२३ श्रावण २०७९, सोमबार

Aug 8, 2022


सागरप्रताप राणा रुपन्देहीका पुराना नेता मध्येका एक हुन् । राप्रपाका रुपन्देही अध्यक्ष समेत रहेका राणा अहिले सिद्धार्थनगर नगरपालिकाको प्रमुखका लागि चुनावी मैदानमा रहेका छन् । राणा तिनै व्यक्ति हुन् जो पञ्चायति व्यवस्थामा दुई पटक सिद्धार्थनगर नगरपालिकाको नगर पञ्चायतमा निर्वाचित भएका थिए ।

Advertisement

उनी वि.सं. २०३९ र २०४३ सालमा भएको निर्वाचनमा सिद्धार्थनगरको नगर पञ्चायतको रुपमा निर्वाचित भएका थिए । यस्तै बहुदलीय व्यवस्थाको पुर्नस्थापना पछि २०५४ सालको निर्वाचनमा सिद्धार्थनगर नगरपालिकाको मेयरमा निर्वाचित भएका थिए । तर, गत निर्वाचनमा राणा सिद्धार्थनगरको प्रमुखमा पराजित भएका थिए । निर्वाचन केन्द्रित रहेर सागरप्रताप राणासँग ग्लोबल आवाजका लागि बसन्त आचार्यले गरेको कुराकानीः

तपाई ३ पटकसम्म सिद्धार्थनगरको नेतृत्व गरिसक्नु भएको छ । यो पटक तपाइँका एजेण्डा तथा प्राथमिकता के कस्ता छन्?
–मेरो मुख्य एजेण्डा सम्रगमा भन्दा नगरको विकास नै हो । सिद्धार्थनगर नगरपालिकाको योजनाबद्ध तरिकाले विकास गर्नका लागि बृहत मास्टर प्लान बनाउनु पर्छ । यो तयार गरिसकेपछि विकासहरु कदमहरु अघि बढ्छन् । म यो तरिका अनुसार विकास प्रक्रिया अघि बढाउँछु ।

प्राथमिकताको क्रममा भन्नुपर्दा सबै भन्दा पहिला नगरको फोहोरमैला व्यवस्थापन ठूलो समस्याको रुपमा देखा परेको छ । यसको दिगो व्यवस्था गर्न आवश्यक छ । म त्यो काम गर्छु । स्वास्थ्य र शिक्षाको लागि गुणस्तीय बनाउने गरी अघि बढ्ने मेरो उद्देश्य रहेको छ।

तपाइँको जितका आधारहरु के के हुन्?
–अहिले यो ५ वर्षसम्म भएका अव्यवस्थित काम, भष्ट्राचारका कुराहरु र जुन किसिमबाट स्थानीय निकायमा बेथिती भयो । यी सबै कुरालाई सुधार गर्नुपर्ने छ । भष्ट्राचारलाई शून्य अवस्थामा र्झानु पर्ने छ। यो सबै जनताले महशुुस पनि गर्नु भएको छ । जुन किसिमका करका कुराहरु र कर बृद्धिका कुराहरु छन् । यो कर बृद्धिमा नियन्त्रण गर्नु पर्ने छ । म यो गर्न सक्छु । यो नै मेरो पहिलो जितको आधार हो ।

अर्को विगतमा मैले गरेका कामहरु छन् । सभागृह, बर्सपाक, स्वर्गद्वारी घाट, आँखा अस्पताल, भैरहवा मेडिकल कजेलको निर्माणका लागि पहल लगायतका कामहरु मेरो कार्यकालमा भएका थिए । विगतमा मेरो कार्यकालमा सुरु भएका कतिपय कामहरु अहिले ३० वर्ष वित्तदा समेत पुरा हुन सकेका छैन् । त्यसकारणले पनि यो नगरले विकासको लागि मलाई नै कुरिरहेको अवस्था छ । विगतमा मैले यो नगरमा जे जति काम गरेको थिए । सबै सिद्धार्थनगरवासीलाई अवगत छ ।

तपाइँले विगतका कामलाई जितको आधार भन्नु भयो । तर, २०७४ सालको निर्वाचनमा पराजित हुनु भयो नि?
–म यो सिद्धार्थनगरमा ३ पटक मेयर बनिसकेको छु । विगतमा हामीले जित्दै नजितेको भन्ने होइन । २०७४ सालमा मात्रै म पराजित भएको हुँ । विभिन्न कारणले गर्दा म पराजित भएको थिएँ । तर, मैले २०७४ मैले नजितेको कारणले नै जुन किसिमको अव्यस्थित शहर भएको छ । जुन किसिमबाट विकासको अबरोध भयो । यहाँ भष्ट्राचार मैलायो । यसकारणले पनि अहिले सिद्धार्थनगरवासीले मेरो आवश्यकताको महशुस गर्नुभएको छ ।

अहिले पार्टी विभाजन भएको छ । सिद्धार्थनगरमा पार्टी विभाजनको प्रभाव होला नि?
राप्रपा विभाजन नै भएको छैन। राप्रपाको एक जना मान्छेले छाडेर जाँदैमा विभाजन भन्न मिल्छ र? त्यसो हो भने त धेरै छन् विभाजन भएका। त्यस्ता नेता छाडेर जाने त अरु पार्टीमा राप्रपा भन्दा धेरै छ ।

जनताको घरदैलोमा जाँदा उहाँहरुबाट कस्तो प्रतिक्रिया पाउनु भएको छ ?
–हामीलाई एकदमै राम्रो रेसपोन्स गर्नु भएको छ । साथै सिद्धार्थनगरवासी म माथि धेरै हार्दिकता देखाउनु भएको छ । उहाँहरुले तपाई नभएर यस्तो अवस्था भयो । अब तपाई आउनु पर्छ । म जति ठाउँमा गएको छु त्यहाँका सबै जनताले यहि नै भनु भएको छ ।

सिद्धार्थनगरमा धेरै प्रतिष्पर्धामा हुनु हुन्छ । तपाइले उहाँहरुले भन्दा के फरक दिन सक्नु हुन्छ ?
–मैले अरुले भन्दा फरक दिन सक्ने भनेको सुनौलो नगरको रुपमा विकास गर्ने र नगरका जनताको हातमा राखिदिने मेरो विचार हो । शिक्षामा राम्रो गुणस्तरीय विकास गर्ने, त्यही किसिमले स्वास्थ्यमा विकास गर्ने मेरो योजना रहेको छ । यस्तै सिद्धार्थनगरमा पर्यटनको धेरै सम्भावना रहेको हुनाले त्यसलाई पर्यटनमा जोडेर कसरी अघि बढाउन सकिन्छ भनेर त्यो जोडेर देखाउने पर्छ । त्यो पूरा मैले गर्न सक्छु ।

निर्वाचन नजिकिँदै छ, सिद्धार्थनगरवासीलाई के भन्न चाहानु हुन्छ?
यो नगरलाई राम्रो गराउने र यो नगरलाई मेरो हो भन्ने भावना जागृत गराउने र स्थानीय निकायमा जाँदा सबै नागरिकको समान हुने किसिमको व्यवहार गर्ने गरी काम गर्छु । शून्य भष्ट्राचारको परिस्थिति सृजना गर्ने र नगरवासीहरुलाई सरल र राम्रो किसिमले सेवा प्रदान गर्नु पर्ने छ । त्यो सबै पूरा म र मेरो नेतृत्वको टिमले गर्न सक्छ । यसकारणले सबै नगरबासीहरुलाई हामीलाई जिताउन अपिल गर्छु ।

प्रतिकृया दिनुहोस्

Flash News

फोहर व्यवस्थापन : सोचमा नै छ खोट बजेट भाषण अनुसार नै तलब वृद्धि हन्छ : अर्थमन्त्री शर्मा काँग्रेस नेताहरूकाे बैठकः सय सिट राखेर मात्र गठबन्धन गर्न सुझाव भोलि देशैभरका नासु बिदामा बस्ने पूर्व–पश्चिम लोकमार्गमा बस दुर्घटना, पाँच जना घाइते निर्मला प्रकरणमा मुछिएका दिलीपले युवतीलाई दुर्व्यवहार गरेको आरोप, अनुसन्धान जारी विश्वका लागि ताइवान किन यति महत्त्वपूर्ण छ ? गैरसांसदको कार्यकाल सकिएसँगै मन्त्री छान्न संसदीय दलको बैठक हेटौंडामा पाँच सवारीसाधन एक-अर्कासँग ठोक्किएपछि… चितवनमा दुई अर्ब लगानीमा क्यान्सर अस्पताल निर्माण ‘तिम्रै मान्छे हुम कर’ सार्वजनिक नेपाल समाजवादी पार्टीको लुम्बिनी इन्चार्जमा खनाल जापानको आधुनिक प्रविधि नेपालमा भित्र्याउनका लागि पहल गर्न प्रचण्डकाे आग्रह नेपाल खेलकूद महासंघ तिलोत्तमा ११ मा वडा कमिटि, अध्यक्षमा पुन आज कतिमा कारोबार भैरहेको छ सुनचाँदी ? ज्ञानेन्द्र शाही जुम्लाबाट चुनाव लड्ने इजरायलद्वारा गाजा युद्धविरामको प्रस्ताव स्वीकार भूमि आयोगः सम्झौतामा स्थानीय तहहरुको वेवास्ता, भूमिहीनहरु निराश सत्ता गठबन्धनलाई सिट बाँडफाँट मिलाउन कति सहज? गरिब किन गरिब भए !