सरकारको भ्रष्टचार बिरुद्धको अभियानमा जनसमर्थनका लागि बृहत नागरिक हस्ताक्षर अभियान

गुल्मी । प्रचण्ड नेतृत्वको सरकारले भ्रष्टचार बिरुद्धको अभियानलाई तीब्र पार्दै गएपछि जनस्तरबाट जनसमर्थन जुटन थालेको छ । जनसमर्थनलाई थप ब्यापक बनाउने माओवादी केन्द्रसहित सत्तारुढ दलका कार्यकर्ताहरुले पनि विभिन्न कार्यक्रमहरु अगाडी गरेका छन् ।

यहि क्रममा नेकपा माओवादी केन्द्रको विद्यार्थी संगठन अखिल ( क्रान्तिकारी ) गुल्मी जिल्ला संगठनले पनि शुक्रबार सरकारको भ्रष्टचार बिरुद्धको अभियानमा जनसमर्थनका लागि बृहत नागरिक हस्ताक्षर अभियान शुक्रबारदेखि छेडेको छ ।

सदरमुकाम तम्घास स्थित जिल्ला प्रशासन अगाडी अखिल क्रान्तिकारीका कार्यकर्ताले आयोजना गरेको हस्ताक्षर अभियानमा सबै राजनैतिक दलमा आश्था राख्ने किशोर किशोरीदेखि बृद्ध बृद्धा , गरिवदेखि सम्पन्नसम्म र सामन्य साक्षरदेखि पुर्व प्राध्यापकद्वय शशि पन्थी, दीन पन्थी सम्मले सरकारको भ्रष्टचार बिरुद्धको अभियानलाई स्वागत गर्दै हस्ताक्षर गरेका थिए ।

सरकारले भ्रष्टचार बिरुद्धको सुरुवात स्वागत योग्य गरेको छ , तर यसरी नै अगाडी बढेर भ्रष्टचारको जरो सम्म पुग्न सक्छ कि सक्दैनन ? भन्ने कुरामा भने शंकै छ ।’ पन्थीले भने ।

हस्ताक्षर पछि नेकपा एमाले पार्टीमा आस्था राख्ने तम्घासका ब्यवसायी जनक पन्थले भ्रष्टाचार बिरुद्ध सबै पक्ष अझ जोडले लाग्नु् पर्नेम जोड दिए । तम्घासको फ्टपाथमा सामन्य ब्यवसाय गरेर बसेका धुर्कोटका ७४ वर्षीय बृृद्धले भने पहिला पहिला पहिलाका सरकारले भ्रष्टभचार बिरुद्ध कदम चाल्छौ त भन्थे र अलिअली समाते जस्तो त गर्थे तर बिच मै रोकिन्थे, अहिलेको सरकारले पनि नरोक्किन धमाधम भ्रष्टचारीहरु समातेको छ , अझै समात्नु पर्छ । कार्यक्रममा अखिल क्रान्तिकारीका जिल्ला अध्यक्ष राजन घिमिरेले भ्रष्टचार बिरुद्धको वर्तमान सरकारको अभियानलाई गाउँ गाउँ टोलसम्म पुराउन आफुहरु जुटेको बताए । त्यस्तै सो संगठनका केन्द्रिय सदस्य तथा जिल्ला ईन्चार्ज भरत चन्दले सबै पार्टीका विद्यार्थीहरु भ्रष्चार बिरुद्धको यो महाअभियानमा एक ढिका भएर सरकारलाई साथ दिनु पर्ने बताए ।

सो संगनको माउपार्टी माओवादी केन्द्र गुल्मीका सचिव अशोक थापाले अखिल क्रान्तिकारीको विध्याथीहरु र वाईसियलका युवाहरु योजनाबद्ध रुपमा स्थानीय स्तरमा हुने अनियमित्ता र अन्य वेतिथी बिरुद्ध जुटेको र अहिले छानविनकै क्रममा रहेको बताउँदै संगठानिक काार्वहीको तयारीमा समेत रहेको बताए ।

सुशासन प्रचण्ड सरकारको सरोकार, भ्रष्टार बिरुद्ध नागरिक हस्ताक्षर ’ भन्ने मु्ल नाराका साथ नागरिक हस्ताक्षर सहित सहायक प्रमुख जिल्ला अधिकारी हरिप्रसाद गैरे मार्फत प्रधानमन्त्री प्रचण्डलाई भ्रष्टचार बिरुद्धको अभियानबाट कुनै पनि हालतमा पछाडी नहडन अखिल क्रान्तिकारीले ज्ञापनपत्र पठाएको छ ।