August 6, 2021, Friday
२२ श्रावण २०७८, शुक्रबार

श्रीमान–श्रीमती,दाजुसहित तीनजनाद्वारा कपिलबस्तुमा एक पुरुषको हत्या

6.9K

कपिलवस्तु । जिल्लाको कपिलवस्तु नगरपालिका –८ का बिजयबहादुर कुर्मीको हत्यामा संलग्न तीन जनालाई कपिलवस्तु प्रहरीले पक्राउ गरी सार्वजनिक गरेको छ । असार ७ गते सोमवारको दिन कपिलवस्तु नगरपालिका वडा नं ८ पूर्व डिह बेलौहवास्थित पोखरीमा १८ वर्षीय विजय बहादुर कुर्मी को शव फेला परेको थियो । शव फेला परेपछि अनुसन्धान गर्दै जाँदा प्रहरीले स्थानीय ३२ वर्षिय रमेश कँहार, भाई अनिल कँहार र उनकी श्रीमती बास्मती कँहारलाई पक्राउ गरेको हो ।

घटना विवरण अनुसार असार ३ गते छिमेकीको विवाहमा गएका अनिल कँहार ४ गते बिहान घर फर्किदा कुर्मीलाई कोठामा देखेपछि उनको हत्या गरिएको प्रहरीले जनाएको छ । आफू नभएको समयमा कुर्मीलाई कोठामा भेटेपछि आक्रोशित अनिलले दाजु रमेश र श्रीमती बास्मती कँहारको मिलेमतोमा कुटपिट गरी हत्यागरेपछि पोखरीमा फालिदिएको प्रहरी अनुसन्धानले देखाएको छ ।

कपिलवस्तुका प्रहरी प्रवक्ता प्रहरी नायब उपरिक्षक धर्मराज भण्डारीका अनुसार कुर्मीको बास्मतीसँग अनैतिक सम्बन्ध रहेको थाहा पाएपछि १ महिना पहिले पनि अनिलले कुटपिट गरेका थिए । त्यसपछि पनि आफु नभएको मौका पारी कोठामा आएका कुर्मीलाई कुटपिट गर्नुको साथै उनैले लगाएको धागोको मालाले घाँटी कँसेर हत्या गरी पोखरीमा फालिदिएको प्रहरी नायब उपरिक्षक भण्डारीले बताए । पक्राउ परेका तीनैजनालाई अदालतबाट म्याद थप गरि थप अनुसन्धान शुरु गरेको भण्डारीले जानकारी दिए । स्मरण रहोस् केहि दिन अघि पनि कपिलबस्तुमा एक श्रीमतीले श्रीमान हत्याका लागि सुपारी दिएको सार्वजनिक भएको थियो ।-यस अगाडि शिर्षकमा अन्यथा हुन गएकोमा सच्चाइएको छ । सम्पादक

पछिल्लो अपडेट