४ कार्तिक २०७८, बिहीबार

Oct 21, 2021

बुटवल । पछिल्लो २ दिनको अवधिमा भएका आधा दर्जन सवारी दुर्घटनामा परी ४८ जनाले ज्यान गुमाएका छन् । विजया दशमीको मुखैमा सवारी दुर्घटनाको अवस्था थप भयावह देखिएको छ ।

Advertisement

ग्लोबल आवाजले सोमबार र मँगलबार प्रकाशित गरेका समाचारलाई मात्रै तथ्याङमा समावेश गर्दा मुलुकका विभिन्न जिल्लामा भएको सवारी दुर्घटनामा परी ६५ जना बढी घाइते भएका छन् । सोमबार कास्कीको पोखरामा जीप दुर्घटनामा परी ८ जनाले ज्यान गुमाएका थिए भने २ जना घाइते भएका छन् । यसैगरी अछाममा जन्ति बोकेको जीप दुर्घटना हुँदा ४ जनाले ज्यान गुमाएका छन् भने १५ जना घाइते भए । स्याङ्जामा भएको जीप दुर्घटनामा ३ जनाको मृत्यु भयो भने १४ जना घाइते भएका छन् । यसरी सोमर मात्रै भएका ३ सवारी दुर्घटनामा परी १७ जनाले ज्यान गुमाएका छन् भने ३१ जना घाइते भए ।

दोस्रो दिन मँगलबार पनि ३ वटा सवारी दुर्घटनामा परी ३३ जनाको मृत्यु भएको छ । दुर्घटनामा परी २७ जना बढी घाइते भएका छन् । मुगुमा भएको बस दुर्घटना हुँदा यो समाचार तयार पार्दासम्म ३२ जनाले ज्यान गुमाएका छन् भने ११ जना बढी घाइते छन् । यसैगरी दाङमा बसको ठक्करबाट १ बालकले ज्यान गुमाएका छन् । यसैगरी डडेल्धुरामा बस पल्टिदा १६ जना घाइते भएको समाचार छ ।

हरेक वर्ष चाडबाडको समयमा सवारी दुर्घटनामा वृद्धि भई मानिसहरुले ज्यान गुमाउनु पर्ने अवस्था यो वर्ष पनि अन्त्य हुन सकेन । लुम्बिनी प्रादेशिक ट्राफिक प्रहरी कार्यालय बुटवलका प्रमुख योगेन्द्र सिंह थापाका अनुसार कोरोना महामारीले लामो समयपछि एक्कासी सवारीको फ्लो बढेका कारण दुर्घटनामा पनि वृद्धि भएको हो । तीब्र गती तथा पुरानो सडक संरचनाका कारण पनि दुर्घटना बढ्ने गरेको उनले बताए ।

Follow Us

प्रतिकृया दिनुहोस्

Flash News

‘सन् २०२२ सम्म कोभिड महामारी’ पुरानै लयमा फर्किदै छ बेनी बजार विश्वकै सबैभन्दा लामो लकडाउन आजदेखि खुल्दै हात्ती आक्रमणबाट मृत्यु भएका परिवारलाई दश लाख धान डुब्यो, गहुँ लाउने आश मर्‍यो बुद्धको महापरिनिर्वाण भएको कुशिनगरमा अन्तर्राष्ट्रिय विमानस्थल भारतमा नौ महिनामा एक अर्बले लगाए खोप नेपाली फिल्म ‘एक्सन नाइन’मा सुनिल शेट्टीको इन्ट्री महिला मेयर कप आजबाट, उद्घाटन खेलमा महालक्ष्मी र बागमती भिड्दै प्रधानमन्त्री देउवा आज कर्णाली र सुदूरपश्चिमको निरीक्षणमा जाँदै अलपत्र पर्यटकको उद्धार गर्न गृहमन्त्रीको निर्देशन चितवनको ३० प्रतिशत धानबालीमा क्षति बागलुङमा ड्रागन फ्रुटको व्यावसायिक खेती सिद्धार्थ राजमार्ग अवरुद्ध बालुवा बाेकेकाे ट्रक दुर्घटना, चालकको मृत्यु बाढी-पहिराेमा परी हालसम्म ९५ जनाको मृत्यु, ३६ बढी बेपत्ता [कुन जिल्लामा कति ?] श्रीलंका टि-२० विश्वकपको सुपर १२ मा प्रवेश अविरल वर्षाले हुम्लामा २० घर भत्किए आज एमाले स्थायी कमिटी बैठक, यी हुन् पाँच एजेण्डा केन्द्रको हस्तक्षेपले राेकियाे एनआरएनए भेला