बुटवल । रुपन्देहीमा अवैध ब्रोइलर कुखुरा ल्याउँदै गरेको मिनिट्रकसहित चालक पक्राउ परेका छन् । प्रहरीले मंगलबार राति करिब ३ बजे सिद्धार्थनगर नगरपालिका-८ मा लु १ ख ७७४२ नम्बरको मिनिट्रकमा अवैध रूपमा भारतबाट भन्सार छली चोरी पैठारी गरी नेपालतर्फ ल्याउदै गरेका ५६० ब्रोईलर कुखुरा बरामद गरेको हो ।

धादिङ जिल्लाको धादिङ नगरपालिका-८ का २१ वर्षीय सुरज कुमालले चलाई लिएको सो मिनिट्रकमा ५५८ जिउँदो ब्रोईलर कुखुरा र २ गोटा मरेका ब्रोईलर कुखुरा पक्राउ गरिएको जिल्ला प्रहरी कार्यालय रुपन्देहीले जनाएको छ । ब्रोईलर कुखुरा सहित उक्त कुखुरा ओसारपोसार गर्ने मिनिट्रक गरी १३ लाख ८ सय मूल्य बराबरको सामान बरामद भएको प्रहरीले जनाएको छ । कुखुरालाई भैरहवा पशु क्वारेन्टाईन चेक पोष्ट बेलहिया, मिनिट्रक र चालकलाई भैरहवा भन्सार कार्यालय बेलहिया पठाइएको छ ।