१ आश्विन २०७८, शुक्रबार

Sep 17, 2021

बुटवल । कान्ति माध्यमिक विद्यालयले नवआगन्तुक विद्यार्थीहरुलाई स्वागत गरेको छ । विद्यालयले शैक्षिक सत्र–२०७८ का लागि विभिन्न विषयमा भर्ना भएका विद्यार्थीहरुका लागि अनलाइन भर्चूअलका माध्यमबाट स्वागत तथा उत्प्रेरणामूलक कार्यक्रम गरेको हो ।

कार्यक्रममा बुटवल उपमहानगरपालिकामा प्रमुख शिवराज सुवेदीले मोफोसलमा रहेर पनि कान्तिले राष्ट्रिय तथा अन्तराष्ट्रियस्तरमा विभिन्न विषयका विज्ञ उत्पादन गर्नमा महत्वपूर्ण भूमिका निर्वाह गरेको भन्दै प्रशंसा व्यक्त गरे । साथै आग्रमी शैक्षिक सत्रमा यो विद्यालय देशकै नमुना विद्यालयका रुपमा स्थापित गर्नका लागि स्थानीय सरकारले गर्नु पर्ने सबै प्रकारका सहयोग गर्न तयार रहेको बताए ।

यस्तै कार्यक्रममा नगर उप–प्रमुख गुमादेवी आचार्यले शिक्षा आम नागरिककोे मौलिक हक अधिकार भएकाले सबैलाई राज्यले सम्मान शिक्षाको व्यवस्था गर्नु पर्ने बताइन् । साथै उनले बुटवल उपमहानगरको बारेमा सानै उमेर समूहका विद्यार्थीलाई जानकारी गराउनका लागि स्थानीय पाठ्यक्रम निर्माण गरि कार्यान्वयनमा ल्याएको बताइन् । यस्तै स्वागत कार्यक्रममा विद्यालयका संरक्षक एवंम वडा नम्बर ४ का अध्यक्ष टंक प्रसाद पराजुलीले विद्यालयको अबको शैक्षिक कार्यक्रम इ–सिकाई, प्राविधिक धारका विषयबस्तुहरुको पठन–पाठन केन्द्रित हुनु पर्र्ने बताए ।

नवआगन्तुक विद्यार्थीहरुलाई उत्प्रेरक डा. तारा जि.ले व्यक्तित्व विकास, नेतृत्व बिकास र जीवनमा सफलता प्राप्त गर्नका लागि गर्नु पर्ने कार्यहरुलाई समेटेर उत्प्रेरणामूलक प्रशिक्षण दिएका थिए ।
कार्यक्रममा प्राचार्य गोविन्द ज्ञवालीले नवआगन्तुक विद्यार्थीहरुलाई स्वागत गर्दै औपचारिक शिक्षण सिकाई नियमका बारे जानकारी गराए । साथै प्राचार्य ज्ञावलीले सबैको साथ र सहयोगले विद्यालय अहिलेको अवस्थामा आउन सफल भएको बताए । विद्यालयलाई शैक्षिकस्तरलाई अझ माथि उकास्नका लागि सबैको साथ र सहयोग आवश्यक पर्ने उल्लेख गरे ।

हुमराज भुसाल संयोजकत्व भएको कार्यक्रमको अध्यक्षता विद्यालय व्यवस्थापन समितीका अध्यक्ष हेमानन्द शर्मा र कार्यक्रमको संचालन शिक्षक राजन पौडेलले गरेका थिए ।

Follow Us

प्रतिकृया दिनुहोस्

Flash News

मन्त्रिपरिषद् विस्तारकाे विषय एक हप्ता भित्र टुङ्गाे लाग्छ: नेपाल बुल्दी खोलामा ट्रक खस्यो, चालकको मृत्यु बजेट होलिडे : सरकारको गैरजिम्मेवारीले उत्पन्न वित्तीय संकट कुन देशले बालबालिकाहरूलाई खोप दिँदैछन् ? १२ लाख लगानीमा राजकुमारकाे कबाव उद्योग म्याग्दीका हिमालमा आरोही आउन थाले ‘अनअराइभल भिसा’ दिने व्यवस्था तत्काल मिलाउन माग आजदेखि पाथीभरा दर्शन खुला सुनवलमा मोटरसाईकल दुर्घटना, एक जनाको मृत्यु सुदूरपश्चिममा ‘बूढी पोल्ने’ पर्व मनाइँदै नेपाललाई रातो सूचीबाट हटाउन बेलायत सरकारसँग माग हुम्लामा लोडसेडिङले कक्षा १२ को वार्षिक परीक्षा आधा घन्टा ढिलो सञ्चालन दुई बालकको खातामा करोडौं भारु जम्मा भएपछि… विप्लव नेतृत्वको नेकपाको केन्द्रीय कमिटी बैठक बन्दीपुरमा चीनबाट थप ४४ लाख खोप आज आउँदै, निगमको वाइडबडी विमान बेइजिङमा सदनको गतिरोध अन्त्य गर्न प्रधानमन्त्रीले थाले संवाद, बालकोट पठाए प्रतिनिधि रातभरको वर्षाले कस्ता छन् लुम्बिनीका सडक ? विश्वकप लिग-२: नेपालले आज अमेरिकाको सामना गर्दै ७५० स्थानीय तहमा पुगे बैंक सुस्तामा भाले गैंडा मृत अवस्थामा फेला