बुटवल । रुपन्देहीको भैरहवामा केन्द्रीय कार्यालय सहित बुटवल, कपिलवस्तु जिल्लाको जितपुर र चन्द्रौटामा सेवा शाखा कार्यालय रहेको मन्जुश्री बहुउदेश्यीय सहकारी संस्था दोस्रो वार्षिक साधारणसभाले खिमराज भण्डारीको अध्यक्षतामा नयाँ नेतृत्व चयन गरेको छ । नयाँ गठन भएको सञ्चालक समितिको उपाध्यक्षमा कल्पना अधिकारी, सचिवमा भेषराज वस्ती र कोषाध्यक्षमा युवराज पन्थी चयन भएका छन् ।

सदस्यहरुमा प्रीती शर्मा र मोह्मद रहिस मियाँ र मन्जु बस्याल चयन भएका छन् । कृष्ण घिमिरेको संयोजकत्वमा गठन भएको लेखा समिति सदस्यमा यमलाल पाण्डे र रन्जना खड्का घिमिरे चयन भएका छन् । साधारण सभामा बोल्दै लुम्बिनी प्रदेको मुख्यमन्त्री तथा मन्त्री परिषद् कार्यालयका कानून सचिव राजेन्द्र थापाले सहकारीका विचमा सदस्यता शुद्धिकारण जरुरी रहेको बताए । उनले विभिन्न सहकारीको कारण अहिले सिंगो सहकारी नै बदनाम हुने अवस्था आएको भन्दै यो सहकारीले आर्थिक सुसासनको अधिकतम प्रयोग गर्ने अपेक्षा व्यक्त गरे । सहकारी सुरुवात गरेको पहिलो बर्षमा नै सहकारीले गरेको कार्य राम्रो रहे्को भन्दै उनले सहकारीको मुखय विम्बको रुपमा रहेको साधारणसभाले विशेष छलफल तथा महत्पूर्ण निर्णय गर्ने बताएका थिए ।

राष्ट्रिय सहकारी बैंक भैरहवाका शाखा प्रमुख आलोक सिवाकोटीले सहकारीले गर्ने आधारभूत सर्वमान्य सिद्धान्तलाई जहिले पनि पूर्णरुपमा पालन गर्नुपर्ने बताएका थिए । उनले सहकारीको सिद्धान्नको पूर्ण पालना गर्दै मुल्य र मान्यताको आत्मसाथ गर्दै जानुको विकल्प नभएको बताए ।
कार्यक्रममा हिालय एभरेष्ट ईन्स्योरेन्सका कृष्ण घिमिरे, लुम्बिनी जव लिंकका सञ्चालक रामचन्द्र अर्याल, लगायतले आ आफ्नो भनाई राखेका थिए । कार्यक्रममा उत्कृष्ठ शेयर सदस्य, ऋणी तथा बचतकर्ताहरुलाई सम्मान गरिएको थियो ।