२ जेष्ठ २०७९, सोमबार

May 16, 2022

लुम्बिनी, शान्तिको मुहानका रुपमा विश्वसामु परिचित छ । मुलुक संघीय पद्धति र संरचनाअनुसार अघि बढिरहँदा प्रदेश ५ को नामपनि बुद्ध जन्मस्थल लुम्बिनीकै नामबाट नामाकरण गरियो । जुन स्वागतयोग्य मानियो र निर्विरोध रहयो ।

Advertisement

विश्वभर शान्तिको सन्देश दिएका शान्तिका अग्रदूत गौतम बुद्ध जन्मेको स्थल लुम्बिनीमा लुम्बिनी सरकार तथा प्रतिपक्ष र लुम्बिनीका नेताले देखाएको गैरारजानीतिक आचरण र गरेको गतिविधिले यतिबेला लुम्बिनीबासी मात्रै नभई देशवबासी नै गम्भीर छन् । जनताले चुनेका जनप्रतिनिधि र बहुमतको ५ वर्षे सरकार सम्हालेका नेतृत्वको आपसी असमझदारी र टुट्फुटले लुम्बिनी प्रदेशमा राजनीतिक विचलन ल्याएको छ ।

त्यसैगरी सरकार र विपक्षी गठबन्धन बीचको सत्ता प्रतिष्पर्धाले संवैधानिक र राजनीतिक आचरणका सीमा नै नाघेर सोही अनुसार गतिविधि बढ्दा कुनै अश्लिल हर्कत भन्दा कम देखिएको छैन । नीतिहरुमा अग्र मानिने राजनीतिक गतिविधि भन्दा बाहिर गएर किनबेच र अपहरणसम्मका गतिविधिले राजनीतिमा अश्लिलता देखिएको छ । र, लुम्बिनीलाई अश्लिल राजनीतिको ‘क्रिडा स्थल’ बनाइएको छ ।

आवधिक निर्वाचन–२०७४ मा चुनावी तालमेल गरेर २०७५/२/३ मा देशका दुई राजनीतिक दल एमाले र माओवादी केन्द्रको गर्भधारणबाट जन्मिएको सन्तान नेकपा यसका अभिभावकको उचित संरक्षण र स्याहार–सुसार नपाएर २०७७/११/२६ मा मृत्युवरण गरेपछि बा आमाले ओेैपचारिक रुपमा सम्बन्ध बिच्छेद गरे । त्यसको असर संघीय र प्रादेशिक सरकार सञ्चालनमा देखा परिरहेका छन् । बहुमतको संघीय सरकार अहिले बहुदलिय बनेको छ । जसको न्वारन त गरिएको छ भने उसले आफ्नो परिवारका सम्पूर्ण सदस्यलाई देख्न पाएको छैन । मानौँ उ कोरोना कहरको अवस्थामा एकान्तबासमा बसेर दैनिकी चलाएको छ ।

विश्व समुदायका बीचमा लुम्बिनी शब्द उच्चारण हुँदा बडो आनन्द र गौरवका साथ गौतम बुद्धको जन्मस्थल र विश्व शान्तिको मुहान भनेर बुझ्ने गरिन्छ । विडम्बना वर्तमान समयमा देशको राजनीतिका नराम्रा गतिविधि घटनाक्रम र लुम्बिनी नाम राखिएको प्रदेश भित्रका राजनीतिका नाममा गरिएको गैर–संवैधानिक तथा मानव अधिकारका आधारभुत सिद्धान्त विपरीतका कदमले गर्दा आज विश्व मानव समुदायका अगाडि लुम्बिनी शब्द लज्जित छ ।

‘देश विकास गर्न भनी राजनीति गरेका हौ’ भन्ने राजनीतिज्ञले व्यक्तिगत तथा आस्थावान पाटिको स्वार्थलाई केन्द्रमा राखेर पछिल्लो समय लुम्बिनी प्रदेशमा गरिएका क्रियाकलाप अत्यन्त दुःखद घटनाका रुपमा सथापित भएको छ । यो घटनामा दुवै पक्षहरु बराबर जिम्मेवार रहेका छन् । दार्शनिक ओसोका भनाई अनुसार कुनै पनि गल्ती घट्नुका पछाडि दुई पक्षको ५०/५० प्रतिशत गल्ती रहन्छ ।

लुम्बिनीमा जन्मिएको शान्तिको मन्त्रले पनि कुनै पनि दुःख र गल्तीको कारण तिमी स्वयम् र तिम्रो संगत हो भनेको पाइन्छ । यी विचारहरुका आधारमा लुम्बिनी प्रदेशका बारेमा अनेकौं प्रश्न आउनुका पछाडि यहाका राजनीति दल र तिनका सिमित नेतृत्व जिम्मेवार छन । अर्थात् जसरी पनि सत्ता टिकाउन चाहने अहिलेको सत्तापक्ष र कुनै पनि हालतमा सत्तामा पुग्ने र आफूहरुको सान प्रमाणित गर्न चाहने प्रतिपक्ष, दुवै पक्षको अडानले गर्दा सांसद अपहरण काण्ड घट्न पुगेको हो भन्ने तथ्यलाई अस्विकार गर्न सकिँदैन ।

अन्तराष्ट्रिय अवधारणा, प्रयोग तथा व्यवहारको अध्ययन गर्दा राजनीति गर्नुको मुख्य उद्देश्य देश र जनताको सेवामा निस्वार्थ मनोभावनाले सामाजिक कार्य गर्नु बुझिन्छ । नेपालको सन्दर्भमा पहिलो संविधान सभाको निर्वाचन पछि राजनीति अकुत सम्पत्ति कमाउने आफ्ना आसेपासेलाई ठेक्का पट्टा दिलाउने र यसका माध्यमबाट धनी बन्ने पेसाका रुपमा स्थापित भएको छ । जुन कुरालाई पछिल्लो समयको संघीय सरकार काण्ड र लुम्बिनी प्रदेशको ताजा घटनाले प्रमाणित गरेको छ ।

विश्व समुदायमा शान्तिको सुत्र प्रतिपादकका रुपमा प्रख्यात गौतम बुद्धको जन्मस्थलको नामलाई सम्झिएर प्रदेशको नाम लुम्बिनी राखेपछि यसको सैद्धान्तिक, व्यवहारिक महत्त्व र विश्व समुदायले यस प्रति देखाउने माया सद्भाव, सम्मान प्रति पनि यस प्रदेशका राजनीति पाटि तथा नेता कार्यकर्ता पूर्णरूपमा सचेत हुनुपर्छ । लुम्बिनी एउटा पर्यटकिय स्थलका रुपमा मात्रै नभएर ऐतिहासिक, पुरातात्त्विक, धार्मिक तथा त्यो भन्दा बढी विश्व समुदायका अगाडि शान्तिको सन्देश सिर्जना गर्ने ठाउँका रुपमा चित्रित छ ।

यसकारण लुम्बिनी प्रदेशको सरकार तथा सम्पूर्ण राजनीति दलले विगतमा प्रदेशको नामाकरण गर्दा लुम्बिनी किन राखिएको थियो र अहिले हाम्रा क्रियाकलापले हाम्रो त्यो प्रतिबद्धतालाई आत्मसाथ गरेको छ वा छैन भनेर गम्भीरतापूर्वक समीक्षा गर्नुपर्ने समय आएको छ ।

प्रतिकृया दिनुहोस्

Flash News

भारतीय प्रधानमन्त्री मोदी लुम्बिनीमा, देउवाले गरे स्वागत भरतपुरमा रेनु भन्दा विजय ४३ मतले अगाडि धनगढीमा मतान्तर बढाउँदै स्वतन्त्र उम्मेदवार हमाल दिल्लीको तापक्रम ४९ डिग्री सेल्सियस, सर्वसाधारणलाई घरभित्रै बस्न अनुरोध भारतीय प्रधानमन्त्री मोदी आज ६ घण्टाको लागि नेपाल आउँदै बुटवलमा खेलराज पाण्डेय १८१४ मतले अघि तिलोत्तमामा एमालेको विजयी सुरुवात, गठबन्धनलाई हराउँदै वडा १ को अध्यक्षमा गिरी सैनामैना २ मा गठबन्धनलाई हराउँदै एमालेका कंडेल विजयी देवदहमा एमालेको अग्रता कायमै, काँग्रेस २०९ मतले पछाडी चितवनका २० वडाको मतपरिणाम सार्वजनिक, कांग्रेस ९ र एमाले ६ वडामा विजयी पोखराको पहिलाे नतिजा : १ मा एमाले, २ मा कांग्रेस विजयी तिलोत्तमामा खाँण र चापागाईं बीच कडा प्रतिस्पर्धा जारी गौतमबुद्ध विमानस्थलमा पहिलाे अन्तर्राष्ट्रिय उडान, जजिरा एयरबेजको जहाज अवतरण बुटवल उपमहानगर-१९ मा प्यानलसहित एमाले विजयी लुम्बिनी प्रदेशसहित यी स्थानमा वर्षाकाे सम्भावना, भाेलि हावाहुरी चल्नसक्ने दाङको बङ्गलाचुलीमा गठबन्धन दल विजयी देवदहमा एमालेको अग्रता कायमै, काँग्रेस १६९ मतले पछाडी तिनाउमा गठबन्धनलाई हराउँदै बहुमत वडासहित एमालेको जित लुम्बिनी भ्रमणले नेपाल–भारत सम्बन्ध अझ मजबुत बनाउने छ : भारतीय प्रधानमन्त्री मोदी तिलोत्तमामा एमालेका चापागाइँ र कांग्रेसका खाँणबीच कडा प्रतिष्पर्धा