९ आश्विन २०७९, आईतवार

Sep 25, 2022

तुरीया खोला
रुपन्देही देवदहको घोडाहामा भासिएको पुल । फाइल तस्वीर

बुटवल । पुल भासिएपछि अवरुद्ध बनेको पुर्व-पश्चिम राजमार्ग खुल्न अझै एक साता लाग्ने भएको छ । गएको विहिबारदेखि रुपन्देहीको घोडाहा खोलाको पुल र पश्चिम नवलपरासीको तुरीया खोलाको पुल भासिएपछि अवरुद्ध बनेको सडक वैकल्पिक माध्यमबाट खुलाउने प्रयास भएको सडक डिभिजन कार्यालय बुटवलका प्रमुख जयलाल मरासिनीले जानकारी दिए ।

Advertisement

मुलुककै पुरानो र मुख्य राजमार्गका रुपमा रहेको पुर्व-पश्चिम राजमार्गमा दैनिक हजारौंका संख्यामा सवारी तथा मालवाहक साधन चल्ने गर्दछन् । मुख्य सडककै पुल भासिएपछि करिब एक सतादेखि आवागमन पूर्णरुपमा प्रभावित बनेको छ । देवदहको घोडाहा पुलमा डाइभर्सन र तुरीया खोलामा बेलि ब्रिज राखेर सडक सूचारु गर्ने तयारी थालिएको सडक डिभिजन कार्यालय प्रमुख मरासिनीले बताए ।

नवलपरासीको तुरीया खोलामा बैल्पिक रुपमा बेलि ब्रिज निर्माणको काम सुरु भइसेको सडक डिभिजन कार्यालयले जनाएको छ । बेली ब्रिज तयार गर्न कम्तिमा १० दिन लाग्ने बताइएको छ । ४० मिटर लामो अस्थायी पुल (बेलि ब्रिज) निर्माणका लागि ३० लाख बढी खर्च लाग्ने सडक डिभिजन कार्यालय बुटवलले जनाएको छ ।

यसैगरी रुपन्देहीको देवदहमा रहेको घोडाहा खोलामा डाइभर्सन तयार गर्नका लागि एक हप्ता लाग्ने सडक डिभिजन कार्यालय बुटवलका प्रमुख मारासिनीले बताए । ‘दुबै स्थानको काम आज बिहानबाट सुरु भएको छ ।’-ग्लोबल आवाजसँग कुराकानी गर्दै मरासिनीले भने ‘यस्तै मौसम सफा रह्यो भने देवदहको घोडाहा पुलमा डाइभर्सनको काम कम्तीमा एक हप्ता र तुरीयामा खोला बनाउन लागिएको बेलि ब्रिजका लागि आवश्यक पर्ने निर्माण साम्रगी नरोकिएमा १० दिन जतिमा तयार हुन्छ ।’ पानी परेर काम गर्न रोकिएमा सो अवधीमा काम सम्पन्न गर्न कठिनाई पर्ने उनी बताउँछन् ।

डाइभर्सन निर्माण लागि लाग्ने सम्पूर्ण खर्चको जिम्मा बुटवल–नारायणघट ४ लेनमा बिस्तार गर्ने जिम्मा पाएको चाइनिज कम्पिनीले बेहोर्ने भएको छ । बेलि ब्रिज निर्माणमा लाग्ने खर्च भने सडक डिभिजन कार्यालय बुटवलले व्यहोर्ने भएको छ । खोलाको बीचमा कम्तिमा १० वटा ह्युइम पाइप राखिने मरासिनीले बताए ।

बेलि ब्रिजमा चल्न पाउने छैन् ठूला सवारी साधन

तुरीया खोलामा राख्न लागिएको अस्थायी पुल (बेलि ब्रिज)मा ठूला सवारी साधन भन्ने चल्न नपाउने भएका छन् । बेली ब्रिजमा टिपर, ट्रक लगायतका ओभरलोड भएका सवारी साधनलाई चल्न नदिने सडक डिभिजन कार्यालयका प्रमुख मरासिनीले बताए । सो पुलमा यात्रुवाहाक बस, मोटरसाइकल, कार लगायतका साना सवारी साधन एकतर्फी रुपमा चल्न पाउने उनले बताए ।

‘सामान्यतयाः बेलि ब्रिजले धेरै लोड धान्न सक्दैन् ।’ उनले भने ‘ यो सञ्चालनमा आएपछि बिरामी बोक्ने एम्बुलेनस, यात्रु लगायतलाई सहज होस भनेर अस्थायी रुपमा बेलि ब्रिज बनाउन लागिएको हो।’ ओभरलोड भएका ठूला सवारी साधन भने भैरहवा– भूमहि लगायत सडक खण्ड नै प्रयोग गर्नु पर्ने बताए ।

के हो बेलि ब्रिज ?

डोनाल्ड बेलिद्वारा परिकल्पना गरिएको तथा बेलायती सेना द्वारा दोस्रो विश्व युद्व ताका प्रयोगमा ल्याइएको सजिलै ओसार पसार गर्न सकिने पुललाई नै बेलि ब्रिज भनिन्छ । सजिलै जोड जाड गर्न सकिने र हलुका भए पनि धेरै भार वहन गर्न सक्ने विशेषताको कारण यो आपतकालिन परिस्तिथि तथा प्राकृतिक प्रकोपको समयमा धेरै प्रयोगमा आउने गर्दछ्र ।

नेपाल पहिलो पटक बि.स. २०५२ मा बेलि बिज्रको प्रयोग गरिएको थियो । बर्षाका कारण पृथ्वी राजमार्गको विभिन्न पुलहरू बाढिले बगाउँदा नेपालमा यसको प्रयोग भएको थियो ।

प्रतिकृया दिनुहोस्

Flash News

सर्वोच्चले राष्ट्रपतिसँग माग्यो लिखित जवाफः विधेयक किन प्रमाणीकरण नगरेको ? अर्थमन्त्री शर्मा भन्छन्- कर्णालीकाे विकासमा कृर्षिकाे भूमिका महत्वपूर्ण छ जुवातास खेलिरहेको अवस्थामा छुट्टाछुट्टै स्थानबाट ३५ जना पक्राउ सिद्धार्थ बैंकको दसैं योजना : अनलाइन कारोबार गर्दा २० प्रतिशत क्यास ब्याक पाउने राष्ट्रपतिविरुद्धको रिट न्यायाधीश फुयालको इजलासमा शालनालसहित शिशुको शव भेटियो भरतलाई भाग्यको साथ: बज्रपातमा ३५ करोडको चिट्ठा बढ्यो भीड, बढेन व्यापार जिप चलाउँदै गरेका चालकलाई बोलाएर कुटपिट घट्यो सुनचाँदीको मूल्य डेंगु महामारी नियन्त्रण गर्न सरकारले विशेष ध्यान दिनुपर्छः सिंह केन्द्रीय बैंकले १२ अर्बको ट्रेजरी बिल जारी गर्ने तुलसीपुरमा मोटरसाइकलको ठक्करबाट पैदलयात्रीको मृत्यु ट्याक्सी र स्कुटर ठोक्किँदा एक जनाको मृत्यु दसैँमा दुर्गम क्षेत्रमा अत्यावश्यक खाद्यन्न अभाव हुन दिन्नौँ: खाद्य कम्पनी डलरको भाउ हालसम्मकै उच्च एमाले देशको ठूलो पार्टी बन्छ: अध्यक्ष ओली सकियो सोह्र श्राद्ध, पितृ विसर्जन गरिँदै उडानमा यात्रुले परिचरलाई कुटेपछि … अरिङ्गाल पोल्ने क्रममा एकको मृत्यु, पाँच जना घाइते