गुल्मी । आर्थिक वर्ष २०८०/०८१ का लागि विभिन्न शिर्षकको अनुदान बजेटमध्ये गुल्मीका १० वटा गाउँपालिहरुमा धुर्कोट अहिले पनि बढी बजेट पाउने गाउँपालिकामा बनेको छ । सोमबार अर्थमन्त्री डा. प्रकाशशरण महतले प्रस्तुत गरेकोबजेटमा स्थानीयतहलाई छुट्टाइएको बजेट बिवरण हेर्दा धुर्कोट जिल्लामै बढी बजेट पाउनेमा परेको हो।
कार्य सम्पादन मुल्यांकनमा हरेक वर्ष अगाडि रहँदै आएको धुर्कोटले ४० करोड २६ लाख अनुदान बजेट पाएको छ । दोस्रो ठूलो बजेट सत्यवती गाउँपालिकामा ४० करोड ३ लाख परेकोछ । गाउँपालिकाहरुमा सबै भन्दा कम फेरि पनि इस्मा गाउँपालिका मै परेको छ। उसलाई जम्मा ३२ करोड ४ लाख बजेट अनुदान प्राप्त भएको हो । गत आर्थिक वर्षमा पनि संघबाट कम बजेट परेको गुनासो इस्मा गाउँपालिका प्रमुख भगतसिंह खड्काले गरेका थिए ।
दुई नगरपालिका मध्ये मुसिकोट नगरपालिका अगाडि छ । उसले ४७ करोड ५६ लाख बजेट पाउँदा सदरमुकामको रेसुङ्गा नगरपालिकाले भने मुसिकोटभन्दा झन्डै ८ करोड कमि अर्थात ३९ करोड ६५ लाख बजेट पाएकोछ ।
त्यस्तै रुरुक्षेत्रले ३६ करोड ३६ लाख, छत्रकोटले ३९ करोड ३८ लाख, गुल्मीदरवारले ३२ करोड २१ लाख, मदानेले ३३ करोड ६३ लाख र मालिकाले ३८ करोड ४२ लाख विभिन्न शिर्षकको अनुदान र सशर्त बजेट पाएको छ ।
कार्य सम्पादन मुल्यांकनका अलवा जनसंख्याका आधारमा पनि स्थानीय तहमा बजेट बिनियोजन हुने धुर्कोट गाउँपालिका प्रमुख भुपाल पोखरेलको भनाइ छ।
युनिकोड
मिति रूपान्तरण
ग्लोबल आवाज
प्रतिक्रिया