९ कार्तिक २०७८, मंगलवार

Oct 26, 2021

काठमाडौं । कोरोना भाइरसको दोस्रो लहरले महामारीको रूप लिएपछि बन्द रहेका अधिकाँस क्षेत्र खुले पनि फिल्म हल भने अझै बन्द नै छन् । केही समय अगाडि उपत्यकामा फिल्म हल खोल्ने अनुमति प्राप्त भए पनि नेपालभर अनुमति नपाएसम्म हल खुलेका छैनन् । तर, अब २१ असोज बिहीबारदेखि दर्शकले फिल्म हेर्न पाउनेछन् । 

Advertisement

लामो समयदेखि बन्द रहेको हल बिहीबारबाट खुल्दै छ । विदेशी फिल्म ’फास्ट एण्ड फ्युरिय्स’ प्रदर्शन गर्दै फिल्म हल खुल्न लागेको हो । यद्यपि नयाँ फिल्म भने दर्शकले आउँदो साताबाट मात्र हेर्न पाउनेछन् ।

विदेशी फिल्महरूको प्रदर्शन सूची सार्वजनिक भइसक्दा पनि नेपाली फिल्मको प्रदर्शन मितिको तालिका सार्वजनिक भएको छैन । दसैँतिहारमा फिल्म प्रदर्शन गर्न ठूलै लडाइँ लड्ने निर्माताहरू यसपटक भने पर्ख र हेरको अवस्थामा छन् । 

विदेशी फिल्मले दर्शकलाई हलसम्म ल्याउन सफल भए मात्र आफ्नो फिल्म रिलिज गर्ने तयारी नेपाली निर्माताहरूको छ । ’पहिला रिलिज गरेर रिक्स कसले लिने ?’ चलचित्र विकास बोर्डका अध्यक्ष दयाराम दाहालले भने । हल खुलेको जानकारीसँगै तीन महिनासम्म प्रदर्शनमा आउने फिल्मले पाउने राहतको विषयमा जानकारी गराउन आयोजित पत्रकार सम्मेलनमा अध्यक्ष दाहालले नेपाली फिल्मको भने प्रदर्शन तालिका केही समयपछि आउने बताए । 

’हामीले हल सुरक्षित रहेको बताउदै आएका छौँ’, उनले भने, ’केहि समयपछि नेपाली फिल्मका निर्माता पनि अगाडि आउनु हुन्छ भन्नेमा विश्वत छु ।’ 

चलचित्र विकास बोर्डमा चलचित्र निर्माता संघ, चलचित्र निर्देशक समाज, चलचित्र संघ, चलचित्र प्राविधिक संघलगायतका फिल्मसँंग जोडिएका संस्थाको संयुक्त कार्यक्रमबाट  फिल्म रिलिजको मितिको तालिका सार्वजनिक नहुनु सुखद् होइन । 

भारतको महाराष्ट्रमा हल खुल्ने निर्णय भएसँगै बलिउडका अधिकांस फिल्मले रिलिज घोषणा गरे । तर, नेपालमा भने हल खुल्ने निर्णय हुँदा पनि निर्माताहरू अग्रसर हुन सकेका छैनन् । तीन महिनाको लागि भनिएको सेवासुविधामा नेपाली फिल्मले ट्रेलर देखाएको, हलमा पोष्टर राखेको शुल्क दिनुपर्ने छैन । 

यसबारे जानकारी दिँदै चलचित्र संघका महासचिव अशोक शर्माले नेपाली निर्माताहरूका लागि प्रदर्शक सदैव हातेमालो गर्न तयार रहेको बताए । ’हामीले पहिलो हप्तामा निर्मातालाई ५५ प्रतिशत र त्यसपछिका सम्पूर्ण सेयरमा ५० प्रतिशत उपलब्ध गराउने छौं’ उनले भने, ‘यसका साथै नेपाली फिल्म दुई हप्ताको फरकमा मात्र रिलिज हुनेछन् ।’

सेवासुविधाअनुसार आगामी तीन महीनासम्म प्रदर्शन हुने फिल्मको प्रचारप्रसार, भीपीसीलगायतको खर्च चलचित्र विकास बोर्डले व्यहोर्ने भएको छ । बोर्डले तय गरेको फिल्म प्रदर्शन कार्यविधिमा समेटिने सबै फिल्मले तीन महीनासम्म यस्तो सुविधा पाउने अध्यक्ष दाहालले जानकारी दिए । यो अवधिसम्म छायांकनमा जाने फिल्मको पनि डेढ लाखसम्म प्रोजेक्ट बिमा हुने जनाइएको छ । 

बिहीवार हलिउड फिल्म ‘फास्ट एन्ड फ्युरियस ९’, २६ असोजमा ‘डाँडाको बरपीपल’, २८ असोजमा जेम्स बन्ड फिल्म ‘नो टाइम टु डाइ’ रिलिज हुनेछन् । नेपाली फिल्म ‘डाँडाको बरपीपल’ हलबाट उत्रिएपछि अन्य नेपाली फिल्महरू धन्दागिरी, चोर पुलिस, धुम ४ र चुरिफुरी प्रदर्शन हुने भएका छन् ।

Follow Us

प्रतिकृया दिनुहोस्

Flash News

न्यायालयमा साँढेको जुधाइ, बाच्छाको मिचाइ राष्ट्रिय उद्योग व्यापार संगठन लुम्बिनीमा पराजुली रोहिणी देशकै पहिलो स्वास्थ्य बीमा संयोजन समिति गठन गर्ने स्थानीय तह थप ६६६ जनामा कोरोना संक्रमण, ११ जनाको मृत्यु सिभिल लघुवित्तले २० प्रतिशत लाभांश दिने आउने निर्वाचनपछि देश स्थिरता र विकासमा अघि बढ्छ : एमाले नेता पौडेल एशियन लाइफले घोषणा गर्‍यो नयाँ बोनसदर खान नपाएर आठ जनाको मृत्युदेखि ऋण तिर्न सन्तान बेच्दै अभिभावक भरतमणिलाई पूर्वयुवराज पारसले भने- फन्नी फन्नी किप इट अप नेपाल सेवा र विन लघुवित्तको एकीकृत कारोबार १५ कात्तिकदेखि सुरु हुने ६ महिनादेखि जब मोबाइल फोन आन्द्रामै अड्कियो… आज पनि ७८ अंकले उकालो लाग्यो नेप्से तिहार नजिकिएसँगै माला उन्दै वनमाला गरिब परिवारमा आत्महत्या दर बढी चीनमा फेरि लकडाउन, अत्यावश्यक कामबाहेक घर बाहिर ननिस्कन आदेश १५ न्यायाधीशको छलफल सकियो, प्रधानन्यायाधीशले राजीनामा दिनुपर्ने अडान कायमै सेनाले जाजरकोटमा बनायो रात पनि अवतरण गर्ने मिल्ने हेलिप्याड तीन तहकै निर्वाचनको तयारी थाल्न नेता कार्यकर्तालाई ओलीको निर्देशन सभामुख न्यायाधीश बने : ओली परमादेश त पाँचैजनाले गर्नुभएको थियो, किन एकजनाको राजीनामा माग्नुहुन्छ श्रीमान् ?: ओली