बुटवल । विश्वभरी महामारीको रुपमा फैलिएको कोरोना भाइरसका कारण लामो समयदेखि मानिसहरु घर भित्र बस्न बाध्य भएका छन् । नेपालमा पनि बाहिरी देशबाट आएका नागरिकलाई सरकारले अनिवार्य रुपमा १४ दिन क्वारेन्टिनमा बस्न आग्रह गरेको छ ।
तर अर्घाखाँचीमा भने एक व्यक्तिले घर परिवारले क्वारेन्टिनमा बस्नु पर्छ भन्दा घाँटी रेटी आत्महत्याको प्रयास गरेका छन् । जिल्लाको शितगंगा नगरपालिका–७ जुवाकोटका २८ वर्षीय नेत्रबहादुर पुलामीले क्वारेन्टिनमा बस्नु पर्छ भन्दा आबेगमा आई घाँटी रेटी आत्महत्याको प्रयास गरेको प्रदेश ५ प्रहरी कार्यालयले जनाएको छ ।
भारतको दिल्लीबाट घरमा आएका पुलामीलाई घर परिवारले क्वोन्टिनमा बस्न आग्रह गर्दा आइतबार बिहान तरकारी काट्ने चक्कुले आफ्नै घाँटीको अगाडीको भागमा रेटेका थिए । उनको अहिले लुम्बिनी प्रादेशिक अस्पताल बुटवलमा उपचार भईरहेको प्रहरीले जनाएको छ । उनको अवस्थामा सुधारन्मुख रहेको छ ।
युनिकोड
मिति रूपान्तरण
ग्लोबल आवाज
प्रतिक्रिया