१ कार्तिक २०७८, सोमबार

Oct 18, 2021

बुटवल । कालीगण्डकी–तिनाउ डाइभर्सन बहुउद्देश्यीय परियोजनाको काम अघि बढाउनका लागि बुटवलमा कार्यालय स्थापना भएको छ । उक्त कार्यालयले परियोजनाको सम्भाव्यता, भौगर्विक अवस्था तथा लागत अनुमानसहितको आईई, ईआए र डिपिआर निर्माणको काम गर्ने छ ।

Advertisement

यस क्षेत्रका जनप्रतिनिधि तथा उप-प्रधान, गृह, अर्थ, उद्योग बाणिज्य तथा आपुर्ती, उर्जा, जलश्रोत तथा सिञ्चाई मन्त्री विष्णु पौडेलको ड्रिम प्रोजेक्टका रुपमा रहेको यो परियोजनाका लागि स्थापित कार्यालयको शनिबार उनैले उद्घाटन गरेका हुन् । परियोजना सम्पन्न गर्नका लागि आर्थिक स्रोत र दक्ष जनशक्तिको अभाव हुन नदिने प्रतिबद्धता समेत जनाएका छन् । डेढ दशक लामो समयदेखि पुनः चर्चामा आएको यो परियोजनाको परिकल्पनाकार भने जननेता स्व. मदन भण्डारी हुन् । उनले २९ वर्ष अगाडि नै यो परियोजनाको परिकल्पना गरेका थिए ।

वि.स. २०४९ साल माघमा भएको एमाले महाधिवेशनमा जनताको बहुदलीय जनवाद (जबज) को मार्ग दर्शन सिद्धान्त प्रस्तुत गर्दै स्व. भण्डारीले ‘कालिगण्डकी-तिनाउ’ भाइभर्सनको परियोजनालाई महत्वका साथ उल्लेख गरेका थिए । उनको प्रस्तुत गरेको जबजको खण्ड ३ को १० नम्बर बुँदामा रहेको आर्थिक व्यवस्था अन्तरगत उर्जा तथा जलस्रोतको क्षेत्रमा गरिएको परिकल्पनामा ‘कालिगण्डकी-तिनाउ’ डाइभर्सनलाई समेटिएको छ । अधिक पानी भएका नदीहरुबाट कम पानी भएका नदीहरुमा मिसाएर लाभ लिने उद्देश्यअनुसार यो योजनाको परिकल्पना गरिएको हो । नदी पठान्तरण गर्ने परिकल्पनामा ‘सुनकोशी-कमला’, ‘कालीगण्डकी-तिनाउ’ र ‘भेरी-बबई’ भाइभर्सनलाई मुख्य प्राथमिकताका साथ उल्लेख गरिएको छ ।

जलस्रोतको अधिकतम सदुपयोगका लागि सार्कस्तरीय अन्तर्राष्ट्रिय पावर लाइन स्थापनासहितको परिकल्पना गरिएको जबजमा लेखिएको छ -‘सार्कस्तरीय अन्तर्राष्ट्रिय पावर लाइनको स्थापना गर्ने र सो प्रणालीमा नेपाललगायत अन्य सार्क देशहरूलाई समेत समावेश गराउन जोड दिइनेछ । जलस्रोतको एकीकृत प्रयोजनका लागि शक्ति सञ्चय गर्ने आयोजनाहरू (जस्तै-सेती, बूढीगण्डकी), बहुउद्देश्यीय सञ्चय आयोजनाहरू (जस्तै–कन्काई, राप्ती), अधिक पानी भएका नदीलाई ल्याएर कम पानी भएका नदीमा मिसाउने आयोजना (जस्तै– सुनकोशी–कमला, कालीगण्डकी–तिनाउ, भेरी-बबई आदि) हरूलाई कार्यान्वयन गर्ने काममा प्राथमिकता दिइनेछ ।’

जननेता स्व. मदन भण्डारीले परिकल्पना गरेको ‘कालिगण्डकी–तिनाउ’ डाइभर्सन बहुउदेश्यीय परियोजनालाई सार्थकता दिनएमाले उपमहासचिव समेत रहेका मन्त्री पौडेलले आर्थिक वर्ष २०७८/८९ को बजेट भाषणमा समेत यसलाई प्राथमिकताका साथ उल्लेख गरेका छन् । यो परियोजना सम्पन्न भएको अवस्थामा रुपन्देहीमा ६४ हजार हेक्टर, कपिलवस्तुमा ४३ हजार हेक्टर तथा नवलपरासीमा ८४ हजार हेक्टर क्षेत्रफलमा सिञ्चाई सुविधा उपलब्ध गराउन सकिने परिकल्पना गरिएको छ । सिञ्चाईको उपलब्धतापछि कृषि उत्पादनको वृद्धिसँगै आर्थिक समृद्धिमा टेवा पुग्ने मन्त्री पौडेलले उल्लेख गरेका छन् ।

यसैगरी उर्जा उत्पादनको क्षेत्रमा विद्युत ड्याम निर्माण गरी १२६ मेगावाट विद्युत उत्पादन गर्न सकिने प्रराम्भिक अध्ययन भएको कालिगण्डकी–तिनाउ डाइभर्सन बहुउद्देश्यीय परियोजनाका प्रमुख सन्तोष कैनीले बताए । कालिगण्डकीबाट २७ किलोमिटर लामो सुरुङ हुँदै पाल्पाको दोभानमा बन्ने विद्युत ड्याममा पानी खसाल्ने र त्यहाँबाट आधा पानीलाई रुपन्देहीको बुटवल–१३ बेलबासमा बन्ने अर्को विद्युत ड्याममा ७ किलोमिटर सुरुङ हुँदै पठाउने गरी परिकल्पना गरिएको महत्वकांक्षी यो योजनाले आर्थिक विकासमा महत्पूर्ण अर्थ राख्ने बताइएको छ ।

Follow Us

प्रतिकृया दिनुहोस्

Flash News

नदीमा ढुंगा लिन गएका ट्रयाक्टर चालक बगेर बेपत्ता दाङमा धानवालीमा पुगेको क्षतिको विवरण संङ्कलन हुँदै रुपन्देहीको समृद्धिका लागि सदैब प्रयत्नशिल रहनेछु : गृहमन्त्री खाँण बाढीले डाइभर्सन बगायो, पुर्व–पश्चिम राजमार्ग अवरुद्ध दुई दिनको वर्षाले धानबाली नष्ट, काटेर राखेका धान पनि खेतमै डुब्यो भित्र्याउने बेलाको रुपन्देहीको धानबालीमा वर्षाले क्षति, क्षतिको विवरण आउन बाँकी जेम्स बोन्डको सम्पत्ति सन्तानले नपाउने प्रकृतिसँग रमाउन सिद्धबाबाधाम मनकामनामा बस दुर्घटना : ३० घाइते, १० को अवस्था गम्भीर बजारमा गोलभेडाको मुल्य बढ्दा साना किसानको टनेलबाटै खोसाखोस सुविधा मात्रै लिएर बित्यो चार वर्ष, भूमिकाविहीन जिसस अभिषेक, दर्शन, मनिष र आयुष सम्मिलित यू–२३ टोलीकाे घोषणा हिन्दू मन्दिर तोडफोड, मुसलमानको ज्यादतीबिरुद्ध भोक हड्ताल घोषणा आईसीएफसी फाइनान्सको १०% बोनस सेयर र ४% नगद लाभांश घोषणा गुल्मी कारागारमा क्षमताभन्दा तेब्बर कैदीबन्दी : १० स्थायी दरबन्दी १ कर्मचारी श्रीमतीको लौरो प्रहारबाट श्रीमानको ज्यान गयो,श्रीमती गम्भिर घाइते रुपन्देही आउन लागेका गृहमन्त्री खाँण काठमाण्डौंमा रोकिए स्वदेश फर्कियो साफ उपविजेता नेपाली टोली पानीले खर कुहिएपछि किसान मर्कामा हिमाली भेगमा यसरी हुँदैछ बलिवुड चलचित्र उँचाईको छायांकन