ओली र देउवाले ल्याएको अध्यादेश उस्तै-उस्तै हो भन्नु गलत : प्रचण्ड

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले सरकारले हालै ल्याएको दल विभाजनसम्बन्धी अध्यादेशले संघीयता, लोकतन्त्र र अहिलेको व्यवस्थालाई रक्षा गर्ने दाबी गरेका छन्।

बिहिबार समाजवादी केन्द्रले काठमाडौंमा आयोजना गरेको कार्यक्रमलाई सम्बोधन गर्दै प्रचण्डले गठबन्धन सरकारले ल्याएको अध्यादेशले कसैलाई हानी नगर्नेसमेत बताए । ‘केपी ‌ओलीले अध्यादेश ल्याउँदा चर्को विरोध भएको थियो। तर म के चाहिँ कुरा भन्छु भने एउटा अध्यादेशको उद्धेश्य लोकतन्त्र सिन्धायउनु थियो, तर यो अध्यादेश चाहिँ लोकतन्त्र, संघीयता र अहिलेको व्यवस्था जोगाउ ल्याइएको हो।’ प्रचण्डले भने ।

यसअघि प्रचण्डले भने, ‘लोकतन्त्र मास्न ल्याएको अध्यादेश र जोगाउन ल्याएकोलाई उस्तै(उस्तै हो भन्नु गलत हो ।’ प्रचण्डले नेकपा एमाले समाजवादी दर्ता हुनासाथ मन्त्रिपरिषद् विस्तार हुने बताए ।