रुपन्देहीको तिलोत्तमामा एक पुरुषको शव फेला, सनाखत हुन बाँकी

बुटवल । रुपन्देहीको तिलोत्तमा एक पुरुषको शव फेला परेको छ । बिहीबार बिहान तिलोत्तमा नगरपालिका–१० स्थित ३६ कुलोमा एक पुरुषको शव फेला परेको हो ।

अन्दाजी ३५/३६ वर्षका पुरुषको अहिलेसम्म सनाखत हुन नसकेको जिल्ला प्रहरी कार्यालय रुपन्देहीका प्रहरी प्रवक्ता सत्यनारायण थापाले बताए ।

शवलाई पोष्टमार्टनका लागि लुम्बिनी प्रादेशिक अस्पतालमा पठाइएको प्रवक्ता थापाले बताए । घटनाका बारेमा अनुसन्धान भइरहेको प्रहरीले जनाएको छ ।