२३ श्रावण २०७९, सोमबार

Aug 8, 2022


     
 
बुटवल । असार १८  गते राती दाङ्गको तुल्सीपुर उपहानगरपालिका वडा नम्वर– ५ स्थित  माइतीजनको घरमा आफूूले चाहेको  गीत बजाउँदै र फेसबुुकमा हात्महत्या गरेको लाइभ भिडियो खिच्दै ज्यान हालेकी २६ वर्षीया एलिसा गौतम (केसी )  को  शव शनिबार  ३ दिनपछि परिवारजनले उठाएका छन् ।  एलिसाका दाजु तुलबहादुर केसीले रोल्पाबाट आई बहिनीको शव बुझेको बताए ।

Advertisement

दर्दनाक त्यो दृश्यले कसको मन नछोला र ?
 यतिबेला सामाजिक सञ्जालमा एउटी युवतीले अन्तिम पटक यो दुनियाँमा मुहार देखाउँदै , माया प्रेमको स्वार्थी संसारसँग  अन्तिम  आँशुले बिलौना पोख्दै थिइन् । दुुई हातले यो दुनियासँग कान समात्दै र  दुई हात जोडेरै सदाका लागि बिदा माग्दै  गरेको भिडियोले साराले आँशु थाम्न सकिरहेका छैनन्  । त्यो दर्दनाक दृश्यका पछाडिको उनको पृष्ठभूमि सहित उनको  जीवनको नालीबेली खोज पस्कीदै छौं।

को हुन एलिसा ?

रोल्पा जिल्लाको गंगादेव गाउँपालिका वडा नम्वर–६ अर्चलेडाँडाका पिता बिरे खत्री र माता ट्युमली खत्रीको कोखबाट २०५१ सालमा एलिसा केसीको जन्म भएको थियो  ।  उनले  खत्री भएपनि माइतीको थर गोत्र गौतम भएका कारण नामका पछाडि गौतम जोडेर नागरिकता निकालेकी थिइन् । जन्मेको महिना र मिति  उनका दाजु तुलबहादुर केसीले समेत ख्याल गर्न नसकेको बताउँछन् ।  उनको नागरिकतामा भने  २०५२ साल  रहेको छ । उनी त्यस घरकी जेठी छोरी थिइन् ।  उनी सहित २ दिदी–बहिनी र ३ दाजु–भाई रहेका छन् ।

१६/१७ वर्षको उमेरदेखि प्रेम सम्बन्ध

उनका बाबु–आमा दाजु–भाई दिदी–बहिनी सबै जना भारतमा बस्दछन् । यता घरमा जेठा दाजु तुलबहादुर केसी मात्र बस्छन् ।  कक्षा ६/७ मा पढ्दाखेरी नै उनको घरबाट करिव ५ मिनेट दूूरीमा रहेका अमृतबहादुर ओलीसँग उनको गहिरो प्रेम सम्बन्ध रहन पुग्छ । उनैप्रति समर्पित भएकी उनले १६÷१७ वर्षे जिज्ञासुु उमेरदेखि   नयाँ संसारमा उनी रमाउन पुग्छिन् ।

नवदाम्पत्य जीवनको सुरुवात

अन्ततःउनीहरु बीच २०७० सालमा भागी बिवाह हुन्छ । जतिबेला उनी १९ वर्षकी थिइन् ।   उनीहरुले एउटी छोरीलाई जन्म दिन्छन् । बिवाहको ४ वर्ष पछि  २०७४ सालको असार महिनामा श्रीमान–श्रीमती बीच खट्पट चल्छ  र  सम्बन्ध बिच्छेद हुन्छ । त्यसपछि उनले त्यसको दोश्रो साउन महिनामा हालको वडा नम्वर–७ का देवे ओली भन्ने ब्यक्तिसँग पनि प्रेम बिवाह भएको दाजु केसी बताउँछन । संयोग उनी पहिलो श्रीमानसँग जुन असार महिनामा सम्बन्ध विच्छेद  गरेकी थिइन् सोही महिना मै यो संसारबाट आफैंले पनि सधैका लागि स्वस्फुर्त रुपमा सम्बन्ध विच्छेद गरेकी छन् ।

दोस्रो श्रीमानले पनि धोका दिन्छन् । उनले भारतमा दोस्रो बिवाह गरेर उतै बस्छन् । उनी दोस्रो पटक पनि गाउँ मै अलपत्र र बेसाहारा भएर बस्छिन्,भौतारिन्छिन्  । उनको काखको एक मात्र साहारा,पहिलो श्रीमानतर्फकी छोरी थिइन् । तर,उनलाई पनि बाबुले खोसेर लैजान्छन् ।

वितृष्णाको यात्रा सुरु

दुबैजना पुरुषहरुले धोका दिए पछि उनी माया प्रेम भन्ने चिजसँग वितृष्ण र विक्षिप्त हुन्छिन् ।  जे–जे थिए मनका इच्छा आकंक्षा र मृग तृष्णहरु उनका लागि तिता र नमिठा बन्न पुग्छन् । तै पनि बाँँच्नु त छ !  उनले जिजिभिषा खोज्छिन् ।  शाहस बटुृल्छिन् ।

विक्षिप्त र बेसाहारा बनेपछि बैदेशिक रोजगार

गाउँमा ऋण काढेर २०७४  सालमा बैदेशिक रोजगारीेका लागि मलेशिया उड्छिन । त्यहाँ उनी जुन सपना साँचेर पुगेकी थिइन्  बाँच्नका लागि अन्तिम आधार बनेको त्यहाँको बैदेशिक रोजगारले  पनि तीनै पुरुषहरुले झै उनलाई लात्तीले हान्छ । 
 
उनी आठ  नौ महिना पछि  २०७५ सालमा स्वदेश फर्केर काठमाण्डौंमा बस्ने गरेको  ईलाका प्रहरी कार्यालय तुलसीपुरका प्रमुख डिएसपी  शिव सिंहले जानकारी दिए । उनका अनुसार त्यसपछि उनी काठमाण्डौंमा बसेर काम गर्न थाल्छिन । लकडाउनको एक महिना पछि दाङ्ग आउँछिन र  माइतीको घरमा बस्न थाल्छिन् । लकडाउन भरि काठमाण्डौमा टिक्न उनलाई मुस्कील पर्यो । लकडाउनको एक महिना पछि उनी दाङ्ग आइपुग्छिन् र क्वारेन्टाइनमा  बस्छिन् ।  माइतको घरमा आउँछिन र   रोल्पा स्थित जेठो दाजु तुलबहादुर केसीलाई फोन गरेर सुनाउँछिन । दाजुले  त्यही घरको एउटा फलाटमा बस् भन्छन् ।

एक घण्टा अघि मात्र अन्तिम सम्झना

त्यहाँ बसुन्जेल उनी बिहान उठेर घुम्न जाने र साँझ घरमा आउने गर्छिन् । रातभरी विरहका गीत बजाउँदै सुन्छिन् । घरमा डेरा  गरेर बस्नेहरुले पनि सधैजसो अबेरसम्म कोठामा गीत बजाएर सुन्दै बसेकोले त्यस्तो कल्पना नै गर्न नसकिएको बताएको दाजु केसीको भनाई छ । उनले आत्महत्या गर्नको एक घण्टा अघि मात्र भारतमा रहेका कान्छा दाजुलाई फोन गरेर बाबु आमा र बहिनी दाजुहरुलाई  अन्तिम सम्झना ब्यक्त गरेर फोन काटेकी थिइन् ।

सपना बोकेर हिडिन् शव बनेर फर्किइन्

भाईले भन्दै थियो एक घण्टा अघि मात्र फोन गरेर सबैलाई  सम्झीएकी थिइन् । ‘एक घण्टा पछि त लाइभ भिडियोबाट आत्महत्या गरेको देखियो ।’ केसीले भने । उनी ३ वर्ष अघि बिदेश गई पैसा कमाउने सपना बोकरे रोल्पाबाट हिडेकी थिइन् । तीन वष सम्म घर नफर्केकी उनी शनिबार शव बनेर रोल्पा फर्किइन् । न कुनै पुरुषले साथ दियो न बैदेशिक रोजगारले । दुबै श्रीमान छोरीसँगको वियोग  र तनावले उनले यो दुनियाँलाई नै देखाएर आत्महत्या गरेको प्रहरी र परिवारजनको प्रारम्भिक अनुमान छ । आत्महत्याको कारण अझै खुली नसकेको डिएसपी सिंहले बताए ।  उनले आत्मा हत्या गर्नु अघि आफूू बसेको कोठा पनि चारैतिर नियाल्दै हेरेकी छन् ।

अन्तिम साससम्म पनि रहरको कपडा मै

त्यसपछि फर्केर आँशु झार्दै नजिकबाट मुहार देखाएर फर्केपछि चुङ्गिको पासो लगाउँदै पंखाको सिलिङ्गमा झुण्डिन थाल्छिन् । उनले अन्तिम पटक रातो र निकै राम्रा कपडाहरु लगाएकी छन् । बाचुञ्जेलको जीवनमा जस्तै  जिवनको अन्मित साससम्म पनि उनी फेशेनेवल भएरै देहत्याग गरेको देख्न सकिन्छ । पछिल्ला श्रीमान ओलीसँग वैधानिक रुपमा सम्बन्ध विच्छेद नभएकोले आउनुहोस् दाहसंस्कारका लागि भनेर बोलाएँ । तर, उनले ‘त्योसँग कुनै सम्बन्ध छैन म आउँदिन ।’ भनेर भनेको दाजु केसीले बताए ।

दोस्रो श्रीमती बिहे गरेपनि अन्तिम दाहसंस्कार दिन समेत दोस्रो श्रीमानले नमान्नु उनको दिवगंत आत्माले पनि पतिका रुपमा पुरुष उनका लागि अभिषाप बनेका छन् । जो–जो पुरुष उनको जीवनमा आए । ती सबैले उनको जवानीसँगै उनका सपनाहरु पनि चिथोर्दै छाडेर गए । उनले आत्माहत्या गरेको जानकारी बिदेशमा रहेका एक पुरुषले दिएको बताइन्छ । उनीसँग एलिसाको के सम्बन्ध थियो भन्ने बारे आफूहरु अनविज्ञ रहेको  दाजु केसी बताउँछन ।

प्रतिकृया दिनुहोस्

Flash News

ज्ञानेन्द्र शाही जुम्लाबाट चुनाव लड्ने इजरायलद्वारा गाजा युद्धविरामको प्रस्ताव स्वीकार भूमि आयोगः सम्झौतामा स्थानीय तहहरुको वेवास्ता, भूमिहीनहरु निराश सत्ता गठबन्धनलाई सिट बाँडफाँट मिलाउन कति सहज? गरिब किन गरिब भए ! पुरानो सुनलाई टल्काउछौँ भन्दै ठगी गर्ने दुई भारतीय नागरिक पक्राउ सिट बाँडफाँटबारे छलफल गर्न सत्ता गठबन्धनको कार्यदलको बैठक बस्दै कर्णालीका चार ठाउँमा नयाँ सहर, पूर्वाधारको काम छैन सन्तोषजनक नेपालीहरूलाई पनि भारतीय सेनाको अग्निपथ भर्ना गर्ने योजना कोभिडका कारण चीनको हवाइमा ८० हजार पर्यटक फसे कमजोर बन्दै मनसुनी प्रभाव मोटरसाइकलबाट खसेर महिलाको मृत्यु करेन्ट लागेर २५ वर्षीया प्रशानाको मृत्यु पोखरा क्षेत्रीय अन्तर्राष्ट्रिय विमानस्थल पुसदेखि सञ्चालनमा आउने महजोडीको फिल्म ‘महापुरुष’को प्रदर्शन कात्तिकमा आगो लगाएर ज्वाइँद्वारा सासु र श्रीमतीको हत्या प्रयास बुटवलमा लेडी जेसीज सप्ताह २०२२ सुरु अन्तरछिमेक पार्टीगत सम्बन्ध जन्मदिनको अवसरमा पाण्डेले सुरु गरिन् विद्यालयमा खाजा कार्यक्रम, रोटरी क्लबले निरन्तरता दिने बुटवलमा बालबालिका लक्षित कोभिड विरुद्धको दोस्रो मात्रा खोप