२३ श्रावण २०७९, सोमबार

Aug 8, 2022

एउटै बाबुका १७ सन्तान : सँगै दशैं-तिहार मनाउने साइत अहिलेसम्म जुरेको छैन

गुल्मी । एउटै बाबुका १७ सन्तान मध्ये जेठा छोरा हुन् नेकपा माओवादी केन्द्र गुल्मी जिल्ला पार्टी संयोजक बिरबहादुर कार्की (चाहल ) । उनीसित उनका ती सबै दाजु–भाई दिदी–बहिनीहरुको नाम सोधियो । उनले त्यस्तै ७/८ जनाको नाम त केहि बेर हेक्का राख्दै भन्न सके । तर, अरुको नाम बिर्सेर श्रीमती रेनु कार्कीलाई तत्काल फोन गरेर उनीबाट सबैको नाम टिपाए।

Advertisement

जिल्लाको मालिका गाउँपालिका–५ छापाहिले सागबारी निवासी ७५ वर्षीय चित्रबहादुर कार्की वीर बहादुरसहित १७ सन्तानका बाबु हुन् । उनकी एउटी जेठी छोरी कालिका कार्की पौदी अमराईमा बिबाह भई बालबच्चाकी आमा समेत भएको बेला ३५ वर्षको उमेरमा मृत्यु भएको थियो । अरु १६ जना छोरा छोरीहरु सबै सकुशल र हट्टाकट्टा छन्।

चित्रबहादुर कार्कीको वैवाहिक सम्बन्ध पनि रोचक नै छ । जेठी श्रीमती खिमकलीलाई बाजा बजाएर विवाह गरि भित्राएको ४ महिना मै कान्छी ल्याउन उनै श्रीमतीसंग प्रस्ताव राखेर जमुना कार्कीलाई दोश्रो श्रीमतीका रुपमा विवाह गरे । दुबै श्रीमती एउटै घरमा मिलेर बसे । कान्छीतर्फ वीर बहादुर कार्की पहिलो सन्तानका रुपमा जन्मिए । त्यसपछि दुबैतर्फ सन्तान जन्मिने क्रम सुरु भयो।

जेठी श्रीमती खिमकलीले ६ भाई छोरा ४ बहिनी छोरी सहित १० सन्तान जन्माइन् । कान्छी श्रीमती जमुनाले ३ भाई छोरा र ४ वटी छोरीसहित ७ सन्तान जन्माइन् । १ सय ७३ रोपनी खेतीबारी भएका चित्र बहादुरलाई ती सन्तान पाल्न कहिल्लै अन्नको कमी भएन्।

कुनै समय गोठमा चार–पाँच वटासम्म लैना भैंसी पाल्ने चित्र बहादुरका छोरा–छोरीहरु दुध,दही,महिले नै हट्टाकट्टा भए । टोलको नाम नै सागबारी । त्यसै पनि सिङ्गो छापाहिले गाउँ पास्सीको साग (रायोको साग ) र मुला खेतीमा सदियौंदेखि प्रशिद्ध थलो हो । गाउँकै सागपात दुध,महिले एउटी विवाहित छोरी बाहेक अरु सबै निरोगी भए।

चित्रबहादुरले भ्याएसम्म खेतीपाती आफैले गर्दै आएका छन्। हलो जोत्नेदेखि दाउरा घाँस सबै आँफैले गर्छन् । १० सन्तानकी आमा खिमकली भने केही रोगी भएकी छन् । अर्की श्रीमती जमुना निरोगी छन् र सबै घरको काम भ्याउँछिन् । तपाइँहरु दुई बहिनीहरु बीच कहिले–काँही झगडा परेको छ कि छैन् ? भनेर सोद्धा खिमकली हाँस्दै भन्छिन्–‘किन झगडा गर्नु पर्यो र ? आ–आफ्नो भाग्य खाने न हो ? हामी त अहिले सम्म हाँसी–खुशी नै छौं , कहिल्यै झगडा परेको छैन् ।’

तपाइँहरुको त झण्डै एकैचोटी दुबैको विवाह भएको थियो रे’नि त ? भन्ने अर्को प्रश्नमा जुमना कार्कीले भनिन्–‘खै के गर्ने त्यस्तै भयो ।’ जेठा छोरा बिरबहादुर कार्की भन्छन्–‘ सानै छँदा त दशैं–तिहार सबैले संगै मनाइएको होला । तर, म जान्ने भएदेखि सबै दाजु भाई , दिदी बहिनीहरुले घरमा एकैसाथ बसेर दशैं तिहार मनाउन पाइएको छैनौं।’

उनी जनयुद्ध कालदेखि माओवादीमा लागेर जिल्ला नेता भए । माइला ढालबहादुर गाउँमै खेती– किसानी गर्छन् । साइँला अजित कार्की रुपन्देहीको छपियामा किसानी पेशा नै गर्छन् । काइँला ढालबहादुर कार्की बैदेशिक रोजगारमा छन्। राइँला मिन बहादुर कार्की पनि बैदेशिक रोजगारमा छन् । ठाइँला हिराबहादुर कार्की भारतीय सेनामा छन्। घाइँला गोपाल कार्की जिल्ला स्वास्थ्य कार्यालय गुल्मीका कोभिड–फोकल पर्सन सुपरभाइजर छन् । ठूला कान्छा सन्तोष कार्की नेपाल प्रहरीमा छन् । कान्छा चन्द्रबहादुर कार्की गाउँमै छन् । साना कान्छा मदन कार्की भारतीय सेनामा छन् ।

जेठी दिदी कालिकाको मृत्यु भए पनि माइली तारा , साइँली पुतली, काइँली हिमा,राइँली शान्ता , ठाइँली पार्वती र कान्छी सावित्रा विवाहित छन् । सबै एकै साथ नजुटे पनि दशैं-तिहारमा ताउलो र खड्करोमा खान पकाउनु पर्ने जेठा छोरा कार्कीले बताए । उनको दावी छ–‘सरकारी जागिरे बाहेक हामी सबै दाजु भाई दिदी–बहिनी र ज्वाँई चेला भान्जा भान्जी सबै माओवादी हौं।’

उनी भन्छन्-‘अन्यत्र सौतेला छोरा छोरीहरुमा मनमुटाव हुन्छ भन्छन् तर हाम्रोमा एउटै मन छ । अहिलेसम्म कसैसँग सामान्य विवाद समेत भएको छैन्।’ ठूलो परिमाणमा बाली-नाली उब्जनी गर्ने किसान परिवारमा जन्मिएका माओवादी नेता वीर बहादुरलाई गाउँको खेती किसानी मोह टुटेको छैन्। उनले सदरमुकाममा कुनै समयको वन–झाडी भाडामा लिई फाँडेर खोतीयोग्य जमिन बनाई सबै खाले जडिबुटी र फलफूलको नर्सरी सञ्चालन गर्दै आएका छन्।

उनी र उनकी श्रीमती रेनु कार्की पनि माओवादी नेतृ हुन् । दुबैले राजनीतिसंगै कृषि पेशालाई निरन्तरता दिँदै आएका छन् । उनीहरुले त्यही पेशाबाटै नर्सरी रहेको स्थानमा जमिन किनेर छाप्रे घर बनाएका छन् । बाहिर हेर्दा टिनको छाप्रो भित्र हेर्दा सजिसजाउ सभ्रान्त परिवारको जस्तै छ । उनको घर चलाउने मुख्य श्रोत नै त्यही नर्सरी बनेको छ । उनीहरुकोमा लोकल कुुखरा,विभिन्न साग पात र तरकारीहरु समेत किन्न पाइन्छ ।

बाबुले १७ सन्तान जन्माए पनि जेठा छोरा वीर बहादुरले भने एक छोरा र एक छोरी मात्रै जन्माए । छोरा संघर्ष कार्की शिभिल इन्जिनियर छन् भने छोरी ज्योती कार्की स्टाफ नर्स पढ्दै छिन् । कार्कीले करिब २–३ घण्टा लगाएर खोज्दा समेत सबै जनाको तस्वीर भने भेट्टाउन सकेनन् ।

गुल्मी मै अर्का एउटै बाबुका २१ सन्तान सबै शकुशल र हट्टाकट्टा छन् । मुसिकोट नगरपालिका–३ पेगा निवासी बिष्णुबहादुर पाण्डेका २१ सन्तान रहेका हुन् । उनकी एउटी छोरी सिडियो, एक छोरा वन अधिकृत र अर्का छोरा सशस्त्रका डिएसपी सहित सरकारी जागिरे मात्रै ९ जना छन्। उनीहरुले पनि एकै साथ घरमा दशैं–तिहार मनाउन नपाएको बताउँदै आएका छन्।

प्रतिकृया दिनुहोस्

Flash News

फोहर व्यवस्थापन : सोचमा नै छ खोट बजेट भाषण अनुसार नै तलब वृद्धि हन्छ : अर्थमन्त्री शर्मा काँग्रेस नेताहरूकाे बैठकः सय सिट राखेर मात्र गठबन्धन गर्न सुझाव भोलि देशैभरका नासु बिदामा बस्ने पूर्व–पश्चिम लोकमार्गमा बस दुर्घटना, पाँच जना घाइते निर्मला प्रकरणमा मुछिएका दिलीपले युवतीलाई दुर्व्यवहार गरेको आरोप, अनुसन्धान जारी विश्वका लागि ताइवान किन यति महत्त्वपूर्ण छ ? गैरसांसदको कार्यकाल सकिएसँगै मन्त्री छान्न संसदीय दलको बैठक हेटौंडामा पाँच सवारीसाधन एक-अर्कासँग ठोक्किएपछि… चितवनमा दुई अर्ब लगानीमा क्यान्सर अस्पताल निर्माण ‘तिम्रै मान्छे हुम कर’ सार्वजनिक नेपाल समाजवादी पार्टीको लुम्बिनी इन्चार्जमा खनाल जापानको आधुनिक प्रविधि नेपालमा भित्र्याउनका लागि पहल गर्न प्रचण्डकाे आग्रह नेपाल खेलकूद महासंघ तिलोत्तमा ११ मा वडा कमिटि, अध्यक्षमा पुन आज कतिमा कारोबार भैरहेको छ सुनचाँदी ? ज्ञानेन्द्र शाही जुम्लाबाट चुनाव लड्ने इजरायलद्वारा गाजा युद्धविरामको प्रस्ताव स्वीकार भूमि आयोगः सम्झौतामा स्थानीय तहहरुको वेवास्ता, भूमिहीनहरु निराश सत्ता गठबन्धनलाई सिट बाँडफाँट मिलाउन कति सहज? गरिब किन गरिब भए !