ताजा अपडेट »

भैरहवा भन्सारको राजस्व असुली लक्ष्य प्रभावित

सोमबार, १९ फागुन २०७६, १७ : ०८
20 Shares
सोमबार, १९ फागुन २०७६
20 Shares

भैरहवा । फलामे छड बनाउन आवश्यक कच्चा पदार्थ ‘एमएस बिलेट’ आयातमा कमी आएको छ। बजारमा माग घट्दा उद्योगहरूले उत्पादनको परिमाण घटाएका छन्, जसको असर आयातमा परेको हो।

बिलेटको आयात घट्दा भैरहवा भंसार  कार्यालयको राजस्व संकलन पनि प्रभावित भएको छ । भन्सार कार्यालयका अनुसार चालु आर्थिक वर्ष ०७६/७७ को पुस महिनासम्म नौ हजार ८४१ मेट्रिक टन बिलेड आयात भएको छ । गत आवको सोही अवधिमा २९ हजार ९०३ मेट्रिक टन आयात भएको थियो । २० हजार ६१ मेट्रिक टन कच्चापदार्थको आयातमा कमी आएको प्रमुख भन्सार अधिकृत कमलकुमार भट्टराईले बताए। कच्चा पदार्थ आयातमा कमी आउँदा राजस्व असुली पनि घटेको छ । गत वर्षको पुससम्म दुई अर्ब २० करोड ४८ लाख ९२ हजार राजस्व असुली भएको थियो। चालु आवको पुस सम्ममा ९५ करोड ९७ लाख २२ हजार मात्र असुली भएको छ।

सो अवधिमा उठेको राजस्वमा एक अर्ब २४ करोड ५१ लाख ७० हजार कमी भएको भन्सार अधिकृत गोपाल शर्माले जानकारी दिए ।पञ्चकन्या, लक्ष्मी, काठमाडौं, एसआर र एभरेष्ट रोलिङ जस्ता ठूला छड उद्योगले यो भन्सार हुँदै भारतबाट कच्चा पदार्थ ल्याउने गरेका छन्।  

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।