ताजा अपडेट »

पाल्पा लैजाँदै गरेको एक ट्रक अवैध मल बरामद

शनिबार, २७ जेठ २०८०, ११ : २१
2 Shares

बुटवल । पाल्पाको रम्भा गाउँपालिका–१ हुँगी कालिगण्डकी करिडोर खण्डमा प्रहरीले अवैध मल बरामद गरेको छ । प्रहरी चौकी हुँगीले चेकजाँच गर्ने क्रममा एक ट्रक अवैधमलसहित चालकलाई समेत नियन्त्रणमा लिएको छ ।

जिल्ला प्रहरी कार्यालय पाल्पाले दिएको जानकारी अनुसार नवलपरासीबाट पाल्पातर्फ लैजाँदै गरेको लु २ ख ३८१ नम्बरको ट्रकमा ३७२ बोरा अवैध मल बरामद गरिएको हो । २ लाख ९७ हजार ६ सय मूल्य बराबरको उक्त मल ओसारपसार गरिरहेको ट्रकमा जनउर्बर भारत परियोजना युरिया नाम मल बरामद गरिएको हो । आवश्यक अनुसन्धानका लागि भन्सार कार्यालय पठाउने तयारी रहेको प्रहरीले जनाएको छ ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।