उद्यमशीलतामार्फत समृद्ध ‘नेपाल, सुखी नेपाली’

तिलोत्तमा । महिला उद्यमशीलता प्रवद्र्धन नेपालको आयोजना र तिलोत्तमा नगरपालिकाको व्यवस्थापनमा महिला उद्यमशीलता प्रवद्र्धन सम्बन्धी अन्तक्र्रिया र तीज मिलन कार्यक्रम आयोजना गरिएको छ । सो अवसरमा नगरपालिका संघका लुम्बिनी प्रदेश संयोजक एवम् बुटवल उपमहानगरपालिकाका नगरप्रमुख शिवराज सुवेदीले महिलाहरुलाई उद्यमशीलतातर्फ उन्मूख गराउन जोड दिए ।

उद्यमशिलतातर्फ उन्मूख गराउन नीति, योजना तथा कार्यक्रमहरु तय गरी आवश्यक बजेटमार्फत सम्बोधन गर्नुपर्नेमा जोड दिए । तीजका बेला नेतृत्वमा रहेका महिलाहरुले गहनागुरिया प्रदर्शन गर्ने, पोसाकमा तडभडक देखाउने परम्परालाई त्याग्दै सादा जीवन उच्च विचारमा लम्कन अनुरोध समेत गरे ।

कार्यक्रममा सैनामैना नगरपालिकाका प्रमुख चित्रबहादुर कार्की, तिलोत्तमा नगरपालिकाकी उपप्रमुख जगेश्वरदेवी चौधरी, कञ्चन गाउँपालिकाका अध्यक्ष गोकर्णबहादुर क्षेत्री, सियारी गाउँपालिकाका अध्यक्ष अयोध्याप्रसाद थारु, कोटहीमाई गाउँपालिकाका अध्यक्ष चन्द्रभूषण यादवले महिलाहरुलाई उद्यमशील नबनाई समृद्ध नेपाल, सुखी नेपालीको नारा पूरा हुन नसक्ने बताए । सबै पालिकाहरुले महिलाहरुलाई उद्यमशील बनाउन सक्दो प्रयोग गरि बजेटको समेत प्रबन्ध गरेको बताए ।

कार्यक्रममा अर्थका जानकार माधवकुमार पौडेलले उमहिला द्यमशीलता प्रवद्र्धन, त्यसको इतिहास, वर्तमान अवस्था र स्थानीय सरकारहरुले खेल्नु पर्ने भूमिका सन्दर्भमा प्रस्तुती राखेका थिए । संस्थागत अभिमुखीकरण, संस्थाका अध्यक्ष गोमादेवी आचार्यले र कार्यक्रमको सञ्चालन कोषाध्यक्ष विद्यालक्ष्मी गुरुङले गरेकी थिइन् ।