२२ करोडमा नहर सफाइ पछि समयमै पानी आयो

पश्चिम नवलपरासी । जिल्लामा रहेको नेपाली नहरमा पानी छाडिएको छ । हिउँदयाममा सुख्खा रहेको गण्डक नहरमा यस वर्ष सफाइ गरी धान रोपाइँका लागि पानी वितरण गरिएको हो ।

Advertisement

विगत वर्षका समयमा नहरमा पानी नआउँदा समस्यामा पर्दै आएका गण्डक क्षेत्रका किसानहरू यसवर्ष, वर्षपछि नहर सफा गरेर समयमै पानी छाडिएपछि खुशी भएका छन् ।

समान्य मर्मत सम्भार मात्र हुँदै आएको नहर जीर्ण भएको थियो । यस वर्ष संघीय सरकारको लगानीमा नेपाल गण्डक पश्चिम नहर सिचाई प्रणाली सेमरीले ४० वर्ष पछि २२ करोडको लागतमा नहर सफाइ गरेको जल उपभोक्ता समितिका अध्यक्ष हैदर अली मोमीनले जानकारी दिए।

३२ किलोमिटर लम्बाइ रहेको नहरमा ३ सय क्युसेक पानी छाडिएको छ । जसबाट पश्चिम नवलपरासीका ६ वटा स्थानीय तहका ४ हजार हेक्टर क्षेत्रफलमा सिचाँई सुविधा पुग्ने छ । नहर सफाइ र मर्मत सम्भारका लागि उपभोक्ता समितिले सरकारसँग एक अर्ब बढी बजेट माग गरेको थियो ।