८ आश्विन २०७९, शनिबार

Sep 24, 2022

आजकल धेरै मानिस कम्प्युटरअगाडि बसेर दिनभरि काम गरिरहने हुँदा आँखाको समस्या सामान्य भइसकेको छ । यसबाट छुटकारा पाउनका लागि औषधि लिनुभन्दा विभिन्न योगासन प्रभावकारी हुन्छन् ।आँखाको मांसपेशी, मायोपिया र हाइपरमेट्रोपिया लगायतका ठीक पार्न यी योगासन लाभदायक हुन्छन् । अनि यी योगासनले आँखाको तेज पनि बढाउँछन् । 

प्राणायाम
दिनदिनै अनुलोम विलोम गरेर आँखालाई स्वस्थ राख्न सकिन्छ । सबभन्दा पहिले समतल स्थानमा बसेर कम्मर र गर्दन सीधा बनाउनुस् । त्यसपछि आँखा बन्द गरेर सीधा हातलाई नाकमा पु–याउनुस् । अनि औंला सीधा गरेर औंलाले नाकको दाहिने प्वाल थिच्नुस् र देब्रे नाकको प्वालबाट बिस्तारै सास बाहिर निकाल्नुस् । अनि देब्रे नाकको प्वाल थिचेर दाहिने प्वालबाट सास छोड्नुस् । दिनमा कम्तीमा चारपाँचचोटि यसो गर्नुस् । यसले आँखाको थकान हटाएर मानसिक तनाव पनि हटाउँछ । 

योगासन
यो योग गर्नका लागि सीधा उभिनुस् र दाहिने हातलाई अघिल्तिर सीधा तन्काउनुस् । अनि हातको मुट्ठी बन्द गरेर बूढी औंलालाई मास्तिर सीधा ठड्याउनुस् र बूढी औंलामा ध्यान केन्द्रित गर्नुस् । परेला नझिम्क्याइकन यस स्थितिमा केही समय बसेर बिस्तारै सामान्य स्थिपतमा आउनुस् । यो योगासन दिनदिनै कम्तीमा तीनचार मिनेट गर्दा आँखाका समस्या ठीक हुन्छन् । 

व्यायाम
यो व्यायाम जहाँ गरेपनि हुन्छ । आँखा एक मिनेटसम्म बन्द गर्नुस् र फेरि खोलेर आँखालाई घडीको दिशामा १० चोटि गोलोगोलो गरी घुमाउनुस् । अनि आँखालाई घडीको उल्टो दिशामा घुमाउनुस् । दिनमा दुई मिनेट जति यो व्यायाम गर्नुस् । 

सर्वांगासान
यो योगले आँखाका साथसाथै मुटुलाई फाइदा गर्छ । ढाड तल पारेर भुइँमा पल्टिनुस् र दुवै गोडालाई बिस्तारै जमीनमाथि उठाउनुस् । अब कम्मरलाई भुइँबाट अलिक माथि उठाएर टाउको र गोडालाई गर्दनको ९० डिग्रीमा ल्याउनुस् । नलड्नका लागि हातले कम्मर समात्नुस् । यस स्थितिमा केही बेर बसेपछि सामान्य स्थितिमा आउनुस् ।

त्राटकासन
यो आसन गर्ने सबभन्दा सही समय राति हो तर दिनमा पनि गर्न सक्नुहुन्छ । दिनमा गर्दा कोठा अँध्यारो बनाउनुस् र मैनबत्ती बालेर प्राणायामको मुद्रामा बस्नुस् । आँखा नझिम्क्याई मैनबत्ती हेरिरहनुस् । अनि आँखा बन्द गरेर ऊँको मध्यम उच्चारण गरेर आँखा खोल्नुस् । यो आसन कम्तीमा तीनचोटि गर्नुस् र त्यसपछि हत्केलाहरू घोट्नुस् । त्यो तातो हत्केलाले आँखालाई छोएर आँखा खोल्नुस् ।

एजेन्सी

Advertisement

प्रतिकृया दिनुहोस्

Flash News

लुम्बिनीमा पर्यटकीय क्षेत्र सुधारका लागि व्यवसायीले दिए नगरपालिकालाई अल्टिमेटम ‘मनिषा कोइरालाले फोटो खिच्न दिने भएपछि मख्ख परेँ’ आर्थिक वृद्धिदर र जनताको हित विपरित गठबन्धन सरकार : पूर्व अर्थमन्त्री पौडेल चारपाला सामुदायिक वनमा गठबन्धनलाई पराजित गरी एमालेको प्यानलनै विजयी कपिलबस्तुमा बस र ट्रक ठोक्किए : एकको मृत्यु, ३१ जना घाइते भरुवा बन्दुकसहित कपिलवस्तुका २७ वर्षीय प्रेम पक्राउ दशैं आयो, खाद्य डिपो केन्द्रमा चामल आएन देशभर ७४ कोरोना संक्रमित थपिए, थप एकको मृत्यु एमाले देवदह अध्यक्ष चापागाईंद्वारा पार्टी परित्याग, स्वतन्त्र उम्मेदवारीको घोषणा  बुटवलको विकास माेडलका बारेमा कार्यपत्र प्रस्तुत तथा अन्तरक्रिया यसपालिको विपद् : पहिरो, आगलागी र चट्याङबाट बढी मानवीय क्षति बालबिकास र विद्यालयका कर्मचारीको तलब बढायो धुर्कोटले लिलाम नहुँदा भन्सारमा थन्किए करोडौंका गाडी पुमसे च्याम्पियनशिपमा रुपन्देहीकी रियाशा र दिपिकालाई कास्य संघीयतापछि नयाँ आर्थिक केन्द्र बन्न थालेका छन्ः वर्षमान पुन गुल्मी अर्खाबाङ्ग-रुपन्देही सम्पर्क समाजले वनवाटिकामा स्टल निर्माण गर्ने सत्यमोहन जोशीको आजिवन रेखदेख सरकारले गर्छ: खाँण ग्रामीण सडक : बर्खामा बन्द, हिउँदमा खुला यती एअरलाइन्सले सार्वजनिक गर्‍यो चाडपर्व लक्षित योजना मोटरसाइकल जुध्दा दुवै चालकको मृत्यु, एक जना घाइते