प्रेम सुनारAdvertisement
गुल्मी । अध्ययनका लागि इजरायल पुगेका गुल्मीका ५ विद्यार्थीसहित २५४ जना नेपाली विहिबार राती स्वदेश फर्किएका छन् । टिकापुर स्थित सुदूरपश्चिम विश्वविद्यालय, कृषिविज्ञान सङ्कायको अध्यानका क्रममा इजरायल पुगेका ४९ जना विद्यार्थी मध्ये ५ जना गुल्मीका थिए । उनिहरु सबै बिहिवार राती नेपाल बायुसेवा निगमको बिमानमा रोजगारका लागि पुगेका अन्य नेपालीसहित गरी २५४ जना नेपाल फर्किएका हुन् ।
स्वदेश फिर्ता हुनेमा गुल्मी रेसुङ्गा नगरपालिका-२ की मनिषा खनाल, छत्रकोट गाउँपालिका–१ हुँगाका विशाल भण्डारी, सोही गाउँपालिका वडा नम्बर ६ दौघाकी (हाल रुपन्देही तिलोत्तमा–१६ मधौलीया जुडा) ममता सिंजाली, कालीगण्डकी गाउँपालिका–२ अर्बेनी घर भई हाल रुपन्देही मणिग्रामका राजन न्यौपाने र कालीगण्डकी गाउँपालिका–६ खड्ककोटका मिलन ढकाल स्वदेश फर्किएका हुन् ।
कालिगण्डकी–२ अर्बेनिका बाबुराम न्यौपाने अस्पतालको कामदर भिषामा डेढ महिनाअघि इजरायल उडेका थिए । उनी भने यसपाली फर्किएका छैनन् । आफ्ना छोरोछोरी घर फर्किएपछि परिवारले खुशी व्यक्त गरेका छन् ।
अध्ययनका लागि गएका विद्यार्थी मध्ये १० जनाले इजरायलमा हमास हमलाबाट ज्यान गुमाएका छन् । ६ जना घाइते भएका छन् । घाइते मध्ये टिकापुरका धनबहादुर चौधरी लगायत फर्किएका छ्न । दुई जना उपचार गराई रहेको परराष्ट्रमन्त्री एनपी साउदले जानकारी दिएका छ्न ।
प्रतिकृया दिनुहोस्