपमहासचिव सुवर्ण श्रेष्ठ, प्रचार विभाग प्रमुखमा अमृता अनमोल, आर्थिक विभाग प्रमुख देवबहादुर कुंवर, स्वास्थ्य तथा अन्तराष्ट्रिय विभाग प्रमुख डा. शक्ति वस्नेत, कार्यालय सचिव विनोद आचार्य चयन भएका छन् । खेलतर्फ क्रिकेट विभाग प्रमुखमा शक्ति गौचन, मार्सलआर्टमा सन्जु महर्जन, एथलेटिक्समा इन्द्र मल्ल, भलिबलमा युवराज श्रेष्ठ, फुटबलमा सुन्दर थापा, टेबल टेनिसमा महेन्द्र लिंगल, चेसमा विजय गुरुङ, शारिरीक सुगठनमा राजकुमार श्रेष्ठ, बास्केट बलमा बिंकु महर्जन प्रमुख र उपप्रमुखमा सदिना श्रेष्ठ चयन भएका छन् ।

सबैका लागि खेलकुद भन्ने मूल नारासहित निरोगी नेपालको परिकल्पना गरेको एकेडेमीले खेलकुदका सबै विधालाई यसवर्ष हरेक स्थानीयतहबाट प्रदेश हुँदै राष्ट्रिय तथा अन्तराष्ट्रिय स्तरका प्रतियोगिता आयोजना गर्ने निर्णय गरेको छ । साथै नया“ पुस्तालाई खेलप्रति आकर्षित गर्न तथा खेलाडीहरुलाई व्यवसायिक बनाउन विभिन्न स्तरका खेल तालिम संचालन गर्ने एवं संगठन विस्तारलाई सबै स्थानीय तहमा पुर्याउने निर्णय गरेको छ ।

यस्तै एकेडेमीको जग्गा व्यवस्थापन तथा भवन निर्माणकालागि अध्यक्ष र महासचिवको नेतृत्वमा सम्भाव्यता अध्ययन गरी प्रतिवेदन प्रस्तुत गर्ने निर्णय गरेको अध्यक्ष आचार्यले बताए । जेठ ३ गते परेको मदन भण्डारी स्मृति दिवसको अवसरमा देशभर रचनात्मक गतिविधि गर्ने समेत निर्णय भएको छ । बैठकको सन्चालन महासचिव पुरेन्द्र विक्रम लाखे र उपमहासचिव सुवर्ण श्रेष्ठले गरे ।

प्रतिकृया दिनुहोस्

Flash News

भूमि आयोगको सूचनापछि काठमाण्डौंमा थप आक्रामक बन्दै उपत्यका विकास प्राधिकरण नेत्रहीन टी-२० विश्वकपमा नेपाल, टोली आज भारत प्रस्थान हुँदै ठूला तीन दल खुम्चिदा नयाँ दुई दलको भयो उदय पहाडी क्षेत्रमा बदलीको सम्भावना सजिलो सहकारीको छैटौं अधिवेशन, अध्यक्षमा पुनः पोख्रेल बुटवल तथा सैनामैनाका यी स्थानमा आइतबार विद्युत अनियमित हुने (सूचनासहित) देवदहकी दिपा मृगौला रोगले पीडित, सहयोगका लागि परिवारको अपिल दाङमा चार महिनामै थपिए करिब तीन सय उद्योग, ६१ करोड बढीको पूँजी लगानी भैरहवामा मंसिर १८ देखि अन्तर विद्यालय टि-२० क्रिकेट अमरज्योतीको १४ औं वार्षिक साधारणसभा तिलोत्तमाको मेलामा दर्शकको चाप बढ्दै, शनिबार मात्रै ५० हजारले अवलोकन गरेको दाबी ‘परदेशको पसिनाको उचित प्रतिफल निकाल्न राज्यको ध्यान जानुपर्छ’ बुद्ध सामुदायिक टेलिभिजनको अध्यक्षमा पुनः ओम ज्ञवाली डुब्न थालेपछि रुपन्देहीका सहकारीहरु एक ठाउँमा, संकट टर्नेमा अभियान्ताहरुकै आशंका कमल थापाको पार्टीलाई समानुपातिकतर्फ कुन प्रदेशमा कति मत ? सरकार गठनबारे सबै विकल्पमा खुला राख्ने माओवादीको निर्णय विवाहमा रक्सी पिएर फर्किदा लडेर ४७ वर्षीय देव रावतको मृत्यु यस वर्ष नेपालको रेमिट्यान्स साढे आठ अर्ब अमेरिकी डलर पुग्न सक्छ : विश्व बैंक समानुपातिकतर्फ कुन दलले कति मत पाए ? कालिकाको कायापलट : उच्च शिक्षा सुरु गरेको ९ वर्षमै उत्कृष्ट बन्न सफल