१५ मंसिर २०८०, शुक्रबार

Dec 1, 2023

दाङ । दाङको घोराही उपमहानगरपालिका १४ मा लोकेन्द्र रोका मगरले ७ वर्षसम्म कतारमा सडक सजाउने काम गरे । रोल्पा सुनछहरी-७ जेलवाङ उनी ९ वर्षयता दाङको घोराहीमा फूलखेती गर्दै आएका छन् । घोराही उपमहानगरपालिका–१४ लोहासुर र वडा१७ नम्बर को सुनडवरीमा पुष्पखेती गर्दै आएका लोकेन्द्रले फूलाएका बिभिन्न प्रजातिका फूलसँगै फूलका विरुवाहरु विक्री गरेर मासिक लाख बढी आम्दानी गर्दै आएका छन् । अन्य जिल्लाबाट फूल आयात गर्नुपर्ने बाध्यताको अन्त्य गर्ने उद्देश्यसहित २०७१ सालमा १ कट्ठा जग्गाबाट उनले फूलखेती सुरु गरेका हुन् । हाल दुई विगाह बढी क्षेत्रमा व्यवसाय गर्दै आएको उनी बताउँछन् ।

Advertisement

सफल फूलखेती व्यवसायीका रुपमा परिचित लोकेन्द्रले भन्छन्, ‘लामो समय विदेश बसेर फर्किएपछि स्वदेशमै केही नयाँ व्यवसाय के गर्ने सोच बनाए तर हातमा कुनै सीप थिएन । त्यही भएर पहिलो वर्ष १ कट्ठा जमिन भाडामा लिएर सयपत्री फूल खेती सुरु गरेको थिए । पहिलो वर्षमै राम्रो आम्दानी भएपछि फूल व्यवसायलाई बढाउँदै यहाँसम्म आइपुगेको छु, अहिले राम्रै भइरहेको छ ।’

जलजला पुष्प खेतीका नाममा व्यवसायीक फम दर्ता गरी पूmल खेती गर्दै आएका लोकेन्द्रले १ सय ५० प्रजातिका फूलखेती गर्दै आएको बताए । उनले भने ‘फूलको उत्पादन, बजार र मुनाफा राम्रो हुने भएपछि व्यवसायलाई बढाउँदै लगेको छु । अहिले घोराहीमा हुने प्राय कार्यक्रमहरुसँगै घर,अफिस मठमन्दिर, पार्कलगायतका ठाउँहरुमा पूmलसँगै विरुवाहरु जाने भएकाले राम्रै आम्दानी भइरहेको छ ।’

जिल्लामा हुने विवाह, उत्सवदेखि राजनीतिक दलका सभासमारोहका लागि आवश्यक पर्ने फूल पु¥याउँदा विक्रीमा समस्या नभएको उनको बताए । उनले भने ‘पूmलसँगै विरुवाहरुको जिल्लामा राम्रो विक्री हुने गरेको छ । कहिलेकाही जिल्लाबाहिरबाट पनि विरुवाहरु किन्नका लागि आउने गर्नुहुन्छ ।’ उनका अनुसार नर्सरीमा विरुवाहरु लिन दैनिक २५ देखि ३५ जनासम्म मानिसहरु आउने गरेको बताए । नर्सरीबाट न्यूनतम ३५ रुपैयादेखि १७ सय मुल्य पर्ने विभिन्न १ सय ५० जातका फूलका बिरुवाहरु उत्पादन र बिक्री गर्दै आएका छन् ।

जिल्लामा अन्य समयभन्दा तिहारको समयमा सयपत्री फूलको माग बढी हुने गरेको उनले बताए । त्यसैलाई मध्यनजर गरेर लोकेन्द्रले करिव डेढ विगाह क्षेत्रफलमा कर्मा त्रिपल फाइभ, कलकतियाजातका सयपत्री फूलको खेती समेत गर्दै आएका छन् । आफ्नै गाँउठाँउमा केही गर्छु भन्ने परिश्रमीका लागि थोरै लगानीबाट पनि व्यवसाय गर्न र राम्रो आम्दानी लिन सकिन्छ भन्दै लोकेन्द्रले भने ‘विदेशमा काम सडक कालोपत्रे गर्ने भएपनि कमाई राम्रै थियो । अर्काको ठाउँमा काम गर्नुभन्दा आफ्नै ठाउँमा केही गरौ भनेर नयाँ व्यवसाय गर्दा राम्रो आम्दानीसँगै विदेशको कमाइलाई विर्साउने काम गरेको छ ।’

विदेशबाट फर्किएर उद्यम जोडिनुभएका लोकेन्द्रले घोराही उपमहानगरपालिका, कृषि ज्ञान केन्द्र दाङ र लुम्बिनी प्रदेश सरकारबाट ३ पटक गरेर करिव ७ लाख रुपैयाँ अनुदान समेत प्राप्त गरेको बताए । विदेशको बसाइलाई छोडेर फुलखेती गरेका लोकेन्द्रले पूmलखेतीका लागि भाडामा ल्याएका जग्गाको बार्षिक ९० हजार भाडा तिर्ने गरेका छन् ।

प्रतिकृया दिनुहोस्

Flash News

विश्वकप लिग-२ : नेपालले नेदरल्याण्ड्स र नामिबियासँग खेल्ने राष्ट्रियसभा निर्वाचनको कार्यतालिका सार्वजनिक युद्दबिराम लगत्तै गाजामा इजरायली हमला, अहिलेसम्म २१ काे मृत्यु जनमत पार्टीको वडा अधिवेशन आजबाट सुरू, प्रदेश अधिवेसन बैशाखमा शिवम् होल्डिङ्सले आईपिओ निष्कासन गर्ने जाजरकोट भूकम्प : अस्थायी आवासको पहिलो किस्ता वितरण प्रारम्भ हमास र इजरायलबीच युद्ध सुरु, युद्धविराम सम्झौता समाप्त जनप्रतिनिधिहरुको विवादका कारण गाउँसभा भएन मङ्सिरमा बिहेका ६ वटा लगन बाँकी आयल निगममा ३१ पदका लागि नयाँ कर्मचारीको माग सेलरोटी पकाउँदा इराकमा सांसदका आफन्त सवार गाडीमा बम आक्रमण, १० को मृत्यु पूर्व गृहमन्त्री खाँण थुनामुक्त हुने नहुने बारे आज फैसला हुँदै केपी ओली टी-२० को फाइनल आज मधेस प्रदेश र आर्मी भिड्दै नेपालमा लगानी गर्न प्रधानमन्त्रीको आग्रह आज ३६औँ विश्व एड्स दिवस युवाहरु मिलेर बुटवलमा खोले ३ करोड लगानीमा ग्याष्ट्रो सेन्टर आजबाट बागमती प्रदेश महिला क्रिकेटको तयारी सुरू लुम्बिनीमा छाडा चौपायाको व्यवस्थापन गर्न कोष र नगरपालिकाविच सहकार्य बौद्व शिक्षाबाट विश्वमा शान्ति फैलाउन सकिन्छ : प्रदेश प्रमुख शेरचन