स्थापना दिवसमा खाद्यान्न सहयोग

बुटवल । इनरव्हिल क्लब मिडटाउन बुटवलले स्थापना दिवसको अवसर पारेर खाद्यान्न सामग्री सहयोग गरेको छ । क्लबले सामाजिक उत्तरदायित्व अन्तर्गत रहेर कोभिड संक्रमण रोकथामका मापदण्ड पूरा गर्दै तिलोत्तमा नगरपालिका ६ मणिग्रममा रहेको रामचन्द्र मैनादेबि अनाथ आश्रममा दाल, चामल, तेल, लगायतका खाद्यान्न सामग्री सहयोग गरेको कार्यक्रमका संयोजक साबित्रा सुनारले जानकारी दिइन् ।

कार्यक्रममा क्लबका सस्थापक अध्यक्ष आशा श्रेष्ठले क्लबले सधैं समाजमा देखिएमा समस्याहरुमा हातेमालो गर्दै अगाडी बढेको बताइन् ।क्लबका अध्यक्ष मिठु टण्डन भण्डारीले क्लबको स्थापना दिवसको अवसर पारेर समाजमा अनाथ भएर बस्नु पर्दैन यस्ता बालबालिकाको लागि धेरै आमाहरुको जन्म भएको छ भन्ने सन्देश प्रवाह गर्न आश्रमलाई छनोट गरिएको बताइन् ।

खाद्यान्न सामग्री वितरण कार्यक्रमका प्रमुख अतिथि समाजसेवी साबित्रा टण्डनले असहायहरुको अभिभावक बनेको क्लबले गरेका गतिबिधि सकारात्मक हुनुपर्ने बताइन् । खाद्यान्न सामग्री ग्रहण गर्दै अध्यक्ष मैनादेबि भण्डारीले कोभिडको संकमणको कुनै प्रवाह नगरी आश्रममा आएर खाद्य सामग्री प्रदान गरेकोमा क्लब परिवारलाई धन्यबाद ब्यक्त गरिन् ।

क्लबले यस भन्दा अगाडि पनि कोभिड संक्रमण न्यूनिकरणका लागि स्वास्थ्य सामग्री लगायतका सामग्रीहरु वितरण गरिरहेको जानकारी गराइन् । कार्यक्रमको सञ्चालन क्लबका सचिव देबि न्यौपानेले गाएकी थिइन् । कार्यक्रममा क्लबका पूर्व अध्यक्षहरु, पदाधिकारी, सदस्य लगायतको उपस्थिति रहेको थियो ।

यसैबीच क्लबले ओलम्पिक डे २०२१ का अवसरमा नेपाल ओलम्पिक कमिटी र इनरव्हिल क्लब अफ किर्तीपुरको संयुक्त आयोजनामा सम्पन्न पोजिटिभ थिन पोजिटिभ थिङ्गकीङ बिषयक एक्सटेम्पोर कन्टेक्सटमा बेस्ट स्पिकर सहित प्रथम भएकोमा पास्ट प्रेसिडेन्ट राधा भट्टराइलाई हार्दिक बधाई ज्ञापन गरेको छ ।