काठमाडौँ । युक्रेनका राष्ट्रपति वोलोदिमिर जेलेन्स्कीले शान्तिवार्ताको विषयमा बोलेका छन् । उनले रुससँग अब वास्तविक छलफल भइरहेको जानकारी दिएका छन् । उनले फेसबुकमा जनतालाई सम्बोधित गर्दै रुसमाथि जीतका लागि युक्रेनका सबै नागरिकको समर्थन आवश्यक भएको पनि बताएका छन् । यसमा रुससँग जुममार्फत् कुराकानी गरिरहेको समुह पनि समावेश छ ।
युक्रेनले आफू नेटोमा समावेश नहुने औपचारिक घोषणा गर्नुपर्ने रुसको दबाब छ । साथै, पूर्वी युक्रेनका पृथकतावादी विद्रोही क्षेत्र दोनेन्स्क र लुहान्स्कलाई स्वतन्त्र देशको रुपमा मान्यता दिनका लागि रुसले युक्रेनलाई आग्रह गरेको छ । दुुबै देशबीच लगातार वार्ता भइरहेको छ, जुन बुधबार पनि जारी रहेको छ । युक्रेनका प्रतिनिधि मिखाइल पोदलियाकले दुई देशबीच मौलिक अन्तर्विरोध रहेको तर सम्झौताका लागि धेरै ठाउँ बनेको बताएका छन् ।-एजेन्सी
युनिकोड
मिति रूपान्तरण
ग्लोबल आवाज
प्रतिक्रिया