२० आश्विन २०७९, बिहीबार

Oct 6, 2022

आफ्नैलाई दोषी बनाई, निभ्यो मनको बत्ती
बिंत्याउनलाई आगो बाल्छु, भन्छौ र पो मर्छु
फाटेको यो कोमलमनलाई, टाल्छु भन्छौ र पो मर्छु

Advertisement

हिड्दा हिड्दै बिच बाटोमा, रोक्यौ किन गती
निर्दोषी हुन कदम मेरा, भन्छौ र पो मर्छु
फाटेको यो कोमल मनलाई, टाल्छु भन्छौ र पो मर्छु

चुनावका पर्चा रातमै, छाप्न सक्छु भन्छौ
परीक्षाको दिनसम्म किताव, नआउंदा पो मर्छु
फाटेको यो कोमल मनलाई, टाल्छु भन्छौ र पो मर्छु

फुटपाथमा लुगा बेच्दा, जरीवाना लाउंछौ
लुगा च्याती ईज्जत लुट्दा,अन्धो बन्छौं र पो मर्छु
फाटेको यो कोमल मनलाई, टाल्छु भन्छौ र पो मर्छु

चामल बेची उपचार खर्च, गर्नु पर्छ यहाँ
खाना पछि औषधी खाउ भन्छौ र पो मर्छु
फाटेको यो कोमल मनलाई, टाल्छु भन्छौ र पो मर्छु

मुल बाटोमा खाडल तर्काई, हिड्नु पर्छ यहां
सररर रेलमा लान्छु, भन्छौ र पो मर्छु
फाटेको यो कोमल मनलाई टाल्छु भन्छौ र पो मर्छु ।

उपचार गर्न नसक्ने भए, म व्यहोर्छु, भन्छौ
नसक्नेको प्रमाण खोज्दै, प्राण जान्छ र पो मर्छु
फाटेको यो कोमल मनलाई, टाल्छु भन्छौ र पो मर्छु ।

कोही हुन्नन भोका नाङ्गा, म रहुन्जेल भन्छौ
लाज छोप्न र पेट पाल्नलाई, देश छोड्दा पो मर्छु
फाटेको यो कोमल मनलाई, टाल्छु भन्छौ र पो मर्छु ।

बन्द भाका आंखा खोली, संसार हेर्ने मन छ
ज्योती चांहींदा, दुरबिन दिन्छु भन्छौ र पो मर्छु
फाटेको यो कोमल मनलाई, टाल्छु भन्छौ र पो मर्छु ।

खोला माथि पुल छैन, तुईनको भर पर्छु
जहाज चढाई पारी लान्छु, भन्छौ र पो मर्छु
फाटेको यो कोमल मनलाई, टाल्छु भन्छौ र पो मर्छु ।

दियो बाल्ने तेल सकिंदा, अंध्यारो भो घर
छिमेकीलाई बिधुत बेच्छु भन्छौ र पो मर्छु
फाटेको यो कोमल मनलाई, टाल्छु भन्छौ र पो मर्छु ।

जता हेर्यो पापी मन, ठूलो मान्ने धन
भ्रष्टाचारलाई निर्मुल पार्छु, भन्छौ र पो मर्छु
फाटेको यो कोमल मनलाई, टाल्छु भन्छौ र पो मर्छु ।

आमा मामा सबै उस्तै, एउटै संस्कार सिक्यौ
दुध बिना नै दही बनाउछु, भन्छौ र पो मर्छु
फाटेको यो कोमल मनलाई, टाल्छु भन्छौ र पो मर्छु ।

देशको मुहार फेर्छु भन्यौ, आफ्नै हेर्यौ एैना
तस्वीर उही एैना फेर्यौ, गल्ती सम्झिएर मर्छु
चिप्ला कुरा त्यसमै विश्वास, गर्छु र पो मर्छु ।
फाटेको यो कोमल मनलाई, टाल्छु भन्छौ र पो मर्छु ।

प्रतिकृया दिनुहोस्

Flash News

आज पनि टीका लगाइँदै आजको मौसम: सुदूरपश्चिम, कर्णाली, लुम्बिनी र गण्डकी प्रदेशमा धेरै वर्षा हुने सन्दीप लामिछाने आज बिहान १० बजे काठमाडौँ आइपुग्ने रुपन्देहीकी युवा नेतृ २१ वर्षीया झरना चौधरीको दुर्घटनामा मृत्यु गुल्मीको मुसीकोटस्थित दरबार कोटको मेला (तस्वीरमा ) राम बन्न डराएका थिए प्रभास दशैं मनाउन मामाघर हिँडेका अर्घाखाँचीका १० वर्षीय समिरलाई खोलाले बगायो इन्टरनेट जडान गर्ने क्रममा २४ वर्षीय निलमको मृत्यु जीपको ठक्करबाट श्रीमानको मृत्यु, श्रीमती घाइते नेपाल थाइल्यान्डसंग पराजित तीन वर्षपछि टीका लगाउन पाउँदा कैदीबन्दी खुसी राष्ट्रपतिले लगाइदिइन् सर्वसाधारणलाई टीका आधुनिक घट्टले खुड्खुडीमा फेरियाे दैनिकी मिसाइल प्रक्षेपण असफल भएकोमा दक्षिण कोरियाले माग्यो माफी हिमपहिरोमा परी चार जनाको मृत्यु जसपाका केन्द्रदेखि नगरसम्मका नेताले गरे सामुहिक राजीनामा मांसाहारीबाट शाकाहारी बनेका यी हुन् बलिउड अभिनेता-अभिनेत्री नातिनीको स्याहार पाउने १०१ वर्षीय भाग्यमानी बाजे ! मधेशमा महिला हिंसा : घटनाकाे ग्राफ बढे पनि उजुरी बढेन भगवती मन्दिरमा चढाइयो ६ सय ६९ राँगाको बलि