कार्तिक २,

ग्लोबल आवाज
बुटवल । जारी क्रिकेट प्रतियोगिता तिलोत्तमा प्रिमियर लिग –३ को आठौं दिन आज सम्पन्न खेलमा सुपर–११ भैरहवा र रुपन्देही पल्टन्स् विजयी भएका छन् । यससँगै सियारी राइनोज भने प्रतियोगिताबाट बाहिरिएको छ । आज सम्पन्न दोस्रो खेलमा सुपर–११ भैरवहवाद्वारा सियारी ४ विकेटले पराजित भएको हो । यस अघिका सबै खेलमा हार ब्यहोरेको भैरहवाले आज प्रतिष्ठाका लागि खेलेको खेलमा भने जीत निकालेको हो ।

टस जितेर ब्याटिङ्ग रोजेको सियारीले १९ दशमलव २ ओभरमा सबै विकेट गुमाउदै १ सय ३९ रनको योगफल तयार पारेको थियो । जवाफमा भैरहवाले अन्तिम ओभरको पाँचौ बलमा १ सय ४० रनको लक्ष्य भेटेको थियो । भैरहवाको जितका लागि राहुल बिकले सर्वाधिक ४६ रन र सहव आलमले ३२ रनको योगदान गरेका थिए ।भैरहवाका सहव आलम म्यान अफ द म्याच र राहुल बिक मष्टभ्यालुएवल खेलाडी बन्न सफल भए । खेलकुद पत्रकार मञ्च रुपन्दहीका अध्यक्ष सुमन अधिकारीले म्यानअफ द म्याच र मष्ट भ्यालुएवल खेलाडीको पुरस्कार प्रदान गरेका हुन्।

त्यस्तै आजै सम्पन्न पहिलो खेलमा तिनाउ टाइटन्स्लाई ४६ रनले पराजित गर्दै रुपन्देही पल्टन्स् विजयी भएको हो । टस जितेर ब्याटिङ्ग गरेको रुपन्देही पल्टन्स्ले निर्धारित २० ओभरको खेलमा ६ विकेटको क्षतिमा १ सय७२ रनको योगफल तयार पारेको हो । रुपन्देही पल्टन्स्को जितका लागि बिराट भण्डारीले ६१ रनको योगदान गरे भने कुशल भुर्तेलले ५९ रनको बनाए ।

जवाफम ब्याटिङ्ग गरेको तिनाउ टाइटन्सले ९ विकेटका क्षतिमा १ सय २६ रनमा समेटिएपको थियो । तिनाउ टाइटन्स्का मानबहादुर थापाले ५३ रनको योगदान गरे भने अन्य ब्याटस् म्यानहरु खासै चल्न सकेनन् । प्रतियोगितामा रुपन्देही पल्टन्स्का बिराट भण्डारी म्यानअफ द म्याच भए भने कुशल भुर्तेल मष्टभ्यालुएवल प्लेयर बने ।