उपनिर्वाचन :दाङमा नेकपाकी बिमला ओली बिजयी

मंसिर १६,

सुमन के.सी./ग्लोबल आवाज

दाङ । दाङ क्षेत्र न ३ (ख)मा नेकपाकी उम्मेदवार बिमला कुमारी खत्री ओली बिजयी भएकी छिन । उनले नेपाली कांग्रेसका उम्मेदवार केशवराज शर्मा आचार्यलाई ५ हजार १ सय ४ मतले पराजित गर्दै प्रदेश सभा सदस्यमा बिजयी भएकी हुन ।विमला कुमारी खत्री ओलीले २४ हजार २ सय ८६ मत ल्याएर प्रदेश सभा सदस्यमा बिजयी भएकी हुन । उनका प्रतिद्वन्दी नेपाली कांग्रेसका उम्मेदवार केशबराज शर्मा आचार्यले १९ हजार एक सय ८२ मत ल्याएर पराजित भएका छ्न ।

ओली स्वर्गीय प्रदेश सभा सदस्य उत्तरकुमार ओलीकी पत्नी हुन । आइतबार राती १२ बजे मतगणना सकिएको थियो । राप्रपाका भुपाल रावतले २ सय २५,राप्रपा संयुक्त छोटीलाल थारुले १सय ३८, नेकपा मालेका हरिप्रसाद डांगीले १ एक सय ३ ,साझा पार्टीका शिवकुमार चौधरीले २ सय ६६, नेमकिपाका सुरेश परियारले १५, जनमुक्ति पार्टीका धनराज स्वर्नकारले ११, मङ्गोल नेशनल पार्टीका घनश्याम चौधरी ९०,लोकतान्त्रिक पार्टीका झरेन्द्रबहादुर खत्रीले २६ मत प्राप्त गरेका छन भने कांग्रेस बिपी पार्टीका दिपक कुमार धितालले २ मत प्राप्त गरेका छन । स्वतन्त्र उम्मेदवार गोबिन्द केसी २ र अर्का स्वतन्त्र उम्मेदवार टीकाराम आचार्यले ४ मत प्राप्त गरेका छ्न ।उननिर्वचनमा ४५ हजार ७ सय १८ मत खसेको छ । जसमा ७ सय ९७ मत बदर भएको थियो ।