परासी । अस्पताल बनाउने जग्गामा व्यक्तिले अतिक्रमण गरी बनाएको संरचना सरावल गाउँपालिकाले डोजर लगाएर भत्काइदिएको छ । सरावल गाउँपालिकाको वडा नं. ५ धनगडवामा १५ सैयाको अस्पताल निमार्णको योजना बनेको छ ।
योजना बमोजिम गत बर्ष नै तारबार गरिएको हो । अस्पताल निमार्णकोलागि जग्गा संरक्षण गर्ने काम गाउँपालिका आफैले गरिरहेको छ । वडा नं. ५ को धनगढवामा १५ शैया अस्पतालकालागि २ विगाहा ६ कठ्ठा जग्गा गाउँ कार्यपालिकाको बैठकले नै छुट्याएको हो । अस्पताल बनाउनको लागि छुट्याइएको जग्गामा व्यक्तिले अतिक्रमण गरि घर बनाएर बसेकोमा गाउँपालिकाले जग्गा छाड्न पटक पटक सूचना जारी गरे पनि छाड्न आनाकानी गरेपछि पालिकाले डोजर लगाएर संरचना भत्काएको सरावल गाउँपालिकाका अध्यक्ष सुखाडिप्रसाद चौधरीले जानकारी दिए । अध्यक्ष चौधरीका अनुसार सम्बन्धीत व्यक्तिलाई पटक पटक सूचना र जानकारी दिंदासमेत अटेरी गरेकाले शुक्रबार प्रशासनको रोहवरमा डोजर लगाइ हटाइको बताए ।
जग्गा अतिक्रमण गरेर बसेका ३ वटा घर परिवार मध्ये नरेश कहाँर र बैजनाथ कहाँरले अटेरी गरेपछि डोजर नै चलाउनु परेको सरावल गाउँपालिका वडा नं. ५ का अध्यक्ष लक्ष्मणप्रसाद चौधरीले बताए । उहाँका अनुसार कहाँरलाई पटक पटक सूचना गरिएको तर नमानेपछि बल प्रयोग गर्नु परेको समेत बताए । अतिक्रण गरेर बसेका व्यक्तिको अन्यत्र आफ्नो घर जग्गा हुँँदा पनि अस्पताल निर्माण गर्ने जग्गामा घर बनाएर बसेको अध्यक्ष चौधरीले बताएका छन् ।
युनिकोड
मिति रूपान्तरण
बेनी माधव बस्याल
प्रतिक्रिया