ताजा अपडेट »

दीपक मनाङ्गेको बचाउमा डा. बाबुराम भट्टराई, बाल्मीकीसँग तुलना

आइतबार, ३० जेठ २०७८, १२ : ३२
4 Shares

बुटवल । जनता समाजवादी पार्टीका नेता तथा पूर्व प्रधानमन्त्री डा. बाबुराम भट्टराईले गण्डकी प्रदेशका नवनियुक्त मन्त्री राजीवन गुरुङ ‘दीपक मनाङ्गे’ को बचाउ गरेका छन् । उनले सामाजिक सञ्चालमा लेख्दै मनाङ्गेलाई बाल्मीकीसँग तुलना गरेका हुन् ।

सामाजिक सञ्जालहरुमा नवनियुक्त गण्डी प्रदेशका मन्त्री मानाङ्गेका बारेमा विभिभिन्न टिका टिप्पणी भइरहेका बेला उनले बचाउमा लागेका हुन् । जन्मजात कोही पनि अपराधी नहुँने उल्लेख गर्दै उनले मनाङ्गेलाई सुध्रिने मौका दिनु पर्ने बताएका छन् । अपराधिक पृष्ठभूमिका मन्त्रीलाई एकपछि अर्को सरकारले मन्त्री दिएको भन्दै आक्रोश व्यक्त भएको छ ।

आईतबार सामाजिक सञ्चाल फेसबुकमा उनले भट्टराईले लेखेका छन्-‘राजीव गुरूंग (दीपक मनांगे) अहिले गण्डकी प्रदेशको मन्त्री बनेपछि र यसक्रममा मसँग पनि भेटेपछि मिडियामा विभिन्न टीकाटिप्पणी भएका छन् । यसलाई अन्यथा मान्नु हुन्न । मेरो सुविचारित र अनुभवजन्य मान्यता छ-कुनै पनि मान्छे जन्मजात अपराधी हुन्न । समाज/राज्यले मान्छेलाई अपराधी बनाउँछ । साथै वर्गीय/जातीय/लैंगिक विभेद भएको समाजमा राज्य/समाजको वर्चस्वशाली तप्काले उत्पीडित/बहिष्कृत तप्कालाई सहजै ‘अपराधी’ बनाइदिन सक्छ । अतः अपराध/अपराधी एक सपेक्ष अबधारणा हो ।’

अगाडी उनले लेखेका छन्,-"मैले २०५९/०६० सालको दोश्रो वार्ताकालमा देशका विभिन्न जेल/बन्दीगृहको भ्रमण गरेपछि भनेको थिएँ– नेपालमा धेरै जेलमा बस्नुपर्ने मान्छे सत्ताको कुर्सीमा वा घरमा बसेका छन्, अनि खुला रूपमा रहनुपर्ने मान्छे जेलमा छन् । त्यहीँ सोचका साथ आफू प्रम छँदा मैले जेलसुधार निम्ति तत्कालीन सांसद देवी खड्काको संयोजकत्वमा एउटा उच्चस्तरीय आयोग बनाएको थिएँ, जसको प्रतिवेदन अझै कार्यान्वयन हुनसकेको छैन । रत्नाकर बाल्मिकी बनेको हामी सबैले सुनेकै छौं । त्यसैले राजीव गुरूंगहरूले नयाँ जीवन र नयाँ भूमिका चाहन्छन् भने किन बन्चित गर्ने ? किन पूर्वाग्रह राख्ने ?"

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।