ताजा अपडेट »

लायन्स क्लब भैरहवा ग्रीन सिटीमा पदीय जिम्मेवारी प्रदान

सोमबार, २९ भदौ २०७७, १९ : १०
14 Shares

भैरहवा । लायन्स क्लब अफ ३२५ बि २ अन्तर्गत रहेको लायन्स क्लब अफ भैरहवा ग्रीन सिटीले वर्ष २०२०/०२१ को लागि सदस्यहरुलाई पदीय जिम्मेवारी प्रदान गरेको छ । क्लबको प्रथम बोर्ड बैठक बस्नु अगावै जिम्मेवारी बाडँफाडँ गरेको भएपनि लायन्स क्लबका अगुवा नवराज न्यौपाने र नेत्रप्रसाद आचर्यको आतिथ्यता रहेको प्रथम बोर्ड बैठकले क्लबका सदस्यहरुलाई पीन वितरण गरेर बोर्डको जिम्मेवारी प्रदान गरेको हो ।

लायन्स क्लब अफ ३२५ बि २ अन्तर्गत रहेका क्लबमध्ये ५६ जना संस्थापक सदस्य रहेको भैरहवा ग्रीनसिटीको बर्ष २०२०/०२१ को बोर्डको अध्यक्षमा शिवनाथ गुप्ता, प्रथम उपाध्यक्षमा गोबिन्द प्रसाद गिरी, द्वितीय उपाध्यक्षमा नरेश के.सी, तृतीय उपाध्यक्षमा मनोज क्षेत्री, सचिवमा भिमबहादुर थापा, सहसचिवमा रोशन शर्मा, कोषाध्यक्षमा विनोद यादव तथा सह–कोषाध्यक्षमा कपिल चापागाई चयन भएका छन् । विभिन्न व्यक्तिहरुको नेतृत्वमा विभिन्न समिति चयन गरेको बैठकमा भैरहवा ग्रीनसिटीले बर्ष २०२०/०२१ को लागि बार्षिक कार्ययोजना समेत पारित गरेकोसचिव भिमबहादुर थापाले बताए ।

बैठकले बालरोग क्यान्सर सम्बन्धि कार्यक्रम, कोभिड–१९ को जनचेतना, कोभिड–१९ को विमा कार्यक्रम, खाद्यान्न वितरण तथा हंगर रिलीफ कार्यक्रम, वृक्षारोपण, नेतृत्व विकास तालिम, महिलाहरुको लागि सीपमूलक कार्यक्रम, रक्तदान, मधुमेह परीक्षण तथा शिविर सन्चालन, ध्यान तथा योगा, न्यानो कपडा वितरण, मेल्विन जोन्स दिवस, विहल चियर वितरण, मैत्रीपुर्ण खेलकुद जस्ता कार्यक्रम गर्ने योजना पारित गरेको छ ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।