लुम्बिनीको मुख्य न्यायाधिवक्तामा प्युठानका श्रीकृष्ण सुवेदी नियुक्त

बुटवल । लुम्बिनी प्रदेशमा मुख्य न्यायधिवक्तामा प्युठानका श्रीकृष्ण सुवेदी चयन भएका छन् ।निवर्तमान मुख्यमन्त्री शङ्कर पोखरेल नेतृत्व रहँदा रहेका मुख्य न्यायाधिवक्ता ठाकुर प्रसाद डिसीले राजिनामा दिँदा उक्त पद खाली रहेको थियो। सुवेदीले सोमबार साझ छ बजेतिर प्रदेश प्रमुखको कार्यालयमा शपथग्रहण गरेका हुन । उच्च अदालत तुलसीपुरका मुख्य न्यायाधीश निता गौतम दिक्षितले सुवेदीलाई शपथ ग्रहण गराएकि हुन ।

सुवेदी सत्यनिरूपण तथा मेलमिलाप आयोग तथा मानवअधिकारका विषयमा अधिवक्ताको काम गर्दै आएका थिए । सुवेदीको शपथग्रहणमा लुम्बिनी प्रदेश प्रमुख अमिक शेरचन,  लुम्बिनी प्रदेशका मुख्यमन्त्री कुलप्रसाद केसी, मन्त्रीहरू प्रदेशसभा सदस्यहरु प्रहरी सेना तथा मन्त्रालय तथा कार्यालयका सचिव तथा प्रमुखहरूको सहभागिता रहेको थियो ।