ताजा अपडेट »

गैह्री गाउँमा ४ जनाको हत्या प्रकरण : पक्राउ परेका आरोपित बोल्न नसक्ने

आइतबार, ३१ भदौ २०८०, १८ : १९
26 Shares

काठमाडौं । काठमाडौँ महानगरपालिका–३२ तीनकुनेस्थित गैह्रीगाउँमा भएको सामूहिक हत्याकाण्डका आरोपी बोल्न नसक्ने एक युवा रहेका छन् । आफूले चार जनाको हत्या गरेको उनले स्वीकार गरेका छन् । घटनास्थलको सिसिटिभी फुटेजको आधारमा प्रहरीले सिन्धुपाल्चोक घर भएका सञ्जय भण्डारीलाई पक्राउ गरेको हो ।

अन्दाजी २२–२३ वर्षका भण्डारी बोल्न नसक्ने रहेको र उनलाई भाषा विज्ञको सहयोगमा सोधपुछ गरिएको प्रहरीले जानकारी दिएको छ । सोधपुछका क्रममा उनले ‘चार जनाको हत्या गरेको’ स्वीकार गरेको प्रहरीको भनाई छ । हत्या गरिएको घटनाको अनुसन्धान गर्न प्रहरी वरिष्ठ उपरीक्षक सोमेन्द्र सिंह राठौरको नेतृत्वमा पाँच सदस्यीय समिति गठन गरिएको थियो ।

तीनकुनेस्थित दिव्य सःमिल भित्र काठले बनेको एक तले जस्ताको टहरोमा धारिलो हतियार प्रहार भएको अवस्थामा दुई पुरुष र दुई महिलाको शव फेला परेको थियो ।

हत्या भएकामा दोलखा घर भई हाल सोही काष्ठ मिलमा गेटपालेको काम गर्ने वर्ष अन्दाजी ५६ का कुमार भुजेल, उनकी श्रीमती वर्ष अन्दाजी ५२ की अम्बिका भुजेल, कुमारकी आमा वर्ष ७६ की शुभद्रा भुजेल र मोरङ बेलबारी स्थायी घर भएका अन्दाजी २० वर्षका नवीन राई रहेका छन् । उनीहरुको टाउको तथा शरीरका विभिन्न भागमा धारिलो हतियारको चोट लागेको पाइएको थियो ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।