ग्लोबल आवाजAdvertisement
काठमाडौं । नेपालको एकमत्र सरकारी स्वामित्वको दूरसञ्चार कम्पनी नेपाल टेलिकमले दशैं तिहारको उपलक्ष्यमा एफटीटीएच प्रविधिमा आधारित सेवामा प्रोमोसनल अफरु ल्याएको छ ।
बिहीवारदेखि सुरु हुने यो अफर अन्तर्गत एनटी फाइबर सेवाको प्याकेजमा कम्पनीले हाल उपलब्ध गराउँदै आएको स्पीडमा २५० प्रतिशतले ब्यान्डविथ बढाईदिने भएको छ । यस अन्तर्गत एनटी फाइबर सेवालाई थप आकर्षक बनाउन हाल उपलब्ध गराउँदै आएको स्पिडलाई २५० प्रतिशतसम्म पुग्नेगरी व्याण्डविथमा बढोत्तरी गरिने टेलिकमले जनाएको हो ।
हाल यस अफरमा १० एमबीपीएस गतिको इन्टरनेट प्रयोग गरिरहेका सेवाग्राहीले सोही मूल्यमै २५ एमबीपीएस गति पाउनेछन् । त्यस्तै २० वा ३० एमबीपीएस गतिको इन्टरनेट चलाइरहेका सेवाग्राहीले सोही मूल्यमा ५० एमबीपीएसको सेवा प्रयोग गर्न पाउनेछन् ।
येस्तैगरी ४० एमबीपीएस गतिको सुविधा प्रयोग गरिरहेका ग्राहकले सोही मूल्यमा १०० एमबीपीएसको सेवा पाउनेछन् । टेलिकमका अनुसार हाल ८० एमबीपीएस सेवा लिइरहेका सेवाग्राहीलाई पनि पुरानै दरमा १५० एमबीपीएस गतिको सेवा उपलब्ध हुनेछ । हाल उपलब्ध हुँदै आएको फेयर युजेज पोलिसी लिमिटलाई समेत बढोत्तरी गरिएको टेलिकमले जनाएको छ । हाल ३० एमबीपीएस र सो भन्दा माथिको एक वर्षको प्याकेज लिँदा दैनिक ३०० एमबी डेटा सेवाको सुविधा पनि उपलब्ध हुनेछ ।
यो सेवा उपयोग गर्नका लागि एनटी फाइबर सेवा लिँदा उपलब्ध गराइएको टेलिकमको मोबाइल नम्बरबाट *१४१६# डायल गर्नुपर्ने टेलिकमले जनाएको छ ।
प्रतिकृया दिनुहोस्