१५ मंसिर २०७८, बुधबार

Dec 1, 2021

बुटवल । गृहमन्त्री भएको ३ महिनासम्म पनि जिल्ला नफर्केको भन्दै चर्को आलोचनापछि रुपन्देही आएका गृहमन्त्री बालकृष्ण खाँण फर्किने बेला पनि आलोचित बनेका छन् । गृह जिल्लामा आफ्नो ८ घण्टे भ्रमण सकेर काठमाण्डौं जाँदै गर्दा फेरी अर्को आलोचना थपेर फर्किएका हुन् ।

Advertisement

गृहमन्त्री खाँणले सोमबार रुपन्देही भ्रमणको अन्तिम कार्यसूचिमा रहेको आफ्नै निवासमा बधाई तथा स्वागत कार्यक्रममा सरिक हुने क्रममा १५ किलोको माला पहिरिएसँगै आलोचना थपिएको हो । नेपाली काँग्रेस तिलोत्तमा नगर समितिले स्वागत गर्दै उनलाई १५ किलोको माला पहिराएको थियो । गृहमन्त्री खाँणले माला पहिरिएको तस्विर आलोचित बन्दै सामाजिक सञ्चालहरुमा फैलिएका छन् ।

भैरहवा विमानस्थलमा ओर्लिएसँगै आलोचित हुन पुगेका खाँण रुपन्देही छाडेर जाने बेलामा समेत आलोचित बने । रुपन्देही आउने क्रममा आफ्नो स्वागतका लागि विमानस्थलमा भिड लगाएर विमानस्थलको सुरक्षा व्यवस्थाको धज्जी उडाएको भन्दै आलोचना भएको थियो । यसैगरी सरकारले आफै जारी गरेको कोरोना संक्रमणबाट बच्न कायम गर्नु पर्ने भौतिक दुरीको समेत बेवास्ता गरेको भन्दै उनको आलोचना भएको थियो ।

गृहमन्त्री भएपछि पहिलो पटक रुपन्देही आएका खाँणलाई स्वागत गर्न रुपन्देहीका काँग्रेस कार्यकर्ताहरु विमानस्थलको सबै सुरक्षा घेरा पार गर्दै रन–वेमा नै पुगेका थिए । सर्वसाधारणलाई मेटल डिक्टेक्टर र छामछुम गर्ने सुरक्षाकर्मीहरु गृहमन्त्रीका कार्यकर्ताका अगाडि लाचार जस्तै बनेका थिए । गृहमन्त्री खाँणलाई स्वागत गर्ने नाममा विमानस्थलको सुरक्षा व्यवस्थामाथि ठूलो खेलवाड भएको भन्दै त्यहाँ उपस्थित यात्रुहरुले टिप्पणी गरिरहेका थिए ।

सोमबार विहान पौने १० बजे भैरहवा विमानस्थल आइपुग्ने कार्यसूचि भएपनि वर्षासँगै मौसममा आएको खराबीका कारण दिउसो साढे १ बजे गृहमन्त्री खाँण भैरहवा ओर्लिएका थिए । उनलाई स्वागत गर्न बसेको ठूलो भिडसँगै विमानस्थलबाट बाहिरिएका उनले नेपाली काँग्रेस रुपन्देहीले आयोजना गरेको कार्यक्रममा सहभागी भए ।

काँग्रेस नेता स्व. प्रेम खरेलको शोकसभामा सहभागी हुन रुपन्देही आएका उनले बुटवलको ज्योतिनगर पहिरोको समेत अवलोकन गरेका थिए । साँझपख साढे ६ बजे ज्योतिनगर पहिरो हेर्न पुगेका उनले करिब १ घण्टा सोही ठाउँमा विभिन्न पक्षसँग छलफल गरे । अध्यारोमै पहिरो अबलोकन गरेर फर्किएका खाँणलाई काँग्रेस तिलोत्तमा नगरसमितिले आफ्नै निवासमा माला लगाएर स्वागत गरेको थियो । उनलाई गरिएको त्यो स्वागतमा प्रयोग भएको माला नै आलोचनाको थप कारण बन्न पुगेको छ ।

तिलोत्तमाको कार्यक्रमपछि गृहमन्त्री खाँण रातको साढे ८ बजे काठमाण्डौंतर्फ लागेको एक काँग्रेस नेताले जानकारी दिए ।

प्रतिकृया दिनुहोस्

Flash News

चिकित्सक र उपकरण अभावले थला परेको अस्पताल तिनाउको हरियाली गाउँमा लैंगिक हिंसा विरुद्ध सचेतना कार्यक्रम अपाङ्गता भएका व्यक्तिका कुरा उठान गर्न माग गर्दै पत्रकारलाई कलम वितरण उद्योगमैत्री वातावरण बनाऊँ : प्रदेश प्रमुख शेरचन एकीकृत समाजवादीको कार्यालय उद्घाटन गर्न बुटवल आउँदै माधव नेपाल चोरीका मोटरसाइकल चलाउने दुई पक्राउ राष्ट्रपति भण्डारीले जारी गरिन् ६ अध्यादेश एशियाको उत्कृष्ट बैंकको उपाधि एनएमबी बैंकलाई राष्ट्रिय गौरबका आयोजनाहरुको प्रगतिबारे लुम्बिनी सरकारको चासो कांग्रेस प्रदेश अधिवेशनको उद्घाटनसत्र भोलि, प्रदेश-२ का केही जिल्लामा विवाद कायमै रंगशालामा युथ एथ्लेटिक्स हुँदा लिग तालिका परिवर्तन रुपन्देहीका पत्रकारद्वय कंडेल र नेपाललाई रोटरी पत्रकारिता पुरस्कार तीन हजार पर्यटन मजदूरलाई राहत मतदाता नामावली संकलन पालिकाबाटै गरिने भरुवा बन्दुकसहित एक जना पक्राउ ओमिक्रोन भेरियन्टको कारण जापानले रोक्यो नयाँ आगमन उडान बुकिङ वैदेशिक व्यापार ६५ प्रतिशतले वृद्धि राप्रपा-एमाले अधिवेशनः शुभकामना दिन चितवन पुगे थापा, तर ओली भृकुटीमण्डप पुगेनन् नेपालमा थप ३१६ जनामा कोरोना संक्रमण, ३ को मृत्यु मोटरसाइकल दुर्घटनामा एक युवकको मृत्यु