२३ श्रावण २०७९, सोमबार

Aug 8, 2022

शुद्धोधन गाउँपालिकामा परिचित नाम हो, केशब प्रसाद अधिकारी । अधिकारी बैशाख ३० गते हुने स्थानीय तहको निर्वाचनमा नेपाली कांग्रेसको तर्फबाट शुद्धोधन गाउँपालिका वडा नम्बर ४ को वडाध्यक्षका लागि चुनाबी मैदानमा होमिएका छन् । उनले २०५३ सालमा बुटवल बहुमुखी क्याम्पसबाट नेपाल विद्यार्थी संघबाट राजनीतिक यात्रा गरेको थिए ।

Advertisement

त्यस यता अधिकारी नेपाली कांग्रेसका विभिन्न पदमा रहेर काम गर्दै आएका छन । अधिकारी अहिले नेपाली कांग्रेसको क्षेत्र नम्बर ३ (ख)को क्षेत्रिय सचीव समेत हुन । उनले राजनीतिसँगै आफ्नो व्यवसाय पेशा सञ्चालन गरि रहेका छन् । प्रस्तुत छ, निर्वाचन केन्द्रित रहेर शुद्धोधन गाउँपालिका वडा नम्बर ४ का वडाध्यक्षका उम्मेद्वार केशब प्रसाद अधिकारीसँग ग्लोबल आवाजका लागि बसन्त आचार्यले गरेको कुराकानीः

वडाध्यक्षको लागि उम्मेद्वारी दिनु भएको छ । तपाईका एजेण्डा तथा प्राथमिकताहरु के कस्ता छन्?
–शुद्धोधन गाउँपालिका वडा नम्बर ४ कृषि क्षेत्र हो । पर्साटिकर बजार बाहेक अरु सबै कृषि क्षेत्र भएकाले मेरो प्राथमिकता कृषिमा रहेको छ । खासगरी कृषिका लागि आवश्यक पर्ने सिचाई, विउ मल र बजारीकरण गर्ने कुरा मेरो मुख्य प्राथमिकतामा हो । यस्तै वडामा रहेका सरकारी विद्यालयहरुको स्तरन्नोति गर्ने, गुणस्तरीय शिक्षा प्रदान गर्ने गरी काम गर्छु ।

वडामा रहेको खेलमैदानलाई स्पोर्ट एकेडेमिमा परिणत गर्ने योजना रहेको छ । यस भन्दा अघि वडा र गाउँपालिकामा अन्य दलको सरकार भए पनि मेरो पहलमै त्यसका लागि संघीय सरकारसँग बजेटको माग पनि गरेका छौँ । यसलाई मेरो कार्यकाल भित्रमा नै सम्पन्न गर्ने गरी अघि बढ्ने छु । पर्साटिकट पुरानो बजार भए पनि मानिसको चाप कम हुँदा व्यापार कम भएको छ । यसकारणले वडाका सरकारी कार्यालयहरु बजार क्षेत्रमा राखेर बजारलाई चलायमान गराउने गरी अघि बढ्ने योजना छ ।

यस्तै बजार क्षेत्रमा सिसिटिभि क्यामेरा, बत्ति, ढलनिकासको उचित व्यवस्थापन गर्ने काम गर्छु । वडामा रहेको मोतिपुर स्वास्थ्य केन्द्रलाई विशिषज्ञ सेवासहितको १५ शैयाको अस्पताल बनाउने छु । वडामा धेरै थारु, मुस्लिम, मधेशी, आदिवासी, जनजाति,बाहुन, क्षेत्रि सबै भएको ठाउँ भएकाले हुनाले सबै धर्मलाई समान रुपमा हेर्ने र धार्मिक संघ संस्थाहरुलाई संरक्षण गर्छु । भौतिक विकासमा तर्फ वडा भित्रका सडक कालोपत्रे र स्त्तोरोन्ति गर्ने सोच छ । यसका लागि स्थानीय सरकार, प्रदेश सरकार र संघ सरकारसँग आवश्यक समन्वय गर्ने छु । वाडमा रहेको सुकुमबासी समस्या समाधानका लागि विशेष पहल गर्छु ।
तपाईको जितको आधारहरु के के हुन्?

–मेरो जितका आधारहरु धेरै छन् । म यहि वडामा जन्मेको हुर्केको भएकाले सबै समुदायसँग नजिक रहेको छु । धेरै साथिहरुले मलाई रुचाउनु भएको छ । मलाई मेरो पार्टीका साथिहरुले त स्वाभिक रुपमा सहयोग गर्नु हुने नै भयो अन्य पार्टीका साथिहरु, स्थानीयवासीले हामी सहयोग गछौँ भन्नु भएको छ । अब तपाईले वडाको नेतृत्व लिएर विकास गर्नु पर्छ भनेर धेरै जनाले आग्रह गरे पछि मैले वडाध्यक्षमा उम्मेद्वारी दिएको हुँ । मलाई सबै पेशा व्यवसायका व्यक्तिहरुले सहयोग गर्ने वचन दिनु भएको छ । म आँफै पनि युवा भएकाले युवाहरुको साथ सहयोग रहेको छ । हाम्रो टिम पनि त्यसै अनुसारको रहेको छ ।

वडाध्यक्षका नेतृत्व लिन धेरै जना प्रतिस्पर्धामा हुनु हुन्छ । तपाईहरुले अरुले भन्दा के फरक गर्न सक्नु हुन्छ?
–हामीले धेरै कुरा घोषणापत्रमा उल्लेख गरेका छौँ । हामी किसानहरुलाई विशेष अनुदानको व्यवस्था गर्ने छौँ । भैरहवा–रुपन्देही परियोजना छ त्यसमा हामीहरुले विद्युतको पैसा तिर्दै आएका छौँ । त्यसमा ५० प्रतिशत छुट दिने छौँ । किसानका लागि कृषि तालिमको व्यवस्था गर्ने छौँ । यो अरु कुनै साथिहरुको एजेण्डा छैन् हाम्रो मात्रै छ ।

मेरो ५ वर्षे कार्यकालमा धुवामुक्त भान्सा र विपन्न र गरिब समुदायका सिमान्तकृत वर्गका नागरिकहरु लागि अनुदानमा इन्डकशन चुलो दिने छौँ । यस्तै गरिब र सिमान्तकृत समुदायका सबैलाई वडाबाट शतप्रतिशत अनुदान दिएर स्वास्थ्य बिमा गरिदिने योजना रहेको छ । साथै वडाबाट यज्ञदय क्याम्पसमा स्नातक तहमा अध्ययन गर्न जाने विद्यार्थीहरुका लागि २० देखि ५० प्रतिशत छुट दिने व्यवस्था छौँ । यी बाहेक अन्य धेरै कामहरु हामीले अरुले भन्दा फरक गर्न सक्छौँ ।

जनताको घरदैलोमा जाँदा उहाँहरुबाट कस्तो प्रतिक्रिया पाउनु भएको छ नि?
– हामी जनताको घरदैलोमा जाँदा उहाँहरु धेरै खुसि हुनु भएको छ । हामी भोट माग्न जाँदा तपाईहरुले जित्नु पर्छ हामी सहयोग गछौँ भन्नु भएको छ । हामी घरदैलोमा जाँदा सबै वडावासी खुसि हुनुहुन्छ र हामीलाई राम्रो नै प्रतिक्रिया दिएर हौसला पनि बढाउनु भएको छ । हामी सामाजिक सञ्जालमा आज यो ठाउँमा हाम्रो घरदैलो कार्यक्रम छ भनेर राख्दा धेरै मान्छे स्वस्र्पूत रुपमा हाम्रो घरदैलो कार्यक्रमा सहभागि हुन आउनु भएको छ ।

शुद्धोधन गाउँपालिका–४ को मुख्य समस्या के हो? तपाई निर्वाचित भएपछि कसरी समाधान गर्नु हुन्छ?
–हाम्रो वडाको मुख्य समस्या सिचाई नै हो । वडामा धेरै किसान हुनु हुन्छ । यो समस्या समाधान गर्न लागि सबै निकायसँग पहल गरेर समाधान गर्छु ।

तपाई निर्वाचित हुनु भयो भने अहिलको शुद्धोधन गाउँपालिका–४ र ५ वर्ष पछिको शुद्धोधन गाउँपालिका–४ कस्तो होला? कस्तो परिकल्पना गर्नु भएको छ नि?
–मैले धेरै किसिमको परिकल्पना गरिसकेको छु । अबको ५ वर्षमा सुद्धोधन गाउँपालिका–४ का कुनै पनि बाटाहरु हिलाम्ए र धुलाम्य हुने छैन् । वाटोसँगै ढल निकास, कल्भर्ड, पुल सबै बनि सकेको हुने छ । अधिकांश सडकहरु कालोपत्रे भएका हुने छन् । यस्तै यहाँको बजार व्यवसाय पनि धेरै चलायमान हुने छ । वडाको शैक्षिक गुणस्तर पनि माथि पुराएर अध्ययन गर्न र स्वास्थ्य सेवा लिन फर्साटिकट नै जानु पर्छ भन्ने गरी वडालाई समृद्ध बनाउने परिकल्पना गरेका छौँ ।

निर्वाचन नजिकिदैँ छ, समस्त वडावासीहरुलाई के भन्न चाहानु हुन्छ?
–म वडावासीलाई निर्वाचनमा भोट दिदाँ योग्य, सबैको मनको भावना बुझ्ने, सबै समुदायलाई मिलाएर अघि बढ्न सक्नेलाई मतदान गर्नु होला । मलाई विश्वास छ म सबैको भावना बुझ्न सक्छु र वडाका सबै समस्यालाई समाधान गर्न सक्षम छु । यसकारणले मलाई र मेरो टिमलाई मतदान गर्न आग्रह गर्छु ।

प्रतिकृया दिनुहोस्

Flash News

काँग्रेस नेताहरूकाे बैठकः सय सिट राखेर मात्र गठबन्धन गर्न सुझाव भोलि देशैभरका नासु बिदामा बस्ने पूर्व–पश्चिम लोकमार्गमा बस दुर्घटना, पाँच जना घाइते निर्मला प्रकरणमा मुछिएका दिलीपले युवतीलाई दुर्व्यवहार गरेको आरोप, अनुसन्धान जारी विश्वका लागि ताइवान किन यति महत्त्वपूर्ण छ ? गैरसांसदको कार्यकाल सकिएसँगै मन्त्री छान्न संसदीय दलको बैठक हेटौंडामा पाँच सवारीसाधन एक-अर्कासँग ठोक्किएपछि… चितवनमा दुई अर्ब लगानीमा क्यान्सर अस्पताल निर्माण ‘तिम्रै मान्छे हुम कर’ सार्वजनिक नेपाल समाजवादी पार्टीको लुम्बिनी इन्चार्जमा खनाल जापानको आधुनिक प्रविधि नेपालमा भित्र्याउनका लागि पहल गर्न प्रचण्डकाे आग्रह नेपाल खेलकूद महासंघ तिलोत्तमा ११ मा वडा कमिटि, अध्यक्षमा पुन आज कतिमा कारोबार भैरहेको छ सुनचाँदी ? ज्ञानेन्द्र शाही जुम्लाबाट चुनाव लड्ने इजरायलद्वारा गाजा युद्धविरामको प्रस्ताव स्वीकार भूमि आयोगः सम्झौतामा स्थानीय तहहरुको वेवास्ता, भूमिहीनहरु निराश सत्ता गठबन्धनलाई सिट बाँडफाँट मिलाउन कति सहज? गरिब किन गरिब भए ! पुरानो सुनलाई टल्काउछौँ भन्दै ठगी गर्ने दुई भारतीय नागरिक पक्राउ सिट बाँडफाँटबारे छलफल गर्न सत्ता गठबन्धनको कार्यदलको बैठक बस्दै