१३ माघ २०७८, बिहीबार

Jan 27, 2022

कोरोना महामारीले २ वर्षदेखि प्रभावित रहँदै आएको हस्पिटालिटी क्षेत्र विस्तारै लयमा आउँदै छ । धार्मिक,औद्योगिक तथा पर्यटकीय क्षेत्रका रुपमा विकसित हुँदै आएको रुपन्देहका पुराना र नयाँ ठूला,मझौला तथा साना होटल तथा रेष्टूरेण्ट व्यवसायहरु हाल पुनः सञ्चालनमा आइसकेका छन् । केहि भने बन्दै र सञ्चालनमा आउँदै छन् ।

Advertisement

होटल क्षेत्रमा अरबौं लगानी रहेको रुपन्देहीमा ठूला होटल, रिसोर्टहरुको संख्या पनि थपिँदै छ । पहिलेदेखि चल्दै आएका होटल,रिसोर्टहरुले पुनः नयाँ व्यवस्थापन तथा स्तरोन्नती गर्दै सूचारु भएका छन् । यसै क्रममा तत्कालिन समयमा नै अर्थात् कोभिड पूर्व मात्रै सञ्चालनमा आएको रुपन्देहीको सियारीस्थित लुम्बिनी रिसोर्ट पनि नयाँ व्यवस्थापन र स्तरोन्नतीका साथ सञ्चालनमा आएको छ । यसै सन्दर्भमा रहेर लुम्बिनी प्यालेस रिसोर्टका व्यवस्थापक ध्रुब शर्मासँग ग्लोबल आवाजका लागि गरिएको संवाद:

संक्रमणपछि कसरी अगाडि बढ्दै हुनुहुन्छ ?
–लामो समयको संक्रमण र बन्दपछि हामीले रिसोर्टलाई विस्तारै पुनः सञ्चालनमा ल्याएका छौं । सञ्चालन पूर्व मर्मत,डेकोरेशन,स्तरोन्नती लगाएत पनि गरेका छौं । पुनः पूर्वतयारी गरेर रिसोर्टलाई थप व्यस्थित र आकर्षक बनाएर गतिशिल बनाएका छौं ।

संक्रमण केहि मत्थर भएतापनि जोखिम भने जारी छ,थप अर्को भेरियण्टको त्रास छ । यसले कस्तो प्रभाव पारेको छ र, तपाइँहरुले कसरी सावधानी अपनाउनु भएको छ ?
–प्रभाव त पहिल्यैदेखि छ नै । तर,विस्तारै सबै क्षेत्र चलायमान भएसँगै र सरकारले पनि सबै क्षेत्रलाई खुला गरेपछि नै हामी पुनः सञ्चालनमा आएका हौं । हामीले स्वास्थ्य मापदण्डलाई निरन्तरता गरेका छौं । त्यसैगरी आउने ग्राहकलाई पनि हामी मापदण्ड अनुसार नै स्वागत र सेवा प्रदान गरेका छौं । हाल अर्को भेरियण्टको जोखिमले हामी थप सतर्क बन्दै स्वास्थ्य सावधानीका सामग्री तथा उपकरणलाई परिचालन गरेका छौं।

लुम्बिनी प्यालेसमा के कस्ता विशेषता र सेवाहरु उपलब्ध छन्, जसका लागि पर्यटक वा ग्राहक यहाँ आउछन् वा आउन पर्दछ?
–यो भैरहवा–बुटवल जस्ता व्यस्त शहरहरुको बीचमा छ । त्यसैगरी विकसति तिलोत्तमा , पर्यटकीय क्षेत्र लुम्बिनीको पनि बीचमा अवस्थित छ । फराकिलो क्षेत्रफलमा , आर्कषक संरचनामा बनेको रिसोर्ट वातावरणीय दृष्टिकोणले पनि शान्त र स्वच्छ ठाउँमा रहेको छ । रिसोर्टमा बस्नको,खानाको व्यवस्थासँगै बोटिङ,स्विमिङ, म्यूजिक लगाएत धेरै सेवाहरु रहेका छन् । बाल उद्यान, सेल्फी जोन,बोटिङ , स्वस्थ तथा विभिन्न परिकारका खाना र खुल्ला वातावरण रहेको छ जसले गर्दा बालबासलका,किशोर–किशोरी,युवाहरुदेखि वृद्धवृद्धा सबैका लागि लुम्बिनी रिसोर्ट उत्तम स्थान हो । पारिवारिक वातावरण र माहौल बनाएका छौं त्यसैले पारिवारिक घुमघाम र विश्रामका लागि पनि यहाँ आउनै पर्दछ ।

रिसोर्ट नयाँ व्यवस्थापन,स्तरोन्नती र योजनाका साथ सञ्चालन गरेको भन्नुभयो, के–के गर्नुभयो र के–के योजना छन् ?
–कोभिडको दौरान बन्द हुँदा असर परेका क्षेत्रमा हामीले मर्मत तथा रिनोभेसन गरेका छौं । आफ्नै कृषि फार्म सञ्चालन गरेका छौं । रुपनदेही एग्रो फार्मबाट हामीले अर्गानिक कृषि उत्पादन गर्दै आएका छौं । स्विमिङ पुल बनाउँदैछौं । स्पा, पार्कहरु निर्माणाधिन छन् । दक्ष कर्मचारी उत्पादनका लागि होटल म्यानेजमेण्ट तालिम सञ्चालन गर्दैछौं । रिसोर्टलाई पूर्णतया बसाई,आराम र मनोरञ्जन स्थलको हब बनाउँदै छौं । विभिन्न आकारका हल निर्माण भएका छन् । साथै थप गरी विभिन्न स्थानीय स्तरमा हुने कार्यक्रमहरु सञ्चालन गर्नुका साथै राष्ट्रिय–अन्तराष्ट्रिय स्तरका सेमिनार,गोष्ठीहरु पनि सहज रुपमा सञ्चालन गर्ने रिसोर्टका रुपमा स्थापित गर्दैछौं ।

रिसोर्टले स्थानीय स्तरमा वा राज्यलाई के कसरी कस्तो टेवा पुर्याएको छ ?
–ग्रामिण क्षेत्रमा करौडौं लगानीमा रिसोर्ट सञ्चालन गर्नु आफैमा स्थानीय स्तर र राज्यलाई फाइदा हो । यसबाट अर्कोतर्फ स्थानीय स्रोत र साधनको प्रयोग र आर्थिक चलायमान पनि भएको छ । एक सय बढीले रोजगार प्राप्त गरेका छन् । स्थानीय स्तरमै गुणस्तरी हस्पिटालिटीको उपलब्धता भएको छ । यसबाट यहाँका आर्थिक गतिविधि बढ्नाले स्थानीय स्तरमा अन्य समभावनाहरु पनि उत्पन्न भएका छन् । रुपन्देहीबासीलाई घुमफिर,मनोरञ्जन र खानाका लागि आकर्षक रिसोर्ट बनेको छ भने लुम्बिनी आउने पर्यटकका लागि पनि गुणस्तरीय हस्पिटालिटी स्थल बनेको छ । जसले गर्दा पर्यटन क्षेत्रमा महत्वपूर्ण टेवा पुगेको छ ।

करोडौं लगानीमा रिसोर्ट सञ्चालन गरिरहँदा के कस्ता समस्या र चूनौतीहरु रहेका छन् र कसरी समाधान होलान् ?
–पक्कैपनि सुनसान स्याल कराउने झाडीमा आकर्षक रिसोर्ट बनेको छ । ग्रामिण क्षेत्र र सडक स्तर नहुँदा मुख्य समस्या बनेको छ । त्यसैगरी कोभिड महामारी,बन्द, राज्यको अव्यवहारिक नीति लगाएत धेरै समस्याहरु रहेका छन् । हाल स्थानीय स्तरबाट सडक मर्मत तथा पीच पनि हुँदैछ । कोभिड पछाडिको जनजीवन चलायमान हुँदै छ । सेवाग्राहीहरु आउँदै हुनुहुन्छ । विभिन्न समस्या र चूनौतीहरुलाई समाधान गर्दै अगाडि बढ्दै छौं । हस्पिटालिटी क्षेत्रका समस्या र संकटबाट अगाडि बढ्न राज्य तथा सरोकारवालाले विशेष नीति ल्याई व्यवहारिक कार्यान्वय गरेमा लुम्बिनी प्यालेस लगाएत् समग्र होटल तथा रेष्टूरेष्ट क्षेत्र चलायमानसँगै पर्यटन र आर्थिक गतिविधि वृद्धि भई राज्यलाई नै फाइदा हुने छ ।

प्रतिकृया दिनुहोस्

Flash News

प्रदेश एकमा अन्तर्घात गर्नेहरुलाई एमालेले कारबाही गर्ने अछामको जनसंख्या साढे २८ हजारले घट्यो अनुमतिबिना सार्वजनिक स्थलमा फोटो,भिडियो खिच्न नपाइने तिनाउमा मृत भेटिएकी महिला सैनामैनाकी जित कुमारी घरेलु मैदानमा आर्मीलाई हराउँदै मनाङ फाइनलमा चिकित्सा शिक्षा आयोगका उपाध्यक्ष डा. गिरीमाथि ढुंगा प्रहार बुटवलको कालिकापथ वाइपास सडक : आधा अवधि सकिँदा २० प्रतिशत प्रगति तिलोत्तमाको डिङ्गरनगर र हरिहरपुरलाई जोड्न तिनाउ नदीमा पुल नेपालमा तीन करोड डोज खोप लगाइयो दिल्लीमा सप्ताहन्तको कर्फ्यू र जोरबिजोर व्यवस्था हट्यो थप ८ हजार १७ जनामा कोरोना संक्रमण, १५ जनाको मृत्यु कोरोना संक्रमणबाट मृत्यु हुनेको संख्या तीन पुग्यो काेराेना न्यूनीकरणका लागि जुम्लामा एकीकृत हेल्प डेस्क स्थापना स्थानीय तहको निर्वाचन : आयोग पदाधिकारीपछि कांग्रेसमा छलफल गर्दै प्रधानमन्त्री देउवा मन्त्री रेणु यादवविरुद्ध कारबाही गर्न कांग्रेस नेताको उजुरी सेजमा ‘शक्ति’ प्रर्दशन, कानून पालना गर्न नसके पछि मुद्दा लासमा पनि दलालको नङ्ग्राः एउटै मृतकको १० लाख झ्याम् विपद्का विभिन्न घटनामा परी २४ घण्टामा दुई जनाको मृत्यु, १० जना घाइते मृतकका परिवारलाई साढे चार लाख बीमा रकम जिप दुर्घटनामा दुई जनाको मृत्यु, एक घाइते